Éfez munu 4:4 - Kazambale lé Sebe Sauunu 1979

⁴ Fɛan zo lé Kazambale ka laa yé ka bli kɛlɛ we do kpen lɛ, a zo duo lé kɔlɛ a do kpen, yé Kazambale Léli a do kpen,

Éfez munu 4:4 ပူးပေါင်းရင်းမြစ်များ

Lɛrɛvɔ Sɛbɛ 122:8

An bwenu valé an béénu lé we ma, Maa a a va léé, vole drɔɔ ’é kɛlɛ i ta,

Jérémi 14:8

Bii lé, Izraɛl munu bli ke i lɛ, léé, I a wo siéwegizan nya wolé kleblebléyi va, Mɛmalé i a kɛlɛna bélé bɛn zo tɛrɛ ’ko taa? Bélé giézan lé é yii do kpen yé é go, a zoo?

Jérémi 17:7

Mian éé paan Gakelebale ta, ’té a bli ke Gakelebale lɛ, ’Bɛzan drɔɔ a é vole.

Matio 28:19

’Ka go, ’ka bɛnnu faa kɛlɛ an zuomunu nya, yé ’ka wo batizéwo Ti koo, Be koo, Léli Sauun koo, wo tɔ gi,

Kelewenu 15:11

Naa, kaa bli a a lɛ léé, Mizan Jézu lé zin ma lé kaa dan si lɛ we gi, bélé wo zo.

Rom munu 11:29

Naa, Kazambale bli ’ka nɔlaan élé blɛnu kɛlɛle valé élé mi laale ma lo.

1 Korent munu 10:17

Buru a do kpen, yé kaa a kɔlɛ do kpen nya, dɔlé ’té kaa a kiɛre. Naa, buru do kpen lé kaa faa a blé.

1 Korent munu 12:20

Naa, sin, kɔlɛvafɛnu a di, yé kɔlɛ a do kpen.

2 Korɛnt Munu 11:4

Naa, dé mi do da Jézu lé, ko alé we fe ka lɛ bɛ, a bɛ lé we fe lɛ ka lɛ, yé Kazambale Léli lé ka a ye, dé ka a bɛ lé we ’ma, yé wenéné lé ka a nyi si, dé ka a bɛ ’ma tɔɔn, ’té ka a ka ’wuo dɔna bɛ wuo tegeleee.

Éfez munu 1:18

’é ka bɔn‐in dɔ ka ma ma, yé we lé ka bli ke a lɛ alé ka laale we ma koo, tɔnɔ lé Bale a yé élé munu ma, ’bɛ a fua blɛɛn nya fɛan zo koo,

Éfez munu 2:16

We lé ke Jézu gi, yee lé ke ’ko: é a a va léé, ’é wo fiénu kɛlɛ kɔlɛ do nya yé é wonu valé Kazambale nana élé yiliblan nya, naa, yiliblan ta lé é zapale nyaa, azama.

Éfez munu 2:18

naa, alé we ma lé a se a Juifinu lɛ léé, ’wo bié Kazambale sɔnɔ Kazambale Léli nya, yé yee Léli duo nya lé a se a bɛnnu lɛ léé, ’wo bié Kazambale sɔnɔ.

Éfez munu 2:22

Ka é ziin, ka a Jézu gi, amalé é a ka dɔna ékeva yé ka kɛlɛ kɔn nya yé Kazambale ’é nyana a gi é Léli nya.

Éfez munu 4:1

Bɛwemalé, maa, Mizan lé bokɔngizan, maa we plaan ka lɛ léé, we lé wo ka laa a ma, ’ka tawo a yɛrama;

Éfez munu 5:30

Kaa a a kɔlɛvafɛnu nya, azama.

Kolɔs munu 1:5

Fɛ lé a ta ke é dɔle kazé nya la gi, ka bli a ’bɛ lɛ, bɛwemalé ka bli a é pale yé sɔlɛle a ka gi. Bli vole we lɛ ’ko, ka a dɔɔ, webozen dére lé ka a ’ma é kyɛn, ’bɛ a gɔɔn ka lɛ, ’bɛ gi léé, Wenéné a gɔɔn ka lɛ.

Kolɔs munu 3:15

Yé Krist lé vole drɔɔ lé wo ka laa a gi, ka kɛlɛle kɔlɛ do kpen nya we gi bɛ, yee ’é kɛlɛ ka kuunzan nya ka bli gi ma. Yé ’ka kɛlɛ bɔvɔmunu nya ma.

2 Tɛsalɔnik munu 2:16

Kaazan Jézu Krist bozen valé kaa Ti Bale lé kaa sɔ a lɛ bɛ, ’té é zin kɛlɛ kaa lɛ kaa tɔrɔpaale nya yifaama, a glɛ ’ka lo, é valé bli kɛlɛle wezin lɛ nya bɛ,

1 Timoté 1:1

Bii Timoté lé i ke anbozen lé né nya Kazambale lé we gi, an we i va. Tibale valé Kaazan Jézu Krist ’wo zin kɛlɛ i lɛ ma, yé wo nyanai ’é zén i ta ma, yé ’wo i vo drɔɔ ma. Maa Pɔl ɛ ke sɛbɛ ’ko gyɛna i lɛ. Kaa Siéwegizan Bale valé Jézu Krist lé, ko bli ke a lɛ, wo dére ta lé an kɛlɛ Jézu Krist lé nwunvɔzan nya.

Tite 1:2

We ’konu ma lé mi bli a vole é yuɛmale lé a glɛ ’ka lo, a yele lɛ. Bléyian va lé tɛrɛ ’ka tan bɔra lɛ lo, Kazambale lé é ’ka viéwoo monomono lo, é léé, é dan vole é yuɛma nɔ lɛ munu lɛ.

Tite 2:13

’té ko ginanawe lé ko bli ke a lɛ koo, kolé Bale blɛn lé é ke ko Siéwegizan Jézu Krist nya, alé fua tagɔɔnle koo, ’té woo lé ko ke wo lɛbɛnna.

Tite 3:7

dé é ko kɛlɛ tegele élé zin ma faa yé ko bli ’é kɛlɛ vole é yuɛma lé a glɛ ’ka lo, a yele lɛ.

1 Piɛri 1:21

Yee ɛ ma lé é ziin ka bli vo Kazambale lé, ’bɛ a si gale va yé ’bɛ fua nɔ a lɛ bɛ, ’bɛ lɛ, ka pale Kazambale ta valé ka bli vole Kazambale lɛ we gi.

1 Jan 3:3

Yé dé miomian a bli ke Jézu dale lɛ, ’bɛzan é ébozen kɛla sauun, bélé fɛan zo lé Jézu ke sauun, a zo.