Éfez munu 4:32 - Kazambale lé Sebe Sauunu 1979

³² ’Ka kɛlɛ ka ke ma mi zinnu nya, é valé mi ma wedɔɔzannu nya, yé ’ka ka ke ma we vo, bélé fɛan zo lé Kazambale ka ma we vo Krist gi, a zo.

Éfez munu 4:32 ပူးပေါင်းရင်းမြစ်များ

2 Samuɛl 7:21

I dére we ma, i bligiwe yɛrama lé i we blɛnnu ’ko kɛlɛ wo gɔɔnle i wuozan lɛ we gi.

Lɛrɛvɔ Sɛbɛ 112:9

Éé fɛ kiɛre no; éé fɛ no nyanégyɛzannu lɛ; A kɛlɛwe tegele ana lɛɛfaama; A tɔ bɔle a ’wuo nwaan.

Lɛrɛvɔ Sɛbɛ 145:9

Gakelebale a é zin munu faa vazia, Yé a nyanai éé zén‐é é kɛlɛfɛnu ta.

Wegɔnévɔlenu 12:10

Mi tegele élé winu paan, naa mi nyanénu gi a pɔnpɔn.

Wegɔnévɔlenu 19:11

Wedɔɔzan bli ’ka flian é kele lo, yé a tɔbɔle lé ke a gi sanle a ’namawenu ma nya.

Wegɔnévɔlenu 19:22

Mi ’lɛrɛfɛ lé ke élé wezin nya; nyanégyɛzan fila vɔ é mini viéwozan ta.

Ézai 57:1

Mi tegele éé gaan yé ’bɛ ’ka mi do yuɛgi bɔa lo. Woo mi zinnu sian yé é ’ka dɔ lɛ mi do kpen gi léé, wenaané zi lé wo mi zinnu sian lo.

Jérémi 38:12

Étiopi mi Ébɛd‐Mélɛk lé Jérémi lɛ léé: ’I sɔwulinu valé varɔ wulinu ’ko pa i bla wuo yé ’i bawɔrɔ vɔ i bla wuo. Yé Jérémi a kɛlɛ a zo.

Matio 6:12

’i ko ma we vo, munu lé wo wenyané kɛlɛ ko lɛ, ko wo ma we vo fɛan zo, a zo.

Maak 11:25

Yé bléyian va lé ka a é dɔle bazorona, dé mi do va we a ka gi, ’ka a ma we vo, ka Ti lé é ke la gi, alé ka ma we vole we ma.

WENÉNÉ LÉ LUK A GYE (Évangile selon Luc) 1:78

Nyanai zén bli vɔ kolé Bale gi, Amalé é san bi ko la bélé bladi yiri zo,

WENÉNÉ LÉ LUK A GYE (Évangile selon Luc) 11:4

’i ko ma we vo, naa, ko é ziin, dé miomian éé wenyané kɛla ko lɛ, ko ’bɛzan ma we voo; té i go ko nya ko gi danna lo.

WENÉNÉ LÉ LUK A GYE (Évangile selon Luc) 17:4

Yé dé é wenyané kɛlɛ i lɛ yi do gɔnɔ sɔrafié, yé dé é da i va gɔnɔ sɔrafié a fele nya léé: Ilé zanté, bé nyi si.

WENÉNÉ LÉ LUK A GYE (Évangile selon Luc) 6:35

Naa, ka nyanézannu ’é sɔ ka lɛ ma, yé ’ka wezin kɛlɛ ma; ’ka drɔn pa mi ma, yé té ka bli é vo a lɛgi yele lɛ lo ma. Ka gooli é dan kɛlɛ lɛ blɛn, yé ka dan kɛlɛ lɛ Loruzan benu nya; naa, éé wezin kɛla bɔvɔalozannu valé wenyanékɛlɛzannu lɛ.

WENÉNÉ LÉ LUK A GYE (Évangile selon Luc) 6:37

Té ka mi ma we ble lo, yé wo ’ka dan ka ma we ble lɛ lo; té ka we dɔ mi nwiin lo, yé wo ’ka dan we dɔ lɛ ka nwiin lo; ’ka mi ma we vo, yé wo dan ka ma we vo lɛ.

Kelewenu 28:2

Ana bwiimunu wo wezin kɛlɛ ko lɛ é baba. Lɛɛ da yé dunu vɔ é baba, amalé wo kyɛ blɛn sɔn, yé wo ko faa dɔ a zi.

Rom munu 12:10

Ka bwenu ’é sɔ ka lɛ tegele ma. ’Ka ka bɔluzan kɛlɛ blɛn é mini kaboen ta.

1 Korent munu 13:4

Sɔlɛle bli a tiéé; é a é fanle zin nya, é ’ka maawoo lo; sɔlɛle ’ka we blɛn fé lo, é ’ka bliian boblɛn nya lo.

2 Korɛnt Munu 2:10

Naa, mian ka a ma we voo, maa é ziin, maa a ma we voo. Yé dé an mi ma we vo, maa kɛlɛ Krist pa gi, kalé we ma,

2 Korɛnt Munu 2:7

Sin, é a lé ka a ma we vo, yé ka bɔ a va, dé a bli kyɛ é da dɔ yé we ’ko a kele.

2 Korɛnt Munu 6:6

Kobo gɔɔn a nya é ziin, kɛlɛle sauun koo, wedɔɔle koo, bli tiéé koo, wezin kɛlɛle koo, Léli Sauun koo, lɔrɔpale bozen koo,

Éfez munu 5:1

’Ka kɛlɛ Kazambale zuosonazannu nya, sɔlɛnénu wezannu zo.

SEBE LÉ JAK A GYE (Épitre de Jacques) 5:11

Ka ye, munu lé, wo nyané ble bli tiéé nya, ko fé léé, wozé a néné é baba. Ka Job lé bli tiéé we zuo fele ’ma; yé Mizambale alé we kɛlɛ fɛan zo é voéla, ka ’bɛ ye, naa, Mizambale éé mi mawe dɔɔan é baba yé a nyanai éé zén‐é mi ta di.

2 Piɛri 1:7

yé ’ka bwenu va sɔlɛle pa Bale lé zi sɔle ka lɛ va, yé ’ka mi lɔrɔ pale pa bwenu va sɔlɛle va.

1 Jan 1:9

Dé kaa kaalé wenyanénu fe, Bale a yarapawelazan nya yé é a tegele yé é kaa ma we voo yé éé weple faa sié kaa lee, yé é kaa kɛla tata.

1 Jan 2:12

Anlé né kiénénu, Bale ka ma we vo Jézu tɔ lé we ma, amalé maa a sɛbɛ ’ko gyɛna ka lɛ.

RUT (Ruth) 2:20

Naomi lé é be na lɛ léé: Gakelebale lé a nyanai éé zén‐é mi yuɛmalenu ta bélé fɛan zo lé é a zén mi galenu ta, a zo bɛ, ’é a drɔɔ vo ma. Naomi lé a lɛ é ziin léé: Mi ’ko a ko gɔnɔlazan nya. Munu lé ko tabose ke wo lɛ, é a wo va mi do nya.