Esitɛɛ 3:2 - Kazambale lé Sebe Sauunu 1979

² Minwiinzan blɛn wuomunu faa lé wo ke é dɔle minwiinzan blɛn lé gɔrɔ ’léé, woo powuo zunwo, ’té woo ’wuo tuaan Aman lɛ. Naa, a zo lé minwiinzan blɛn a fe alé we ma. Naa, Maadosé ’ka é powuo zunwo pelo, yé é ’ka é ’wuo tuaan pelo.

Esitɛɛ 3:2 ပူးပေါင်းရင်းမြစ်များ

Wepélisiananu 41:43

Yé é a vɔ goro lé ke ’ézé zuo, a gi, yé wo siaa a ’lɛ léé: ’Ka powuo zun! A zo lé Faraɔn Jozɛfu pla Éjipiti tɛrɛ faa nwiin.

Esitɛɛ 2:19

Dé wo blɛnnu zén ékeva a gɔnɔ fiézan nya, ’bɛ bléyi va ’té Maadosé a é nyanale minwiinzan blɛn lé gɔrɔ ’léé.

Esitɛɛ 2:21

’Bɛ bléyi duo va, dé Maadosé a é nyanale minwiinzan blɛn lé gɔrɔ ’léé, minwiinzan blɛn lé miblalenu fié Bigitan valé Térɛs lé wo ke kɔn ’léé tabinzannu nya bɛ, wo bli fli minwiinzan blɛn Asuérus ma, yé é sɔ wo lɛ léé, ’wa gyɛ.

Esitɛɛ 2:5

Juifi mi do a fla blɛn Suz ta. Wa laama Maadosé. Bɛnjamɛn mi Kis be Siméi be Jaii be lé.

Esitɛɛ 3:1

We ’ko giéle zuo minwiinzan blɛn Asuérus Agaga mi Amédata be Aman tɔ nwa blɛn. É we faa se kɛlɛ a lɛ, yé é a pla ’é bɛgimunu faa nwiin.

Esitɛɛ 3:3

Yé minwiinzan blɛn wuomunu lé wo ke é dɔle minwiinzan blɛn lé gɔrɔ ’léé bɛ, wo lé Maadosé lɛ léé: Mɛwemalé i minwiinzan blɛn dére lɛgaan a maa?

Esitɛɛ 3:5

Yé Aman a ye léé, Maadosé ’ka é powuo zun lɛ yé é ’wuo tua ’é lɛ lo, amalé a bli fli kaii.

Esitɛɛ 5:9

’Bɛ yi nya, Aman bɔra é ginanale nya, ’té a bli a drɔɔ. Naa, dé é Maadosé ye minwiinzan blɛn lé gɔrɔ ’léé, ’té ’bɛ ’ka nwa lɛ yé ’bɛ é kɔɔ a yuɛ va lo, a bli fli Maadosé ma kaii.

Lɛrɛvɔ Sɛbɛ 15:4

Mian é ’ka mi nya lo, éé lɔlu kplililii boo a ma, Naa, munu lé woo kanaan Gakelebale lee, éé ’bɛnu lɛdɔama. Dé é bale kun, é dan é nian si lɛ élé fɛ gi yé é a nɔ yé élé balekundére lɛ sɔɔ a nya.

Fwile 17:14

Gakelebale lé Moizi lɛ léé: Bé gyɛ sɛbɛ gi, a sele dɔle mi gi we ma, yé bé fe Jozué lɛ léé, maa dan Amalɛk munu sele san lɛ mi faa gi lanu wuo.

Fwile 17:16

Yé é léé: Amalɛk é bɛ nwa Gakelebale lé fuablin ma, amalé Gakelebale é dan guli dan lɛ Amalɛk va, a kulunu é kulunu va.

Daniɛl 2:49

Daniɛl zanté vɔ minwiinzan blɛn lɛ léé, Sadrak koo, Mésak koo, Abɛd‐Négo koo, ’é Babilɔn tɛrɛ la wenu bɛ pa wo ɛ lee. Yé Daniɛl vo minwiinzan blɛn lé gɔrɔ gi.

Bélidɔwesɛbɛ Fiézan 25:19

Dé Gakelebale kalé Bale ka si ka nyanézannu lé ke ka zi, wo lee faa, tɛrɛ lé Gakelebale, kalé Bale a nɔ ka lɛ kazé nya, kalé tɔnɔfɛ nya, dé é flinle nɔ ka lɛ a ta faa, ka dan Amalɛk munu sele saan lɛ munu faa gi tɛrɛ la; té ka gi é san ’bɛ ma lo.

Filip munu 2:10

léé, lagi koo, tɛrɛla koo, tɛrɛ wuo koo, munu faa ’wo powuo zun wona Jézu tɔ nya,

1 Samuɛl 15:3

’I go sin, ’i guli dan Amalɛk va yé ’i alé fɛnu faa sɛrɛ; té i wo do kpen vo lo; gɔnénu valé lomu koo, nénu valé nyɔmanénu koo, dirinu valé ’blanu koo, nyɔgɔménu valé sokofalenu koo, ’ka bale pa wo ma, ’ka wo faa gyɛ.