Esitɛɛ 1:19 - Kazambale lé Sebe Sauunu 1979

¹⁹ Dé é dɔ minwiinzan blɛn gi é zima, é a lé wo bélidɔwe do kɛlɛ léé, té Vasiti é bɔra é dɛrɛ minwiinzan blɛn Asuérus ’lɛ lo, yé le bɛ lé ’bɛ mini a ta, minwiinzan blɛn ’é minwiin le lé tɔ nɔ ’bɛ lɛ. ’Wo bélidɔwe ’ko gyɛ Pɛɛs valé Mɛdenu lé sɛbɛ lé, wo ’ka a tavɔɔan lo bɛ, a gi, yé ’wa zana dɔɔ.

Esitɛɛ 1:19 ပူးပေါင်းရင်းမြစ်များ

1 Minwiinzannu 3:28

Minwiinzan we ’ko yuɛ gi bo fɛan zo, Izraɛlnu faa a ’ma. Yé wa ye léé, Bale lé wedɔɔle a a gi, yé é zi gɔɔn a lɛ alé weblele gi, amalé woo kanaan minwiinzan blɛn lee.

Esitɛɛ 1:18

Yé é sia ’bɛ bléyi va Pɛɛs valé Médi nwiinzannu nanu lé wo we ’ko ’ma, wo dan a fe lɛ ’wo zananu lɛ ’bɛ zo, yé é dan kɛlɛ lɛ lɛgamawe valé mi blifliwe nya.

Esitɛɛ 1:21

We ’ko sɔ minwiinzan blɛn valé élé minisinu lɛ. Yé minwiinzan blɛn we kɛlɛ Mémukan dére ta.

Esitɛɛ 2:1

We ’konu giéle zuo, dé minwiinzan blɛn Asuérus bli dɔrala, é gi bɔrɔ Vasiti lé we ma. We lé ’bɛ a kɛlɛ, wo valé we lé wa fe ’bɛlé we nya, wo sele dɔ a gi.

Esitɛɛ 3:9

Dé é sɔ minwiinzan blɛn lɛ, ’wo bélidɔwe do gyɛ léé, ’wo wo gyɛ zamaga nya. Yé maa dan gɔɔlifu talan baa soru nɔ lɛ kominu lɛ, yé wa pa minwiinzan blɛn lé gɔɔlipafɛ gi.

Esitɛɛ 8:5

Yé é léé: Dé é sɔ minwiinzan blɛn lɛ, yé dé maa a yuɛ gi bɔ, yé dé we ’ko a minwiinzan blɛn yuɛ gi tegele, yé dé an sɔ a lɛ, sɛbɛnu lé Agaga mi Amédata be Aman a gyɛ bɛ, ’wo sɛbɛnu gyɛ, wo yigale we ma. Sɛbɛnu lé é wo gyɛ Juifinu lé wo ke minwiinzan blɛn lé tɛrɛ faa la, wo gyɛle zamaga nya we gi bɛ, woo lé.

Esitɛɛ 8:8

Wenu lé wo sɔ ka lɛ Juifinu zé nya, ’ka wo gyɛ maa, minwiinzan blɛn tɔ gi, yé ’ka anlé tɔmase dɔra a ta an bɛmazéné nya; naa, dé wo lɛtrɛ do gyɛ minwiinzan blɛn tɔ gi yé walé tɔmase dɔra a ta alé bɛmazéné nya, wo ’ka bɔa yee sɛbɛ ’ko yigale lɛ lo.

Daniɛl 6:17

Wo da gɔlɛ do nya yé wo guru lɛ tan a nya. Minwiinzan blɛn zɔrɔkaanyɔɔ vɔ a ’léé, yé é bɛmafɛ dɔra a ta tɔmase nya, yee valé alé mi blɛnnu bɛmafɛ nya léé, té wo we do nɔla Daniɛl lé we ma lo.

1 Samuɛl 15:28

Samuɛl lé a lɛ léé: Gakelebale i kɛlɛle Izraɛl nwiinzan nya se si i lee kyɔ yé é a nɔ mi bɛ lé ’bɛ ke é zima é mini bii ta, a lɛ.