Éfez munu 4:18 - Kazambale lé Sebe Sauunu 1979

¹⁸ Wolé we ’léé a é vole, wa wo tanyila, yé wo tɔné gi a é yuyu, amalé wo ’ka a gi dɔɔa léé, Kazambale éé mi bélié lo.

Éfez munu 4:18 ပူးပေါင်းရင်းမြစ်များ

Lɛrɛvɔ Sɛbɛ 74:20

’I gipawe ye we blɛn nya ma, Naa, fɛnu lé ana gunu ke, ana a migyɛmunu yɔɔnanu nya.

Ézai 25:7

Sɔ lé ke é zénle munu faa ’wuo ma, gyɛbosɔ lé ke é zénle bɛnnu faa ta, Bale é dan a si lɛ wo ta gɔ ’ko nwiin.

Ézékiɛl 14:5

yé Izraɛl munu faa lé wolé bli bɔle miyilinu ma wo si an ma baa bɛ, maa dan we lɛdɔ lɛ wo gi.

Daniɛl 5:20

Naa, bléyian va lé é bo kɛlɛ blɛn yé a yuɛ ma kɛlɛ plɛplɛ fɔɔ yé é blii boblɛn nya, wa zun gla nya élé webleblin ta, yé wo alé fua si a lee.

Lévinu 11:16

miané lé duo koo, kurubéli koo, ’yilablaséi koo, gyɛɛnplén valé é bɔlunu koo,

Matio 13:15

Munu ’ko gi nyɛ ’ka kinié lo; Wo ’wo tɔné lɛ tan, dé ’wo da we ’ma ’wo tɔné nya; Wo ’wo yuɛ lɛ tan, dé ’wo da fɛ ye ’wo yuɛ nya; Wo we ’ko kɛlɛ, léé, dé ’wo da we ’ma ’wo bli gi, Dé ’wo da ’wo bli nɔla, yé maa ’wo béli.

Maak 3:5

Yé Jézu wo nagini bliflile nya. Wo tɔné gi ke aan wo é yuyu, é ’na Jézu ma, yé é lé gɔnézan lɛ léé: ’I bɛ soi. Yé ’bɛ é bɛ soi yé a bɛ béli.

Kelewenu 17:30

Bléyian va lé munu ke wo tanyila, Kazambale ’ka wolé wenyané pa lɛ é ’wuo gi we nya lo. É yi do dɔ, ’bɛ yi nya wo dan tɛrɛlamunu faa lé we ble lɛ tegele. Mi lé é a dɔ weblezan nya, é ’bɛzan nwa gamunu va, yee ɛ ke munu faa lé tɔmase zin nya léé, Kazambale a dɔ weblezan nya. Amalé, lao, é munu faa béli dɔ fɛfaana léé, ’wo ’wo bli nɔla ma.

Kelewenu 3:17

Yé sin, an bwenu, maa a gi dɔɔ léé, ka we ’ko kɛlɛ ’ka tanyila, ka valé ka nwiinmunu nya.

Rom munu 1:28

Kazambale dɔɔle gi bɔrɔ ’ka aan wo wo ma lo, Kazambale wo nɔ wolé gi bɔrɔle naanénu lɛ, yaragyɛwe gɔnɔ faa kɛlɛle we ma.

Rom munu 11:25

An bwenu, Kazambale lé we yɔɔle lé ke léé, Bale Izraɛl lɛ do tɔné ta vo fɔɔ yé bɛn bɛnu ’léé lɛ sɔɔle ’é wɔra, yé é ’ka sɔ lɛ an lɛ léé, ka vo ka tanyila weyɔɔle ’ko vazia lo, té ka kabo ye wedɔɔzannu nya lo we gi.

Rom munu 11:7

’Té mɛ léé? Fɛ lé Izraɛl ke a ginina, é ’ka a ye lɛ lo, naa, munu lé Bale wo si a va, wo ɛ ye; yé mi pɔnénu tɔné gi kɛlɛ yuyu,

Rom munu 2:19

wedɔɔle valé webozen kɔlɛ lé ke bélidɔwe nya, é a i lee, amalé bii a ibo tɔ bɔna léé, bii a yuɛwiizannu lé zigɔɔnzan koo, gunuti vamunu lé kyɛsan koo, ’tugyɛzannu gi wepaazan koo, tanyilamunu zan koo, wo nya;

1 Korent munu 1:21

Kazambale lé wedɔɔle gi, é a kɛlɛ léé, té tɛrɛlamunu ’é dɔɔ ’wolé wedɔɔle nya lo; é sɔ Kazambale lɛ léé, munu lé wo bli vo ’é lɛ, ’é wo si we gi wenéné lé ke ’tugyɛwe nya, alé we fele nya.

1 Korent munu 2:8

Tɛrɛ la ’ko minwiinzannu ’ka wedɔɔle ’ko gi ’ma lɛ lo. Dé é vo léé, wa gi ’ma kɔɔn, ’té wo ’ka Fuasanzan gya yiliblan ta lo.

2 Korɛnt Munu 3:14

Naa, wo tɔné gi kɛlɛ é yuyu fɔɔ yi ’ko nya, ’té sɔné duo ana, bléyian va lé wo ke Gipawe Kwa ta fena, a bléyi va, ’té é ’ka é sile lo, naa, dé mi a Krist gi, ’té é a é sile ’bɛzan ta.

2 Korɛnt Munu 4:4

Wo bli ’ka we lɛ lo, bléyi ’ko vamunu lé bale wolé wedɔɔle san wo lee, amale Krist lé ke Kazambale bɔmazan nya, alé fua tɔbɔle lé Wenéné lé ke bélé kyɛsan zo, wo ’ka a dɔɔa lo.

Galasi munu 4:8

É li, ’té ka ’ka Kazambale dɔɔa lo, ’té balenu lé wo ’ka bale bozennu nya lo, ’té ka wo bɔa.

Éfez munu 2:1

É vinin, ka a é gale kalé we sɛrɛlenu valé kalé wenyanénu lé we ma;

Éfez munu 2:12

’Bɛ bléyi va, ’té Krist ’ka kazé nya lo; ’té a se ’ka ka lɛ léé, ka nyana Izraɛl lo; blivolɛdére lé Kazambale a fe é gi pale do nya munu va, ’té kazé ’ka a va lo; ’té ka bli ’ka we do lɛ lo; ’té ka a tɛrɛ la dublaa, ’té Kazambale ’ka kalé Bale nya lo.

Kolɔs munu 1:21

É vinin, ka gi bɔrɔlenu valé ka kɛlɛwe naanénu ka kɛlɛ bɛn valé Kazambale nyanézannu nya.

1 Tɛsalɔnik munu 4:5

Té ka kabo nɔ le lé we gi bélé fɛan zo lé yolémunu lé wo ’ka Kazambale dɔɔa lo, wa kɛla fɛan zo, a zo lo.

Ébrunu 5:2

Balebanmunu ’lɛzan a mi tɔɔtɔɔ nya, bɛwemalé éé bɔa tanyilamunu valé mi sanlenu mawe dɔɔle lɛ.

Ébrunu 9:7

Naa, Balebanmunu ’lɛzan do kpen ɛ goo kɔnmi zi lɛɛ do gɔnɔ do. Dé abozen lé wenyané valé munu lé wenyané ma wi nyɛ ’ka a lee lo, é ’ka goo ’bɛna lo.

SEBE LÉ JAK A GYE (Épitre de Jacques) 4:4

Ka a bélé le bɛ valé gɔné bɛ ginizannu zo. Ka ’ka a gi dɔɔa léé, tɛrɛla sɔle mi lɛ éé mi kɛla Kazambale nyanézan nya loo? Bɛwemalé, dé mian éé tɛrɛlawe kɛla ’é béé nya, ’té é a ébo kɛlɛna Kazambale nyanézan nya.

1 Piɛri 1:14

’Ka we kɛlɛ bélé mi lɛdɔma nénu zo, fɛnu lé ka bli bɔ wo ma é kyɛn ka tanyila bléyi va bɛ, té ka tawo wo zuo lao lo.

1 Jan 2:11

Naa, mian a bwe za ke a gi, é a gunutinu va, yé é a tawona gunutinu va yé gunutinu a yuɛ ’wii, amalé é ’ka é gona dɔɔa lo.