Éfez munu 5:3 - Kazambale lé Sebe Sauunu 1979

³ Pɛnpɛnnégyɛle koo, we tiridɔle gɔnɔ faa koo, blibɔle fɛ ma koo, té wo ’bɛ do kpen tɔ ’ma ka méléna lo. ’Bɛ zo lé é ke é zima Kazambale lé munu zé nya.

Éfez munu 5:3 ပူးပေါင်းရင်းမြစ်များ

Lɛrɛvɔ Sɛbɛ 10:3

Naa, mi nyanénu woo ’wobo tɔ bɔa wolé blibɔmawe nya, Yé kyeenwozannu lé woo mi gya, woo Gakelebale sɔnɔan, ’té woo nyé yélié a ma.

Lɛrɛvɔ Sɛbɛ 119:36

An bli ’é bɔ ilé weplalenu ma ma, Té é bɔ tɔnɔ yele ma lo.

Fwile 18:21

’I munu vabo, yé munu lé woo we kɛla ’wo zua, ’té woo kanaan Kazambale lee, ’té wa mi wéiinnu nya, ’té wo bli bɔle fɛ ma za paan, ’i wo si munu va; ’i wo dɔ munu wuru soru soru koo, mi yɔ soru soru koo, mi yɔ fié wɔlɛ vu vu koo, mi vu vu koo, wo nwiinzannu nya.

Fwile 20:17

Té i bli é bɔ mi bɛ lé kɔn ma lo; té i bli é bɔ mi bɛ na ma lo; a wuogɔné koo, a wuole koo, alé diri koo, alé sokofale koo, alé fɛnu koo, té i bli é bɔ wo va fɛ do kpen ma lo.

Fwile 23:13

We faa lé maa a fe ka lɛ, ka dan a kɛlɛ lɛ, yé té ka bale bɛnu tɔ fe lo; té wa ’ma boenwo ka ’léé monomono lo.

Wegɔnévɔlenu 28:16

Minwiinzan lé a ’wuo ’ka a ta lo, éé nyané pale mi ta lɛ sié, naa, mi lé éé fɛ kiɛre yele za paan, é élé tɛrɛla taa paan.

Jérémi 22:17

Naa, i yuɛnu valé i bli, Woo i vɔa fɛyelɔrɔ gi, Wo i kɛlɛ weanwiinlomunu nyɛ zanazan nya; Wo i kɛlɛ va nya, wo i kɛlɛ glawe kɛlɛzan nya; yee saa ma lé i yuɛ valé i bli bɔ.

Jérémi 6:13

Naa, é sia mi kiéné ma fɔɔ yé é bɔ mi kwa ma, fɛyelɔrɔ blɛn éé wo gya. É sia balelayezan ma fɔɔ yé é bɔ Balebanzan ma, wo faa kɛlɛ dablikɛlɛzannu nya.

Jérémi 8:10

Amalé maa dan wo nanu nɔ lɛ mi bɛnu lɛ yé maa dan wolé féinu nɔ lɛ munu lé ’bɛnu féinu si wo lee, ’bɛnu lɛ. Naa, é sia mi kiéné ma fɔɔ yé é bɔ mi kwa ma, fɛyelɔrɔ blɛn a wo ma. É sia balelayezan ma fɔɔ yé é bɔ Balebanzan ma, wo faa éé dabli kɛla.

Ézékiɛl 33:31

Yé wo go i va mi gu blɛn nya, yé anlé munu éé nyanaan i ’lɛ; woo ’wo tɔné dɔa i dérenu lɛ, naa, wo ’ka wo ta ta do kpen woo lo. Naa, woo wo ma we nanaan, yé woo wobo no blibɔle fɛ ma lɛ.

Lévinu 15:18

Dé gɔné valé le yii, wo fiénu é dan zuru lɛ, ’té wa é naané duowo fɔɔ yé nyanadi é pa.

Misé 2:2

Wo bli éé bɔa féinu ma, ’té woo wo sié. Wo bli éé bɔa kɔnnu ma, ’té woo wo sié. Woo gla kɛla munu valé wolé kɔnnu ta; woo gla kɛla munu valé wolé zarafɛnu ta.

Mi Nɔnɔle 25:1

Izraɛlnu nyana Sitim, yé Izraɛlnu kun wenyané kɛlɛle ma Moab blɛnnu va.

Matio 15:19

Gibɔrɔle naané koo, migyɛle koo, leginile valé gɔnéginile koo, pɛnpɛnnégyɛle koo, kyeenwole koo, viéwole mi ma koo, mi tɔ sɛrɛle koo, woo ɛ sié mi bli gi.

WENÉNÉ LÉ LUK A GYE (Évangile selon Luc) 12:15

A zuo é lé wo lɛ léé: ’Ka yuɛ pa kabozen va é zima blibɔle fɛnu ma lé we ma. Dé mi lé fɛnu a dioo, a vole é yuɛma ’ka sié ’bɛ va lo.

WENÉNÉ LÉ LUK A GYE (Évangile selon Luc) 16:14

Gɔɔli sɔ Farizimunu lɛ é baba, amalé wo ’bɛ we ’ko faa ’ma aan wo, wo Jézu ma we nana.

Kelewenu 15:20

Naa, ’wo sɛbɛ gyɛ wo lɛ léé: Fɛ lé wa no miyilinu lɛ, ’té é kɛlɛ é lɛrɛlɛrɛ, té wa ble lo; té wo pɛnpɛnné gyɛ lo; winu lé fɛ fɔnɔ wo bɔrɔ gi yé wo ga, té wo ’bɛnu ble lo; té wo wi nyɛ ble lo.

Kelewenu 20:33

An bli ’ka bɔ lɛ mi lé gɔɔli koo, alé kyan koo, alé sɔnu koo, wo do ma lo.

Rom munu 1:29

Woo weple gɔnɔ faa kɛla, woo we lɛrɛlɛrɛ kɛla, wo bli éé bɔa gɔɔli ma, woo mi blifliwe kɛla, wo bli éé bɔa mi bɛ lé fɛ ma, woo mi gya, woo we sian, woo dabli kɛla, woo mimafɛ kɛla, wa é fanle we ’konu nya;

Rom munu 16:2

’Ka a kun Kazambale lé munu lé mi kunbɛ nya, Kaazan lé we ma, yé dé a mawe dɔ fɛan gi, ’ka bɔ a va. É bɔ mi kiɛre va, yé é bɔ maabozen va, ’bɛzama.

Rom munu 6:13

Té ka ka kɔlɛvafɛnu nɔ wenyané lɛ weple kɛlɛfɛnu nya lo; naa, ’ka kabozen nɔ Kazambale lɛ, munu lé wo ke é gale é vinin yé wo béli, wo nya, yé ’ka ka kɔlɛvafɛnu nɔ Kazambale lɛ we tegele kɛlɛfɛnu nya ma.

1 Korent munu 10:8

Té ko kobo nɔ pɛnpɛnnégyɛle lɛ, bélé fɛan zo lé wo va mi kenu a kɛlɛ, a zo lo. Bɛwemalé wo va mi baa vu ta do wuru soru ga yi do nya.

1 Korent munu 5:1

Maa a ’ma gɔnɔ kiɛre nya léé, pɛnpɛnnégyɛle a ka méléna. Pɛnpɛnnégyɛle ’ko a lɛrɛlɛrɛ é mini yolémunu zé ta; yee lé ke léé, ka va mi do é yaati na si.

1 Korent munu 6:13

Fɛblelenu a mi bɔn zé nya, yé mi bɔn a fɛblelenu zé nya. Webozen lé; naa, Kazambale é dan wo fiénu lé we nyaa lɛ. Naa, wo ’ka mi kɔlɛ kɛlɛ lɛ pɛnpɛnnégyɛle we gi lo. Naa, wa kɛlɛ Mizan zé nya, yé Mizan a kɔlɛ zé nya.

1 Korent munu 6:18

’Ka so pɛnpɛnnégyɛle lee vlan nya. Wenyané bɛnu lé mi éé ’bɛnu kɛla, ’bɛ ’ka mi kɔlɛ gi lo, naa, mian é ébo no pɛnpɛnnégyɛle lɛ, ’té ’bɛzan ɛ wenyané kɛla ébozen kɔlɛ ma.

2 Korɛnt Munu 12:21

An kana léé, dé an bɔ, yara dɛrɛ é dan an gyɛ lɛ anzé Bale yara kalé we ma, yé an dan wuvɔ lɛ mi kiɛre lé wo wenyané kɛlɛ turu yé wo ’ka ’wo bli nɔla lɛ we tiridɔle koo, pɛnpɛnnégyɛle koo, we vɔnle koo, wo ma lo, wolé we ma.

Éfez munu 5:12

Naa, we lé wa kɛla kyeen gi, a fele a yaragyɛwe nya;

Éfez munu 5:5

Naa, ’ka a dɔɔ é zima ma, dé é a pɛnpɛnnégyɛzan nyaoo, dé é a we tiridɔle kɛlɛzan nyaoo, dé é a bli bɔ gɔɔli mazan nyaoo, ’bɛ gi léé, miyilibɔzan, ’bɛnu va mi do kpen ’ka dan tɔnɔ ble lɛ Krist valé Kazambale lé fuatɛrɛ la lo.

Filip munu 1:27

Naa, munu lé wo bli ke Krist lé Wenéné lɛ, é a lé wo tawo fɛan zo bɛ, ’ka tawo ’bɛ zo léé, dé an da ka vaoo, dé an ’ka da lɛ ka va looo, yé maa ka tawe ’ma léé, ka a é dɔle gligli bli do nya, ’té blipale lé éé sié Wenéné va bɛ, ’té ka a ta guli daan bli do nya,

Kolɔs munu 3:5

Bɛwemalé, we lé ke ka gi tɛrɛlawe nya, ’ka wo yi ga, ’bɛ gi léé, leginile koo, pɛnpɛnnégyɛle koo, bli bɔle fɛ ma koo, bli bɔle weple ma koo, bli bɔle gɔɔli ma lé é ke miyili bɔle nya, ’bɛ koo, ’ka wo yi ga.

1 Tɛsalɔnik munu 4:3

We lé é sɔ Kazambale lɛ, yee lé ke léé, ’ka kɛlɛ sauun, té ka pɛnpɛnné gyɛ lo;

1 Tɛsalɔnik munu 4:7

Kazambale ’ka kaa laa lɛ pɛnpɛnnégyɛle we ma lo, naa, é kaa laa kaa kɛlɛle sauun we ma.

1 Timoté 2:10

naa, ’wo ’lɛrɛ kɛlɛwe zinnu nya, lomu lé wo léé, Kazambale lé zi sɔ ’wo lɛ, é a é zima wozé nya fɛan zo, a zo.

1 Timoté 3:3

Té é kɛlɛ nwɛminizan nya lo, té é kɛlɛ ’wiiéwelazan nya lo; ’é kɛlɛ bli zimazan nya; ’é kɛlɛ bli drɔɔzan nya; té é kɛlɛ gɔɔli sɔlɛzan nya lo.

1 Timoté 6:10

Naa, bli bɔle gɔɔli ma a wenyanénu gɔnɔ faa suni do nya, yé mi kenu si Kazambale lé we gi bli bɔle gɔɔli ma we ma, yé wo ’wobozen vɔ nyané plɛplɛnu gi.

2 Timoté 3:2

Naa, munu é dan kɛlɛ lɛ wobosɔlɛzannu koo, gɔɔlisɔlɛzannu koo, weblɛnblɛn fezannu koo, boblɛnzannu koo, Bale sɔnɔzannu koo, tɔnégiplɛplɛzannu nya wo tinu valé wo bunu ma koo, zindɔɔalozannu koo, Bale lé zi sɔnɔzannu koo, wo nya;

Tite 1:11

É a lé i mi ’konu lɔlu ga. We lé é ’ka tegele lo, wa paana munu gi gɔɔli yele we ma, yé wa mi gɔnɔ kiɛre ’wuo sɛrɛna.

Tite 1:7

É a lé léglizi tabinzan é kɛlɛ mi wéiin nya; é a Kazambale bɛgizan nya, azama. Té ’é kɛlɛ boblɛnzan koo, blifli?-?zan koo, nwɛminizan koo, ’wiiéwelazan koo, dabli gɔɔli yezan koo, a do kpen nya lo.

Tite 2:3

’Bé fe le segelenu lɛ léé, é a lé wo kɛlɛwenu a gɔɔn léé, wa le wéiinnu nya, té wo kɛlɛ wenaané fezannu valé nwɛ minizan kaiinu nya lo. É a lé wo wezinnu paa lomu gi.

Ébrunu 12:16

’Ka yuɛ pa kabozen va, té pɛnpɛnnégyɛzan é kɛlɛ ka méléna lo; mi lé Balebɔwe ’ka a ma lo bélé Ézau zo, té ’bɛzan ’é kɛlɛ ka méléna lo. É dɔna dan fɛ pala do kpen va.

Jozué 7:21

Bé ye, Sinéaa sɔ lé é ke nɔnɔmi koo, gɔɔlifu sikla wuru do koo, kyan kuru do lé a bɛn ke sikla yɔ fié wɔlɛ vu nya koo, an bli bɔ wo ma yé maa wo si, wa é yɔɔlé tɛrɛ wuo anlé sɔkɔn worona yé gɔɔlifu a a wuo.

1 Piɛri 5:2

Kazambale lé trubɛnu lé é wo bɛ pa ka lee, ’ka wo pa é zima ma; té ka a kɛlɛ gla nya lo, ’ka kɛlɛ bli drɔɔ nya; té ka kɛlɛ fɛ yele wo nwiin we ma lo, naa, ’ka kɛlɛ wo sɔle ka lɛ we ma;

2 Piɛri 2:10

Wonu lé, we tiridɔle lɔrɔ ke wo ma, amalé woo tawoo ’wo dɔbɛ kyɛn lé sɔlɛwe yɛrama bɛ, ’té woo sɔn vɔa mi plale wo nwiin ma bɛ, wozé é dan mini lɛ. Munu ’ko a yuɛmaplɛplɛzannu valé boblɛnzannu nya, yé wo ’ka kanaan laifuanu sɔnɔle ma lo,

2 Piɛri 2:14

Wo yuɛ éé bɔa le faa ma; yé wenyané ’ka wo kaan lo; munu lé wo ’ka é dɔle gligli lo, wo ’bɛnu sian ana; bli bɔle gɔɔli ma baba wo bli kun; wa balepamazannu nya.

2 Piɛri 2:3

Wo bli bɔle gɔɔli ma lé we ma lé wo dan fɛ si lɛ ka lee dabli dérenu nya; kleblele lé wa lɛ kini wo lɛ é kyɛn, alé kyɛ a bɔn?-?bɔn gyɛna wo tɔ ma, yé misanlenu gona a wo lɛbɛnna bli pɛpɛ nya.

Wegɔɔnle 2:14

Naa, i ma we kenu a an gi, yee lé ke léé, i va mi kenu a Balaam lé wepaale va. Balaam we paa Balak gi léé, ’é saanwe gɔɔn Izraɛlnu lɛ léé, ’wo miyili banwinu ble, yé ’wo ’wobo nɔ pɛnpɛnnégyɛle lɛ.

Wegɔɔnle 2:21

An bléyi ke nɔ a lɛ, a bli nɔlale we ma, yé é ’ka a va léé, é daan élé pɛnpɛnnégyɛle ma lo.

Wegɔɔnle 21:8

Naa, kanazannu koo, blipaanlomunu koo, we gin dɔle kɛlɛzannu koo, migyɛzannu koo, pɛnpɛnnégyɛmunu koo, yokɛlɛmunu koo, miyilibɔzannu koo, viéwomunu faa koo, wozé é dan kɛlɛ lɛ kyɛ lé ke blɛn bélé gyankyɛ zo, ’té wo povun zén a va, a nya, yee lé ke gale fiézan nya, ’té mi gulii ga é wo sin bɛ.

Wegɔɔnle 22:15

Blénnu koo, yokɛlɛmunu koo, pɛnpɛnnégyɛmunu koo, migyɛmunu koo, miyilibɔzannu koo, munu lé vié sɔ wo lɛ ’té wa woo koo, wa béera.

Wegɔɔnle 9:21

wolé migyɛle koo, wolé yo kɛlɛle koo, wolé pɛnpɛnné gyɛle koo, wolé kyeenwole koo, wo ’ka ’wo bli nɔla lɛ ’bɛnu kɛlɛle ma lo.

1 Samuɛl 8:3

Samuɛl benu ’ka tawo lɛ wo ti gane pa gi lo; wo bli a blɛn, yé woo blɛfɛ sié yé wo ’ka we blé é boen ma lo.