Esitɛɛ 2:15 - Kazambale lé Sebe Sauunu 1979

¹⁵ Abisail lu Esitɛɛ lé a dinni be Maadosé a si é lu nya bɛ, dé a goyi bɔ minwiinzan blɛn va, miblale Égé lé ke minwiinzan blɛn lé lomu tabinzan nya, fɛnu lé é wo nɔ, yee saa lé Esitɛɛ a si yé é ’ka fɛ bɛ ma laa lɛ lo. Esitɛɛ kɛlɛ é zin munu faa lé wa ye, wo yuɛ gi.

Esitɛɛ 2:15 ပူးပေါင်းရင်းမြစ်များ

Esitɛɛ 2:14

Blɛn do é go nyanadi minwiinzan blɛn va. Yé ’bɛ é tu kini, yé wo goan lomu lé kɔn fiézan gi, yé wa bɛ pa miblale Saasagaz lé ke minwiinzan blɛn bwɛnu tabinzan nya, a lee. Dé a lɔrɔ ’ka tan minwiinzan blɛn gyɛ lɛ yé ’bɛ a laa é tɔ nya lo, ’té é ’ka tan go lɛ ’bɛ va lo.

Esitɛɛ 2:16

Minwiinzan blɛn Asuérus plale mi nwiin lɛɛ sɔrafiézan lé moné vuzan lé wa laama Tébɛt, a nya lé wo go Esitɛɛ nya a va alé fuakɔn gi.

Esitɛɛ 2:3

É a lé minwiinzan blɛn é mi nwunvɔ élé bɛntɛrɛ faa la, léé, blɛnnu lé wo ke é nɔnɔmi, ’té wo ’ka gɔné dɔɔa lo, ’wo wo zén ékeva lomu lé zén‐ékevakɔn gi fla blɛn Suz ta, yé wo wo bɛ pa miblale Égé lé é ke lomu tabinzan nya, a lee. Yé fɛnu faa lé wo mawe ke wo gi wo zurufɛnu valé wo ma nyɔnɔnu nya, é dan a nɔ lɛ wo lɛ.

Esitɛɛ 8:1

’Bɛ yi duo nya, minwiinzan blɛn Asuérus Juifinu nyanézan Aman lé kɔn nɔ é na Esitɛɛ lɛ; Esitɛɛ Maadosé gɔɔn minwiinzan blɛn lɛ, yé é a alé mi nya fɛan zo, é a gɔɔn minwiinzan blɛn lɛ.

Esitɛɛ 9:29

Abisail lu minwiin le Esitɛɛ valé Juifi mi Maadosé sɛbɛ gyɛ a gɔnɔ fiézan nya Purim lé sɛbɛ gi dére dɔle gligli we ma.

Wegɔnévɔlenu 15:33

Kanale Gakelebale lee éé wedɔɔle no mi lɛ, yé tɔbɔle éé dan bo kɛlɛle kiéné zuo.

Wegɔné Ma Lɛrɛ 6:9

Naa, anlé plala, anlé gun‐amalozan a do kpen; É a é bu lé néwɔlɛ do kpen nya, É a é yaazan sɔlɛné nya. Blɛnnu a ye, yé wo léé, azé a néné; Minwiinzan blɛn nanu valé a bwɛnu é ziin, wa tɔ zin fé. —

Wegɔné Ma Lɛrɛ 8:10

Maa a gɔrɔ nya, Yé an nyɔ a a ta kɔn torole nya; Maa a a yuɛ gi mi lé é vole drɔɔ ye, a nya.

Kelewenu 7:10

Naa, Kazambale kɛlɛ a va, yé ’bɛ a si élé kleblelenu faa gi. ’Bɛ wedɔɔle nɔ a lɛ, yé ’bɛ a kɛlɛ mi zin nya Éjipitinu nwiinzan blɛn Faraɔn yuɛ gi yé Faraɔn a kɛlɛ élé kɔnzan valé Éjipiti tɛrɛ la gbɔrɔnama nya.