Éfez munu 5:18 - Kazambale lé Sebe Sauunu 1979

¹⁸ Té nwɛ é ka gyɛ lo ma, ’bɛ a we vɔnle nya, naa, Kazambale Léli ’é ka kun ma.

Éfez munu 5:18 ပူးပေါင်းရင်းမြစ်များ

Wepélisiananu 9:21

Yé é dɔrɔ mini yé dɔrɔ a gyɛ yé é sɔ si ’é ta ’élé sɔkɔn wuo.

Lɛrɛvɔ Sɛbɛ 69:12

An bɔlɔ zén‐é an ta varɔ nya, Yé woo an ze vɔa an yuɛ ta é pla.

Wegɔnévɔlenu 20:1

Nwɛ a wenanazan nya yé dɔrɔ éé mi bɔ gya; dé miomian wo mini é baba é ’ka we dɔɔa lo.

Wegɔné Ma Lɛrɛ 1:4

’I an sia ana yé ’an go i zuo; ’ko vlanburu. Minwiinzan blɛn go an nya ’é yiana. Ko gi vo drɔɔ ékeva; yé ko gi nana é baba ilé we ma; Ko sɔle i lɛ tɔ éé bɔa é mini dɔrɔ ta. I sɔle ko lɛ yara lé.

Wegɔné Ma Lɛrɛ 7:9

Maa léé: An dan yɔ gié lɛ Yé an kun a bɛnu ma. I nyɔnu ’é kɛlɛ bélé dɔrɔporo pan zo, Ilé flinle gin ’é kɛlɛ bélé pɔme gin zo,

Ézai 25:6

Lai sunyanu lé Gakelebale a fɛti ma’lɛrɛna munu faa lɛ, gɔ ’ko nwiin; nɛnɛ mlanvɔfɛnu koo, dɔrɔ kwa koo, wi zunnu koo, dɔrɔ kwa sésé koo, wo faa lé é a ma’lɛrɛna a fɛti kɛlɛfɛ nya.

Ézai 5:22

Munu lé wo wobo no nwɛ minile ’té woo dɔrɔ ’lɛ plɛplɛ vɔɔan ’wo zua, wenaané ’é kɛlɛ wo lɛ ma.

Ézai 55:1

’Kaa faa lé ’yiminilɔrɔ ke ka gyɛna, ’ka da ’yi va, Dé gɔɔli ’ka mian lee looo, ’Ka da fɛ lɔ yé ka ble. ’Ka da, ’ka nwɛ valé dirinyɔyi lɔ, gɔɔli we kaan lo, yé a banwowe ’ka a gi lo.

Lévinu 10:9

Bii valé i benu, dé ka a gona wɔrana zén‐ékevasɔkɔn gi, té ka nwɛ valé migyɛdɔrɔ mini lo, dé ka da ga; é dan kɛlɛ lɛ bélidɔwe lé a glɛ ’ka lo, a nya, ka kulunu zé nya.

Matio 23:25

Sɛbɛgifemunu valé Farizimunu, bodrɔzannu, ka gale nyɔ. Ka ’yiminikana valé fɛblekana lala folié, ’té wo gi a é fanle glawe valé mibo lé sɔlɛwe kɛlɛle nya.

Matio 24:49

yé é kun é bɔlunu blale ma, ’té éé fɛ blé ’té éé fɛ minian nwɛgyɛmunu va,

WENÉNÉ LÉ LUK A GYE (Évangile selon Luc) 1:15

Naa, é dan kɛlɛ lɛ mi blɛn nya Mizambale yuɛ va. É ’ka dan nwɛ valé dɔrɔ mini lɛ lo, dé a bu a yaa tɔɔn, Léli Sauun é dan vɔ lɛ a ta;

WENÉNÉ LÉ LUK A GYE (Évangile selon Luc) 11:13

Naa, ka‐an ka ke é naané, dé ka fɛ zin nɔle gi dɔɔ kalé nénu lɛ, ka Lagi Ti ’ka dan Léli Sauun nɔ lɛ munu lé wa laan a lee, wo lɛ loo?

WENÉNÉ LÉ LUK A GYE (Évangile selon Luc) 12:45

Naa, dé a leezan ’ko a fe é bli gi léé: Anzan a mɔnna, yé é kun wuogɔnénu valé wuolomu blale koo, fɛblele koo, fɛminile koo, nwɛ tanle koo, wo ma,

WENÉNÉ LÉ LUK A GYE (Évangile selon Luc) 21:34

’Ka yuɛ pa kabozen va, dé ka zuru bɛn é da dɔ fɛblele kiɛre koo, nwɛ tanle koo, tɛrɛ la gibɔrɔlenu koo, wo nya, yé ’bɛ yi é bɔra ka ma fiaa bélé pɔgyɛséli zanale zo pɔnu ta;

WENÉNÉ LE JAN A GYE (Évangile selon Jean) 2:10

yé é lé a lɛ léé: Munu faa éé dɔrɔ zima no munu lɛ é vinin. ’Bɛ zuo dé dɔrɔ gié wo yuɛ ma, yé yee lé é ’ka é zima tegele lo, yé wa no wo lɛ, naa, bii, i dɔrɔ zin tadɔ fɔɔ bléyi ’ko va.

Kelewenu 11:24

Naa, Banabas a mi zin nya, Léli Sauun vɔlazan nya, blipazan tegele nya, yé fɛkona mi gu blɛn zén Mizan va.

Rom munu 13:13

’Ka tawo tegele yiéyi tawobɛ nya. Té ka kɛlɛ bun‐anzannu valé nwɛ tanzannu nya lo, té ka ka dɔbɛ kyɛn lé sɔlɛwe kɛlɛ lo, té ka pɛnpɛnné gyɛ lo, té ka we sia lo, té ka maawo lo.

1 Korent munu 11:21

Naa, dé ka a fɛ blena, ka ’ka ka ke lɛbɛn‐é lo, ka faa do do kabozen lé fɛ blé, ’té nwɛ éé mi ke gya, ’té lɔrɔ éé mi ke gya.

1 Korent munu 5:11

Sin, wean maa a gyɛ ka lɛ sɛbɛ gi, yee lé ke ’ko: dé mi do léé, ’é a Krétiɛn nya, dé é ébo kɛlɛ pɛnpɛnnégyɛzan nyaoo, dé é ébo kɛlɛ blibɔgɔɔlimazan nyaoo, dé é ébo kɛlɛ miyilibɔzan nyaoo, dé é ébo kɛlɛ mi sɔnɔzan nyaoo, dé é ébo kɛlɛ nwɛgyɛzan nyaoo, dé é ébo kɛlɛ mi tablezan nyaoo, té ka mane ’bɛzan ma lo; té ka fɛ ble a va lo.

1 Korent munu 6:10

kyeenwozannu koo, blibɔgɔɔlimazannu koo, nwɛgyɛzannu koo, mi sɔnɔzannu koo, mi tablezannu koo, wo ’ka dan tɔnɔ ble lɛ Kazambale lé fuatɛrɛ la lo.

Bélidɔwesɛbɛ Fiézan 21:20

Wo dan a fe lɛ fla mi segelenu lɛ léé: Ko be lé ke ’ko, é ’ka mi zin nya lo yé alé we ma a plɛplɛ; é ’ka é tɔné dɔa ko dére lɛ lo; ébo no wevɔnle valé nwɛ tanle lɛ.

1 Tɛsalɔnik munu 5:7

Yigyɛzannu éé yi gya é béli; yé nwɛgyɛzannu éé nwɛ minian é béli.

Tite 1:6

dé i mi do ye yé alé tawobɛ a tegele, ’té a na a do kpen, ’té alé nénu bli a é pale yé i ’ka we vɔnle valé tɔnégiplɛplɛwe ’ma lɛ alé nénu ma lo, ’i ’bɛzan dɔ léglizi gi mi segele nya.