Éfez munu 4:9 - Kazambale lé Sebe Sauunu 1979

⁹ É go loru, ’bɛ gi lé nɔɔ? ’té dé é ’ka a zunle nya é vinin tɛrɛ wuo lo.

Éfez munu 4:9 ပူးပေါင်းရင်းမြစ်များ

Wepélisiananu 11:5

Gakelebale zun yé é da, fla valé kɔn kiilii torole lé munu ke a dɔna bɛ, wo nagini lɛ.

Lɛrɛvɔ Sɛbɛ 139:15

Bléyian va lé wa an kɛlɛna kyeen gi, fɛna yɔɔle na, ’Té maa a tinna an bu bɔn gi, An kɔlɛ ’ka é yɔɔle bii lee pelo.

Lɛrɛvɔ Sɛbɛ 63:9

An boen a é yerele i ma, I bɛyi a é kunle an ma.

Lɛrɛvɔ Sɛbɛ 8:5

Blami a mɛ fɛ nya yé a sele éé dɔa i gii? Yé blami be a mɛ fɛ nya yé bé ma we kɛlaa?

Fwile 19:20

’Bɛ zo lé Gakelebale zun yé é da Sinai gɔ nwiin; Gakelebale Moizi laa léé, ’é da gɔ nwiin. Yé Moizi gɔ gié.

Wegɔnévɔlenu 30:4

De ɛ go la gi yé de ɛ zuun? De ɛ fu kun é lee? De ɛ ’yinu yere élé sɔ gii? De ɛ tɛrɛ glɛ ta bɔraa? A tɔ lé nɔɔ? yé wa be tɔ laama nɔɔ? Bé fe an lɛ do, ’té dé bé dɔɔ.

Ézai 44:23

Gakelebale we kɛlɛ, amalé lanu, ka gi ’é nana ma; ’Kaa tɛrɛwɔlɛmanu, kalé ginanale zuoi ’é go ma; ’Kaa gɔnu, ’ka siaa ginanale nya ma, ’Kaa pɔrɔnu valé yili faa tere é ziin, ka gi ’é nana ma. Naa, Gakelebale Jakɔb tabo, azama. É ’élé fua nagɔɔn Izraɛlnu nya.

Ézékiɛl 31:14

léé, yilinu faa lé wo ke ’yi ma, té wo toro é ziin lo we ma. Té wo zɔ é toro wo bɛ kiɛre méléna é dɛrɛ lo, ’té sɛnéyilinu lé ’yi ke é zénle wo ma, té wo toro é dɛrɛ lo we ma. Naa, wo faa a é bɔrale gale lɛ tɛrɛwɔlɛ ma blaminu va, munu lé woo zunwo guru gi, wo va.

Matio 12:40

Naa, fɛan zo lé Jonas yiéyi yaa valé béli yaa kɛlɛ pɔ blɛn bɔn gi, a zo duo lé, maa blami Be é dan yiéyi yaa valé béli yaa kɛlɛ lɛ tɛrɛ bɔn gi.

WENÉNÉ LE JAN A GYE (Évangile selon Jean) 20:17

Jézu lé a lɛ léé: Té i buvɔ an ma lo. Maa ’ka tan go lɛ an Ti va lo. Naa, ’i go an zuanénu va; bé fe wo lɛ léé, maa a gona kaa Ti lé é ke kaalé Bale nya, a va.

WENÉNÉ LE JAN A GYE (Évangile selon Jean) 3:13

Mi vinin ’ka tan go lɛ la gi lo, ’té dé é ’ka mi lé é si la gi, maa blami Be lé an ke la gi mi, an nya lo.

WENÉNÉ LE JAN A GYE (Évangile selon Jean) 6:33

Naa, Kazambale lé buru lé é ke maa lé an si la gi yé an zun tɛrɛ la, an nya, vole é yuɛma lé a glɛ ’ka lo, maa ɛ a no tɛrɛlamunu lɛ.

WENÉNÉ LE JAN A GYE (Évangile selon Jean) 6:38

An ’ka si lɛ la gi yé an da anbo lé blibɔmawe kɛlɛle we ma lo, naa, an si la gi yé an da, mi lé é an pa zia, alé blibɔmawe kɛlɛle we ma.

WENÉNÉ LE JAN A GYE (Évangile selon Jean) 6:41

É a fe aan wo léé, buru lé é si la gi, yee ɛ ke ’yee nya, amalé Juifinu vo gun gyɛna a ma.

WENÉNÉ LE JAN A GYE (Évangile selon Jean) 6:51

Maa a mibéliburu lé é si la gi, a nya. Dé mi buru ’ko ble, é dan vo lɛ é yuɛma lɛɛfaama, a glɛ ’ka dɔa lo. Yé buru lé maa dan a nɔ lɛ a lɛ, an wi lé, yee lé maa dan a nɔ lɛ tɛrɛlamunu bélifɛ nya.

WENÉNÉ LE JAN A GYE (Évangile selon Jean) 6:58

Buru lé é si la gi, yee lé é ke an nya ’ko. Buru lé ka tranu a ble yé wo ga, an ’ka bélé ’bɛ zo lo. Mi lé éé buru ’ko blé, é dan vo lɛ é yuɛma lɛɛfaama, a glɛ ’ka dɔa lo.

WENÉNÉ LE JAN A GYE (Évangile selon Jean) 6:62

Yé dé ka maa blami Be ye gona fɛana lé an ke é kyɛn, ana nii?

WENÉNÉ LE JAN A GYE (Évangile selon Jean) 8:14

Jézu a zi pa wo lɛ léé: Fɛana lé an si, maa a dɔɔ. Yé fɛana lé an dan go lɛ, maa a dɔɔ, yé an dére a webozen nya, dɔlé ’té maa a anbozen lé wenayezan nya. Naa, ka ’ka an sina dɔɔa lo, yé ka ’ka an gona dɔɔa lo.

Ébrunu 2:7

Bé kɛlɛ kiéné é mini lanjenu ta bléyi sɛ nya, I fuasan valé tɔbɔle nɔ a lɛ plale mi nwiin tɔmase nya.

Ébrunu 2:9

Fɛ lé ko yé, yee lé ke Jézu nya. Jézu kɛlɛ kiéné é mini lanjenu ta bléyi sɛ nya, yé sin ko a yé, ’té fuasan valé tɔbɔle a a lee, plale mi nwiin tɔmase nya, ga lé é a wo, a we ma. Kazambale lé zin nya lé é mi faa gi ga wo.