Esitɛɛ 4:16 - Kazambale lé Sebe Sauunu 1979

¹⁶ ’I go, Juifinu faa lé wo ke Suz, ’i wo zén ékema, yé ’ka lɔrɔ sɔn wo nya anlé we ma. Té ka fɛ ble lo, té ka fɛ mini lo, é béli valé é yiéyi fɔɔ yi yaa. Maa é ziin, maa valé an wuolomu é dan lɔrɔ sɔn lɛ a zo. ’Bɛ zuo, dé bélidɔwe aoo, dé é ’ka looo, an dan wɔra lɛ minwiinzan blɛn va. Dé an gaan‐oo, ’té an gaan é wo.

Esitɛɛ 4:16 ပူးပေါင်းရင်းမြစ်များ

Wepélisiananu 18:19

Naa, maa a si a va léé, ’é ’é benu valé élé kɔngimunu béli dɔ léé, ’wo tawo Gakelebale lé zi ta, ’té woo we drɔle valé we tegele kɛla; ’bɛ zo lé, we faa lé Gakelebale a fe Abraam lɛ blivolɛdére nya, é dan a kɛlɛ lɛ.

Wepélisiananu 43:14

Plɛplɛfaazan Bale ’é ka kɛlɛ mi zinnu nya mi ’ko yuɛ gi ma; ’é daan ka bwe koɛzan valé Bɛnjamɛn ma, yé ’wo da é ziin ka va ma. Yé maa, dé anlé nénu vuru an ma, ’té an vuru é wo wo gi.

2 Samuɛl 10:12

’I dɔ gligli yé kaa bli ta plɛplɛ nagɔɔn kolé munu valé kolé Bale lé flanu lé we ma, yé dé wean dɔ Gakelebale gi wezin nya, ’é a kɛlɛ ma.

2 Minwiinzannu 7:4

Dé é dɔ ko gi léé, ’ko go fla, lɔrɔ a fla yé ko dan ga lɛ ana; yé dé ko vo ’ko, ga duo lé ko dan wo lɛ. Kaa go Sirinu lé sɔkɔn dɔna; dé wo ko vo é yuɛma ko dan vo lɛ é yuɛma; dé wo ko gyɛ, ’té yee ga duo lé.

2 Minwiinmunu lé Wezuofe Sɛbɛ 20:3

Jozafat kana, yé é ’é ma’lɛrɛ Gakelebale naginile we ma, yé é zana dɔɔ léé, Juda munu faa ’é lɔrɔ sɔn.

Ezidras 8:21

Aava yuu sɔnɔ bɛ, an mibo kɛlɛ kiéné lɔrɔsɔnle zana dɔɔ kolé Bale ’lɛ, léé, ko zanté vɔ a lɛ léé, ’é bɛ zin pa ko ta kolé tawole gi, ko koo, kolé nénu koo, fɛnu faa lé wo ke ko lee koo, ko ta.

Esitɛɛ 4:15

Esitɛɛ léé, ’wa fe Maadosé lɛ léé:

Esitɛɛ 4:17

We faa lé Esitɛɛ a fe, Maadosé go yé é wo faa kɛlɛ.

Esitɛɛ 4:3

Bɛntɛrɛ faa lé minwiinzan blɛn déretawe valé alé bélidɔwe bɔ ana, ana Juifinu faa vo bli kyɛdɔle blɛn gi. Woo lɔrɔ sɔn‐o, woo wuvɔa, ’té woo dunnuan, yé wo va mi kiɛre éé yiaan bɔlɔ la, é valé kyɛyee gi.

Esitɛɛ 5:1

A yi yaazan nya, Esitɛɛ élé tɔvarɔnu zén é ta yé é dɔ minwiinzan blɛn lé ’doo gi, minwiinzan blɛn yiinakɔn ’léé yɛrama. Té minwiinzan blɛn a é nyanale élé webleblin ta, élé fuakɔn ’léé yɛrama.

Esitɛɛ 9:31

Yé wo wo béli dɔ a nya léé, ’wo Purim yinu kɛlɛ wo kɛlɛbléyi lé wa dɔ bɛ, a yɛrama, bélé fɛan zo lé Juifi mi Maadosé valé minwiin le Esitɛɛ a fe wo lɛ, a zo, ’té wobozen a nyi si léé, wo koo, wo kulunu koo, wo dan a kɛlɛ lɛ, a zo. Wo lé wo lɔrɔ sɔn, yé wo wuvɔ ’bɛ bléyi va bɛ, woo lé.

Ézai 22:12

Mizan, lai sunyanu lé Gakelebale é dan ka laa lɛ ’bɛ yi la, léé, ’ka wuvɔ, ’ka gɔlɛ gyɛ, ’ka nwin bo, ’ka bɔlɔ zén ka ta.

Jérémi 36:9

Juda munu nwiinzan blɛn Jozias be Jojakim plale mi nwiin lɛɛ soruzan nya, a moné sɔraziɛnzan nya, wa zana dɔɔ léé, Jérusalɛm munu faa koo, Juda munu faa lé wo si ’wolé flanu ta yé wo da Jérusalɛm, wo koo, ’wo lɔrɔ sɔn Gakelebale lɛ.

Daniɛl 2:18

É lé wo lɛ léé, ’wo zanté vɔ lanu lé Bale lɛ léé, ’é é nyanai zén ’wo ta, léé, té wo Daniɛl valé é bɔlunu gyɛ zama Babilɔn lé wedɔɔmunu pɔnénu va lo.

Matio 12:40

Naa, fɛan zo lé Jonas yiéyi yaa valé béli yaa kɛlɛ pɔ blɛn bɔn gi, a zo duo lé, maa blami Be é dan yiéyi yaa valé béli yaa kɛlɛ lɛ tɛrɛ bɔn gi.

WENÉNÉ LÉ LUK A GYE (Évangile selon Luc) 9:24

Naa, mian é sɔ a lɛ léé, é ’élé tɛrɛla kɛlɛ blɛn, é dan vuru lɛ a gi, yé mian é vuru we faa gi anlé we ma, ’bɛzan é dan ézé ye lɛ.

WENÉNÉ LE JAN A GYE (Évangile selon Jean) 19:22

Pilat lé wo lɛ léé: We lé maa a gyɛ, yee lé ke bɛ.

Kelewenu 10:7

Lanje lé é we fe a lɛ bɛ, a gole tɔɔn, Kɔɔnéi é wuomunu fié laa yé a lee sunya do lé é ke Bale lé zisɔlɛzan nya, é ’bɛ pa wo va

Kelewenu 20:24

Naa, an ’ka we do kpen kɛla anlé tɛrɛla we ma, bélé fɛan zo lé a we a an lee, a zo lo. We fié lé ke an bli gi, yee lé é ke ’ko: zi lé Mizan a gɔɔn an lɛ, maa lé a ta tawole lɛsɔɔle gi nanale nya a do; nyanama lé Mizan Jézu a nɔ an lɛ, Bale lé zin lé Wenéné fele nya, ’bɛ lɛsɔɔle a do, woo lé ke bɛ; an ma we bɛ ’ka lo.

Kelewenu 21:13

Yé é a zi pa léé: Mɛ zoɛ we lé ka ke a kɛlɛna an lɛ ’koo? ’té ka wuvɔa ’té ka an bli gi kyɛ dɔaa? Dé wo an yereoo, dé an ga Jérusalɛm Mizan Jézu tɔ lé we maoo, an ma a é ’lɛrɛle é kyɛn.

Kelewenu 27:33

Tu kinile ’lɛ, Pɔl we pla munu faa lɛ léé, ’wo fɛ ble, yé é léé: Ka bli kyɛ dɔle we ma, a yi vu ta ziɛnzan lé ke kyɔ, ka ’ka tan fɛ do kpen ble lɛ lo.

Kelewenu 9:9

É vo ’bɛna yi yaa, ’té é ’ka fɛna yé lo, ’té é ’ka fɛ blé lo, ’té é ’ka ’yi minian lo.

Rom munu 16:4

wo ’wobozen bɔra ga lɛ an bélile we ma. Maa doan, maa wo bɔ vɔa lo; bɛnnu lé léglizigimunu faa a wo bɔ vɔna é ziin.

Filip munu 2:30

Naa, Krist lé nyanama lé we ma lé é vo sɛ yé é ga. Dé é kɛlɛ léé, ka ana, an mawenu lé kanɔ a kɛla, é bli si élé tɛrɛla lɛ, yé é wo kɛlɛ.

Jozué 24:15

Yé dé ka ’ka Gakelebale bɔle yé we zin nya lo, dé é sɔ ka lɛ ka mian bɔ, kazé si a va kyɔ, dé balenu lé ka tinu a bɔ yuu zi, dé ’bɛnu léé, dé Amorénu lé ka nyanaan wolé tɛrɛ la bɛ, dé wozé balenu léé, naa, maa koo, anlé kɔngimunu koo, ko dan Gakelebale bɔ lɛ.

1 Samuɛl 19:5

é bli si é ga lɛ, é Filisiti mi gyɛ yé Gakelebale Izraɛl faa si we blɛn gi. Bé ye, yé i gi nana a we ma. Mɛmalé i dan wenyané kɛlɛ lɛ mi zin lɛ yé i David gyɛ é boaa?