Éfez munu 5:5 - Kazambale lé Sebe Sauunu 1979

⁵ Naa, ’ka a dɔɔ é zima ma, dé é a pɛnpɛnnégyɛzan nyaoo, dé é a we tiridɔle kɛlɛzan nyaoo, dé é a bli bɔ gɔɔli mazan nyaoo, ’bɛ gi léé, miyilibɔzan, ’bɛnu va mi do kpen ’ka dan tɔnɔ ble lɛ Krist valé Kazambale lé fuatɛrɛ la lo.

Éfez munu 5:5 ပူးပေါင်းရင်းမြစ်များ

Fwile 20:17

Té i bli é bɔ mi bɛ lé kɔn ma lo; té i bli é bɔ mi bɛ na ma lo; a wuogɔné koo, a wuole koo, alé diri koo, alé sokofale koo, alé fɛnu koo, té i bli é bɔ wo va fɛ do kpen ma lo.

Kelewenu 20:32

Laona, an ka vo Kazambale lee, é valé alé zin dére lee; mi lé é bɔalɛ, é ka tin yé é tɔnɔfɛ nɔ ka lɛ é va, munu faa lé é wo pa é yɛrama, wo va bɛ, maa ka vo ’bɛzan lee.

Kelewenu 8:21

I bli ’ka tegele Kazambale yuɛ gi lo, amalé izé do kpen ’ka we ’ko gi lo.

Galasi munu 5:19

Mi faa mi dɔbɛ kyɛn kɛlɛwenu dɔɔ. Wo lé ke ’ko: pɛnpɛnnégyɛle koo, we tiridɔle koo, we vɔnle koo,

Galasi munu 5:21

palu kɛlɛle koo, bli bɔle fɛ ma koo, nwɛ lé mi gyɛle koo, kɛlɛle bun‐anzan nya koo, ’bɛ zoɛ we bɛnu koo, woo lé. Maa a lɛ kini ka lɛ, fɛan zo lé maa a fe ka lɛ é kyɛn, a zo, léé, munuan woo ’bɛ zoɛ wenu kɛla, wo ’ka dan tɔnɔ ble lɛ Kazambale lé fuatɛrɛ la monomono lo.

Éfez munu 5:3

Pɛnpɛnnégyɛle koo, we tiridɔle gɔnɔ faa koo, blibɔle fɛ ma koo, té wo ’bɛ do kpen tɔ ’ma ka méléna lo. ’Bɛ zo lé é ke é zima Kazambale lé munu zé nya.

Kolɔs munu 1:13

É kaa si gunuti lé plɛplɛ wuo, yé é kaa pla é sɔlɛbe wuo.

Kolɔs munu 3:5

Bɛwemalé, we lé ke ka gi tɛrɛlawe nya, ’ka wo yi ga, ’bɛ gi léé, leginile koo, pɛnpɛnnégyɛle koo, bli bɔle fɛ ma koo, bli bɔle weple ma koo, bli bɔle gɔɔli ma lé é ke miyili bɔle nya, ’bɛ koo, ’ka wo yi ga.

1 Timoté 6:10

Naa, bli bɔle gɔɔli ma a wenyanénu gɔnɔ faa suni do nya, yé mi kenu si Kazambale lé we gi bli bɔle gɔɔli ma we ma, yé wo ’wobozen vɔ nyané plɛplɛnu gi.

1 Timoté 6:17

Munu lé tɛrɛ ’ko la fɛnu ke wo lee, ’i we pla wo lɛ léé, té wo kɛlɛ boblɛnzannu nya lo, yé fuafɛnu lé woo giéan, té wo bli é vo ’bɛnu lɛ lo, naa, Kazambale lé éé fɛnu faa no kaa lɛ di, ’té kaa gi éé nanaan ’bɛnu lé we ma bɛ, wo bli ’é vo ’bɛ ɛ lɛ.

Ébrunu 13:4

Munu faa ’é kalé le sile valé bo sile tɔ zin fe ma; té kalé yialafɛ tiri ’é dɔ lo ma. Naa, pɛnpɛnnégyɛzannu koo, le bɛ valé gɔné bɛ ginizannu koo, Kazambale é dan wolé we ble lɛ.

Jozué 7:21

Bé ye, Sinéaa sɔ lé é ke nɔnɔmi koo, gɔɔlifu sikla wuru do koo, kyan kuru do lé a bɛn ke sikla yɔ fié wɔlɛ vu nya koo, an bli bɔ wo ma yé maa wo si, wa é yɔɔlé tɛrɛ wuo anlé sɔkɔn worona yé gɔɔlifu a a wuo.

Wegɔɔnle 21:8

Naa, kanazannu koo, blipaanlomunu koo, we gin dɔle kɛlɛzannu koo, migyɛzannu koo, pɛnpɛnnégyɛmunu koo, yokɛlɛmunu koo, miyilibɔzannu koo, viéwomunu faa koo, wozé é dan kɛlɛ lɛ kyɛ lé ke blɛn bélé gyankyɛ zo, ’té wo povun zén a va, a nya, yee lé ke gale fiézan nya, ’té mi gulii ga é wo sin bɛ.

Wegɔɔnle 22:15

Blénnu koo, yokɛlɛmunu koo, pɛnpɛnnégyɛmunu koo, migyɛmunu koo, miyilibɔzannu koo, munu lé vié sɔ wo lɛ ’té wa woo koo, wa béera.