Éfez munu 6:4 - Kazambale lé Sebe Sauunu 1979

⁴ Yé ’kaa né tinu, té ka kalé nénu bli fli lo, naa, ’ka wo pa wo drɔle nya, é valé Mizan lé we paale nya wo gi.

Éfez munu 6:4 ပူးပေါင်းရင်းမြစ်များ

Wepélisiananu 18:19

Naa, maa a si a va léé, ’é ’é benu valé élé kɔngimunu béli dɔ léé, ’wo tawo Gakelebale lé zi ta, ’té woo we drɔle valé we tegele kɛla; ’bɛ zo lé, we faa lé Gakelebale a fe Abraam lɛ blivolɛdére nya, é dan a kɛlɛ lɛ.

Minwiinzannu lé Wezuofe Sɛbɛ 28:20

David lé é be Salomɔn lɛ léé: ’I dɔ gligli, ’i bli ta dɔ plɛplɛ, ’i we kɛlɛ; té i kana lo, té di é kini i gi lo. Naa, Gakelebale anlé Bale, é dan kɛlɛ lɛ i va; é ’ka dan i vo lɛ lo, é ’ka dan sɔn vɔ lɛ i ma lo, fɔɔ yé nyanamanu lé wo dan wo pa lɛ Gakelebale lé kɔn giwenu kɛlɛle lé we ma, yé wo lɛ é sɔɔ.

Minwiinzannu lé Wezuofe Sɛbɛ 29:19

Ilé bélidɔwenu koo, ilé weplalenu koo, i sɔnnénu koo, ’i wo lɛdɔama bli vɔ an be Salomɔn gi, yé ’é we ’konu faa kɛlɛ, yé fuakɔn lé maa a dɔfɛnu ma’lɛrɛ, yé ’é a dɔ ma.

Wegɔnévɔlenu 19:18

Bléyian va lé i be éé we maan, ’i we lɛdɔ a gi, naa té i bli é fli fɔɔ yé bé gyɛ yé é ga lo.

Wegɔnévɔlenu 22:15

Tavowe a é yerele né bli ma; a drɔ vlewɔlɛ é dan a si lɛ a ma baa.

Wegɔnévɔlenu 22:6

Zi lé é a lé mi a ta tawo, ’bélé we paa nékénéné gi ma; dé é kɛlɛ segeleoo, é ’ka dan si lɛ a ta lo.

Wegɔnévɔlenu 29:15

Vlewɔlɛ valé mi drɔle, woo mi kɛla wedɔɔzan nya, naa, né lé wa vo é pla é dan é bu gyɛ lɛ yara nya.

Wegɔnévɔlenu 29:17

I we lɛdɔ ilé né gi yé é dan flinle nɔ lɛ i lɛ, yé é dan ibozen gi nana lɛ.

Ézai 38:19

Mi yuɛmale ɛ i tɔ zin fé, iin, mi yuɛmale lé; Maa ke kyɔ fɛan zo, a zo mi lé. Né ti éé ilé yara pale we la gɔɔn‐an élé nénu lɛ.

Éfez munu 6:3

yee lé ke léé, ’bé kɛlɛ, i gi nanale we ma yé i mɔn tɛrɛ la.

Bélidɔwesɛbɛ Fiézan 4:9

Naa, we do ana. ’Ka yuɛ pa kabo va. ’Ka yuɛ pa kabozen va é zima kalé tɛrɛla faa gi, wenu lé ka wo ye ka yuɛ nya, té ka gi é san wo do kpen ma lo, té ’wo si ka bli gi lo; ’ka wo paa kalé nénu valé ka nénénu gi.

Bélidɔwesɛbɛ Fiézan 6:7

’Ka wo paa kalé nénu gi; dé ka a kalé kɔn gioo, dé ka a ta laoo, dé ka yiaoo, dé ka nwaoo, ’ka wo glewo.

Kolɔs munu 3:21

’Kaa né tinu, té ka kalé nénu bli fli lo ma, dé wo fuu é da si wo ta.

2 Timoté 1:5

i blipale tegele sele a an gi. I bu Yunis valé ’bɛ bu Lois bli a é pale tegele é vinin, yé é dɔ an gi léé, i bli a é pale yee duo ɛ zo é ziin.

2 Timoté 3:15

É sia i kiéné la bléyi va fɔɔ kyɔ, Kazambale lé sɛbɛ sauunnu lé wo bɔalɛ léé, wo i kɛlɛ wedɔɔzan nya yé i si we gi blivole nya Jézu Krist lɛ bɛ, i wo dɔɔ.

Jozué 24:15

Yé dé ka ’ka Gakelebale bɔle yé we zin nya lo, dé é sɔ ka lɛ ka mian bɔ, kazé si a va kyɔ, dé balenu lé ka tinu a bɔ yuu zi, dé ’bɛnu léé, dé Amorénu lé ka nyanaan wolé tɛrɛ la bɛ, dé wozé balenu léé, naa, maa koo, anlé kɔngimunu koo, ko dan Gakelebale bɔ lɛ.

Weblezannu 13:12

Manoas léé: Sin, dé i dére lɛ sɔɔ, é a lé ko kɛlɛ kaa né vazia, bé fe ko lɛ.