Éfez munu 5:2 - Kazambale lé Sebe Sauunu 1979

² ’Ka tawo ka ke va sɔlɛle nya, Krist kɛlɛwe ma. Kaa sɔ a lɛ, yé ébozen nɔ Kazambale lɛ kaalé we ma bélé blan valé saraka gin néné zo.

Éfez munu 5:2 ပူးပေါင်းရင်းမြစ်များ

Wepélisiananu 8:21

Gakelebale fɛ gin néné si, yé Gakelebale lé é bli gi léé: Dé munu bɔn‐in bɔrɔle naané pélisia wo kénéné la bléyi vaoo, maa ’ka dan bale pa lɛ tɛrɛ ma munu lé we ma é dɛrɛ lo. Fɛnu faa lé ke é yuɛma, maa ’ka dan wo bla lɛ é dɛrɛ, bélé maa kɛlɛ fɛan zo ’ko, a zo lo.

Fwile 29:18

’I ’blawi faa kyɛ ble balebanna ta; wi lé wa kyɛ blé Gakelebale zé nya, yee lé; saraka lé kyɛ a blé, ’té a gin sɔ Gakelebale lɛ, yee lé.

Fwile 29:25

’Bɛ zuo yé bé si wo lee, yé bé kyɛ ble balebanna ta, wi lé wa kyɛ blé, a ta loru; saraka lé kyɛ a blé Gakelebale ’lɛ, ’té a gin sɔ Gakelebale lɛ, yee lé.

Lévinu 1:13

Wi bun‐annu koo, a mɛnnu koo, gɔnézan é dan a ma saa lɛ, yé Balebanzan é dan saraka bo lɛ a faa nya, yé é dan a kyɛ ble lɛ balebanna. Balebanwi lé; saraka lé wa kyɛ blé, ’té Gakelebale a gin sié néné, yee lé.

Lévinu 1:17

É dan a bɛ valé a golɛ so lɛ ékeva, naa, té é a so a ’léé lo; yé Balebanzan é dan miané kyɛ ble lɛ balebanna kyɛ ta loru. Balebanwi lé wa kyɛ blé, yee lé, saraka lé wa faa kyɛ blé, ’té Gakelebale a gin sié néné, yee lé.

Lévinu 1:9

Wo dan a bun‐annu valé a mɛnnu ma saa lɛ; yé Balebanzan é dan a faa kyɛ ble lɛ balebanna ta. Balebanwi lé; saraka lé wa faa kyɛ blé, ’té Gakelebale a gin sié néné, yee lé.

Lévinu 3:16

Balebanzan é dan ’bɛ kyɛ ble lɛ balebanna ta. A nyɔnɔ faa a fɛblele saraka lé wa kyɛ blé balebanfɛ nya, a nya, ’té Gakelebale a gin sié néné.

Amɔs 5:21

Maa kalé fɛtinu za paan, maa nyé yélié wo ma; ka zénle ékema ’ka sɔ lɛ an lɛ lo.

Mi Nɔnɔle 7:21

dirigɔné boroné do koo, ’blagɔné do koo, lɛɛ do ’blané koo, é ’bɛnu nɔ balebanwi lé wa kyɛ blé, a nya;

Matio 20:28

’Ko zo lé maa blami Be da. An ’ka da lɛ léé, munu an mawe kɛlɛ lo, an da munu mawe kɛlɛle we gi, ’bɛ valé an gale mi kiɛre tabofɛ nya we gi.

WENÉNÉ LE JAN A GYE (Évangile selon Jean) 13:34

Maa bélidɔwe dɛrɛ nɔ ka lɛ léé: ’Ka sɔ ka ke lɛ, bélé fɛan zo lé ka sɔ an lɛ, ’ka sɔ ka ke lɛ a zo.

WENÉNÉ LE JAN A GYE (Évangile selon Jean) 6:51

Maa a mibéliburu lé é si la gi, a nya. Dé mi buru ’ko ble, é dan vo lɛ é yuɛma lɛɛfaama, a glɛ ’ka dɔa lo. Yé buru lé maa dan a nɔ lɛ a lɛ, an wi lé, yee lé maa dan a nɔ lɛ tɛrɛlamunu bélifɛ nya.

Rom munu 15:16

Bale va nyanama lé ke Kazambale lé Wenéné fele nya, yee lé maa ke a pana bɛn bɛnu va léé, Léli Sauun lé we ma bɛnnu ’é kɛlɛ saraka lé é sɔ Kazambale lɛ, a nya.

Rom munu 4:25

Kaalé wesɛrɛle ma lé Bale Jézu nɔ ga lɛ, yé é nwa gale va kaa kɛlɛle tegele we ma.

Rom munu 8:3

Kaa dɔbɛ kyɛn bélidɔwe tua, amalé we lé bélidɔwe ’ka bɔa a kɛlɛle lɛ lo, Kazambale a kɛlɛ. É a kɛlɛ fɛan zo, yee lé ke ’ko: ébozen Be pa zia wenyané ma ban nya kɔlɛ lé é ke bélé kaalé wenyanékɔlɛ zo, a gi; ’bɛ kɛlɛlɛ nya lé é wenyané lɛgama mi dɔbɛ kyɛn gi.

Rom munu 8:37

Naa, we ’konu faa gi kaa a a ’wuo?-?volɛmunu nya gɔnɔ fié, mi lé kaa sɔ a lɛ, alé we ma.

1 Korent munu 16:14

We faa lé ka a kɛla, ’ka kɛlɛ sɔlɛle nya ma.

1 Korent munu 5:7

’Ka lévɛn kwa bɔra ka bli gi, ka kɛlɛle buruyɔɔ dɛrɛ pla nya we gi. Naa, wo kaa taboblané gyɛ é kyɛn, yee lé ke Krist nya, amalé webozen nya, lévɛn ’ka ka gi lo.

2 Korɛnt Munu 2:14

Kazambale lé éé ko kɛla we faa ’wuovolɛzannu nya Krist gi, yé é ’é dɔɔle gi gyɛ ko nya bélé fɛan zo lé lasikɔrɔ gin néné éé nwɛɛn‐an, a zo, ’wa bɔ vɔ ma.

2 Korɛnt Munu 2:15

Naa, ko a Kazambale lé fɛ gin nya Krist gi, munu lé wo si we gi, é valé munu lé wo ke zamaga wona, wo méléna.

2 Korɛnt Munu 8:9

Ka Kaazan Jézu Krist lé zin dɔɔ; yee lé ke fuablezan nya, é ’ébozen kɛlɛ nyanégyɛzan nya kalé we ma, léé, alé nyanégyɛle gi ka kɛlɛ fuablezannu nya.

Galasi munu 1:4

Naa, Krist ébozen nɔ kaalé wenyanénu ma, kaa sile bléyi nyané ’ko gi we ma. É ébo nɔ kaalé wenyanénu ma kaa Ti Bale lé blibɔmawe nya.

Galasi munu 2:20

Wo maa valé Krist gyɛ ékeva yiliblan ta. ’Té mian é ke é yuɛma an gi, maa kaan lo; naa Krist ɛ ke é yuɛma an gi, yé sin, dé maa a é yuɛma an kɔlɛ gi, ’té maa a é yuɛma blipale nya Kazambale Be lé, an sɔ a lɛ, yé ébozen nɔ anlé we ma bɛ, a gi.

Éfez munu 1:4

Krist gi lé Kazambale kaa si a va tɛrɛ bɔrale ’lɛ, kaa kɛlɛle a yuɛ va sauun valé wéiin we ma.

Éfez munu 3:17

Krist ’é nyana ka bli gi ka bli vole a lɛ we ma ma; ka suni ’é wɔra sɔlɛle gi yé ka dɔ a gi gyéiin ma;

Éfez munu 3:19

dɔlé té mi ’ka bɔa a dɔɔle lɛ lo, yé ’ka fan, Kazambale a é fanle fɛan zo, a zo ma.

Éfez munu 4:15

naa, kaa webozen fé sɔlɛle nya, ’té kaa tin‐é bɛ faa ma, mi lé é ke kaa ’wuo nya, a gi, ’bɛ gi léé, Krist.

Éfez munu 4:2

’ka tawo bo kɛlɛle kiéné koo, bli drɔɔ koo, bli tiéé koo, wo nya; ’ka ’wuo dɔ ka ke wuo sɔlɛle nya;

Éfez munu 5:15

Bɛwemalé, ’ka yuɛ pa ka giégane va; té ka tawo bélé ’tugyɛmunu zo lo; naa, ’ka tawo bélé wedɔɔmunu zo.

Éfez munu 5:25

’Kaa le zananu, ka nanu ’é sɔ ka lɛ, bélé fɛan zo lé léglizi sɔ Krist lɛ, a zo ma, yé ébozen nɔ alé we gi,

Bélidɔwesɛbɛ Fiézan 27:6

ka dan Gakelebale, kalé Bale banna kɛlɛ lɛ gɔlɛ pla nya. Balebanna ’ko ta lé ka dan winu kyɛ ble lɛ Gakelebale, kalé Bale lɛ;

Filip munu 4:18

Maa fɛ faa ye; fɛnu a an lee di; anlé fuafɛnu lɛ a é sɔɔle, fɛnu lé ka wo pa Épafrodi lee yé é da wo nya an lɛ, wo nya. Wa bélé lasikɔrɔ gin néné zo, bélé saraka lé Kazambale a banfɛ blé, ’té é sɔ a lɛ bɛ, a zo.

Kolɔs munu 3:14

Naa, we ’konu ta loru, munu ’é sɔ ka lɛ ma; sɔlɛle a we lɛsɔɔle nya yé é a bélé kyɛsidi lé wa dɔ sɔ la, a zo.

1 Tɛsalɔnik munu 4:9

Dé é a ka sɔle ka ke lɛ lé we nya, Kazambale ɛ ke ’bɛ paana ka gi, amalé é ’ka lé maa we ’ko gyɛ ka lɛ lo.

1 Timoté 2:6

’té ébozen nɔ mi faa tabozan nya bɛ, yee lé. Yee we lé wa gɔɔn alé we nya bléyi lé Bale a dɔ, a nya.

1 Timoté 4:12

Té mi do kpen i ye kiéné i boroné we ma lo, naa, ’i kɛlɛ blipamunu lé wekɛlɛmazan nya dére koo, giébɛ koo, sɔlɛle koo, blipale koo, kɛlɛle sauun koo, wo gi.

Tite 2:14

Jézu ébozen nɔ kolé we gi, weple faa sile ko lee we gi, é valé ko kɛlɛle ézé munu nya we gi, munu lé é wo kɛlɛ tegele, ’té wezin kɛlɛlɔrɔ a wo ma blɛn, wo nya.

Ébrunu 8:3

Wo Balebanmunu ’lɛzan faa dɔ Bale blannu nɔle valé sarakanu bole we gi; bɛwemalé, mi ’ko é ziin, é a lé é fɛ nɔ.

Ébrunu 9:14

’té Krist nyɛ nii? ’Bɛzé ’ka minié loo? Léli lé é ’ka gaan lo, ’bɛ nya lé ébo nɔ Kazambale lɛ saraka lé gun ’ka a ma lo, a nya. Kaa kɛlɛwenu lé wo tɔnɔ ’ka lo, a nyɛ ’ka dan wo si lɛ kaalé wevasibli gi yé kaa kɛlɛ Bale yuɛmale bɔzannu nya loo?

Ébrunu 9:23

Naa, maa léé, sɔkɔn valé é gifɛnu a bélé fɛfoto zo, é a bélé lagifɛ bozen zuosonafɛnu zo. Dé wo fɛ boen zuosonafɛ ’lɛ dɔ saraka ’ko zonu bole nya, é a lé wo lagifɛ bozen ’lɛ dɔ sarakanu lé ke é zima é mini tɛrɛ la zé ta, a nya.

Ébrunu 9:26

dé é a a zo, é sia tɛrɛ bɔrale ma ’té é a kɔɔn léé, Krist é nyané ble gɔnɔ kiɛre nya, naa, lao, lɛɛnu nyaana, é bɔra gɔnɔ do kpen nya, yé ébo nɔ saraka nya wenyané nyaale we gi.

1 Piɛri 4:8

We blɛn lé ke ’ko: ’ka sɔ ka ke lɛ é baba, naa, sɔlɛle éé wenyané kiɛre ta saan sɔɔn.

1 Jan 3:16

Ko sɔlɛle dɔɔ wean ma, yee lé é ke ’ko: Jézu ga kaalé we gi, yé kaa é ziin, é a lé kaa ga kaa bwenu lé we gi.

1 Jan 3:23

Alé bélidɔwe lé é ke ’ko: kaa bli vo a Be Jézu Krist tɔ lɛ ma, yé kaa sɔ kaa ke lɛ, bélidɔwe lé Jézu a nɔ kaa lɛ, a yɛrama.

Wegɔɔnle 5:9

Yé wo vo lɛrɛ dɛrɛ vɔna yé wo léé: Ilé sɛbɛ sile valé zɔrɔkaanyɔɔ bɔi yara lé, naa, wo i gyɛ saraka nya, azama, yé bɛn faa koo, dére faa koo, migɔnɔ faa koo, bɛntɛrɛ faa koo, i munu si wo va yé i wo tabo i nyɛ nya Kazambale zé nya;