Esitɛɛ 10:3 - Kazambale lé Sebe Sauunu 1979

³ Naa, Juifi mi Maadosé ɛ ke minwiinzan sɛné nya Asuérus zuo. A lɛa a ma Juifinu va. Yé alé we sɔ é bwenu faa lɛ. É ’élé munu lé zin ginian yé é ’é bɛn faa lé zinyewe fé.

Esitɛɛ 10:3 ပူးပေါင်းရင်းမြစ်များ

Wepélisiananu 41:40

Maa i dɔ kyɔ anlé kɔngimunu nwiin, yé anlé munu faa é dan i lɛdɔ lɛ a ma wenu faa lé bé fé wo lɛ, a ma. Maa ɛ ke minwiinzan blɛn nya; dé maa kaan lo, mi bɛ ’ka mini lɛ i lɛ lo.

Wepélisiananu 45:10

I dan nyana lɛ Gozɛn tɛrɛ la; i dan kɛlɛ lɛ ’é sɔnɔ, bii koo, i benu koo, i benu ’é benu koo, ilé ’blanu koo, ilé dirinu koo, fɛnu faa lé ke i lee koo, wo nya.

Wepélisiananu 45:11

Ana mi, é dan fɛblele nɔ lɛ i lɛ; lɔrɔdɔlɛɛ vo é ziin soru, yé ’bɛ zo lé bii koo, ilé kɔngimunu koo, fɛnu faa lé ke i lee koo, ka ’ka dan zamaga wo lɛ lo.

2 Minwiinmunu lé Wezuofe Sɛbɛ 28:7

Éfraim gulidanzan Zikri minwiinzan blɛn be Maaséja gyɛ. É minwiinzan blɛn lé kɔnzan Azrikam gyɛ, é valé minwiinzan blɛn bɛgizan Elkana nya.

Néémi 2:10

Orɔn mi Sanbalat valé miwuozan Amɔn mi Tobija a ’ma aan wo léé, mi do da wezin kɛlɛ lɛ Izraɛlnu lɛ, é ’na wo ma é baba.

Esitɛɛ 2:5

Juifi mi do a fla blɛn Suz ta. Wa laama Maadosé. Bɛnjamɛn mi Kis be Siméi be Jaii be lé.

Esitɛɛ 3:2

Minwiinzan blɛn wuomunu faa lé wo ke é dɔle minwiinzan blɛn lé gɔrɔ ’léé, woo powuo zunwo, ’té woo ’wuo tuaan Aman lɛ. Naa, a zo lé minwiinzan blɛn a fe alé we ma. Naa, Maadosé ’ka é powuo zunwo pelo, yé é ’ka é ’wuo tuaan pelo.

Daniɛl 5:16

Maa a ’ma léé, i bɔalɛ léé, i wenu gi fe, yé i we tɔntɔnnu gi bɔié. Sin, dé i bɔa sɛbɛ ’ko tafele lɛ yé bé gi fe an lɛ, wo dan galunaa tɔvarɔ zén lɛ i ta; wo dan kyan vɔ lɛ i bɔrɔ ma; yé wo dan nyanana yaazan nɔ lɛ i lɛ plale mi nwiin gi.

Daniɛl 5:29

Kele tɔɔn, Bɛlsasaa léé, ’wo galunaa tɔvarɔ zén Daniɛl ta, yé ’wo kyan vɔ a bɔrɔ ma, yé wa zana dɔɔ léé, wo nyanana yaazan nɔ a lɛ plale mi nwiin gi.

Daniɛl 6:3

Lélibozen ɛ ke Daniɛl gi, amalé a tɔ mini minwiinzannu valé minisinu zé ta. Yé é dɔ minwiinzan blɛn gi léé, ’é Daniɛl plaan tɛrɛ faa nwiin.

Rom munu 10:1

An bwenu, anlé blibɔmawe valé anlé ba lé maa ke a zorona anlé munu lé we ma, yee lé ke ’ko: wo sile we gi lé.

Rom munu 14:18

Mian éé Krist bɔa we yaa ’ko nya, ’bɛzan ɛ sɔ Kazambale lɛ, ’té ’bezan lé we a é zima munu yuɛ gi.

1 Samuɛl 18:16

naa, David sɔ Izraɛl valé Juda faa lɛ, éé goo ’té éé dan wo zilɛzan nya, azama.

1 Samuɛl 23:17

yé é lé ’bɛ lɛ léé: Té i kana we do kpen lee lo, naa, an ti Saul bɛ ’ka dan sɔ lɛ i nya lo. I dan pla lɛ Izraɛl nwiin, yé maa dan kɛlɛ lɛ i bɛgizan nya; an ti Saul a gi dɔɔ é zima é ziin.