Esitɛɛ 3:13 - Kazambale lé Sebe Sauunu 1979

¹³ Vlanburuzannu go sɛbɛ ’konu nya minwiinzan blɛn lé bɛntɛrɛ faa la, léé, ’wo Juifinu kulu ga, ’wo wo gyɛ, ’wo wo faa gyɛ za ma. Miboronénu valé mi kwakwanu koo, né kiénénu valé lomu koo, ’wo wo faa gyɛ yi do kpen nya ékeva, yé ’wo ’wii wolé fɛnu faa ta; ’wo wo gyɛ moné vu ta fiézan lé ke Adaa moné nya, a yi vu ta yaazan nya.

Esitɛɛ 3:13 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 30:6

Nwunvɔzannu go minwiinzan blɛn valé alé mi segelenu lé sɛbɛ nya wo lee Izraɛl valé Juda tɛrɛnu faa la. Yé minwiinzan blɛn dére lé é a fe, wa fe munu lɛ, léé: Izraɛl munu, Gakelebale lé ke Abraam koo, Izak koo, Izraɛl koo, wolé Bale nya, ’ka da a va ka pa gi, léé, ka lé ka so Asirinu nwiinzan blɛn lee, yé yee Bale ’é da ka va é ziin.

Esitɛɛ 7:4

Naa, maa koo, anlé munu koo, wo ko dan, léé, ’wo ko kulu ga, ’wo ko bɔrɔ bo, ’wo ko sɛrɛ tata. Dé é vo kɔɔn léé, wo ko dan kɛlɛle luunu valé wuolomu nya we gi, ’té maa ’ka we sié a ta lo. Naa, dé ’bɛ zoɛ fɛ blɛn san minwiinzan blɛn lee, mɛ fɛ lé nyanézan é dan a nɔ lɛ a pa gii?

Esitɛɛ 8:5

Yé é léé: Dé é sɔ minwiinzan blɛn lɛ, yé dé maa a yuɛ gi bɔ, yé dé we ’ko a minwiinzan blɛn yuɛ gi tegele, yé dé an sɔ a lɛ, sɛbɛnu lé Agaga mi Amédata be Aman a gyɛ bɛ, ’wo sɛbɛnu gyɛ, wo yigale we ma. Sɛbɛnu lé é wo gyɛ Juifinu lé wo ke minwiinzan blɛn lé tɛrɛ faa la, wo gyɛle zamaga nya we gi bɛ, woo lé.

Esitɛɛ 9:1

Moné vu ta fiézan lé wa laama Adaa moné bɛ, a yi vu ta yaazan nya, yian nya lé wonɔ minwiinzan blɛn dére tawe valé alé bélidɔwe kɛla bɛ, a yi bɔ. Yian nya lé Juifinu nyanézannu a va kɔɔn léé, wo pla wo nwiin ’bɛ yi nya, é ’ka kɛlɛ lɛ ’bɛ zo lo. Juifinu ɛ pla ’wo nyanézannu nwiin.

Esitɛɛ 9:5

Juifinu wo nyanézannu faa gyɛ gwɔun nya. Wo wo gyɛ za ma. Munu lé wo za ke ’bɛnu gi, wo we kɛlɛ ’bɛnu lɛ wolé blibɔmale yɛrama.

JOB (Job) 9:25

Anlé yinu éé giéan kelekele é mini vlanburuzan ta; Woo giéan, ’té maa ’ka wezin yé wo gi lo;

Ézai 10:6

Maa wo pa zia bɛn nyané va, munu lé an bli ke flina wo ma, maa wo nwunvɔ ’bɛnu va, léé, ’wo ’wii ’bɛnu ta yé ’wo gulizarafɛ si, yé wo ’bɛnu zɔn ’wo gane nya bélé voli zo zia.

Jérémi 51:31

Lɛtrɛ kɔné sizannu kee, nwunvɔzannu gié é ke la, we zuo fele Babilɔn nwiinzan blɛn lɛ we ma; Wo léé: Wo diri ilé fla zi yé wa si;

Rom munu 3:15

Tawo kele gane a wo wuo mi nyɛ nwɛɛnle we ma;

SEBE LÉ JAK A GYE (Épitre de Jacques) 2:13

Mian a nyanai ’ka zén‐é lo, mi nyanai ’ka zén‐é ’bɛzan ta alé weblena lo. Nyanai zénle éé weblele keleé.

1 Samuɛl 15:3

’I go sin, ’i guli dan Amalɛk va yé ’i alé fɛnu faa sɛrɛ; té i wo do kpen vo lo; gɔnénu valé lomu koo, nénu valé nyɔmanénu koo, dirinu valé ’blanu koo, nyɔgɔménu valé sokofalenu koo, ’ka bale pa wo ma, ’ka wo faa gyɛ.

1 Samuɛl 22:19

Yé Saul Balebanzannu lé fla Nɔb gyɛ gwɔun nya: gɔnénu koo, lomu koo, nénu koo, nyɔmazannu koo, dirinu koo, sokofalenu koo, ’blanu koo, wo wo faa gyɛ gwɔun nya.