Éfez munu 4:12 - Kazambale lé Sebe Sauunu 1979

¹² gun sile Kazambale lé munu ma we gi, yé wo bɔ Kazambale va nyanama pale lɛ, yé wo Krist kɔlɛ dɔ gligli.

Éfez munu 4:12 ပူးပေါင်းရင်းမြစ်များ

WENÉNÉ LÉ LUK A GYE (Évangile selon Luc) 22:32

Naa, an bazoro ilé we ma, léé, té i blipale ta é zana lo; yé bii, dé i bli nɔla yian ma, ’i i bwenu dɔ gligli ma.

Kelewenu 1:17

É a é pale ko va, ’té éé nyanama duo paan.

Kelewenu 1:25

yé ’é kɛlɛ nyanama ’ko pazan nya, yé ’é kɛlɛ nwunvɔzan nya ko va; naa, Judas sɔn vɔ a ma yé é go fɛ lé ana a nyɛɛ, ana.

Kelewenu 11:23

É bɔ aan wo yé é Kazambale lé zin ye wo ta, a gi nana yé é we pla wo lɛ léé: ’Ka vo é yerele Mizan ma bli do nya.

Kelewenu 20:24

Naa, an ’ka we do kpen kɛla anlé tɛrɛla we ma, bélé fɛan zo lé a we a an lee, a zo lo. We fié lé ke an bli gi, yee lé é ke ’ko: zi lé Mizan a gɔɔn an lɛ, maa lé a ta tawole lɛsɔɔle gi nanale nya a do; nyanama lé Mizan Jézu a nɔ an lɛ, Bale lé zin lé Wenéné fele nya, ’bɛ lɛsɔɔle a do, woo lé ke bɛ; an ma we bɛ ’ka lo.

Kelewenu 20:28

Bɛwemalé, ’ka yuɛ pa kabozen valé trubɛ palu gimunu faa lé Léli Sauun ka kɛlɛ wo tabinzannu nya, wo va. Mizan lé léglizigimunu lé é wo lɔ ébo nyɛ nya bɛ, Bale ka kɛlɛ wo tabinzannu nya léé, ’ka fɛblele nɔ wo lɛ.

Kelewenu 9:31

Léglizigimunu a drɔɔ Judé tɛrɛ faa koo, Galilé tɛrɛ koo, Samari tɛrɛ koo, wona. Wa é dɔle plɛplɛ yé wo tawo Mizambale lee kana nya wo gi, yé wo ’léé gi gyɛ Léli Sauun bɔle wo va nya.

Rom munu 12:5

a zo duo lé kaa lé, kaa ke kiɛre, kaa a kɔlɛ do nya Krist gi, kɔlɛvafɛnu nya ékeva.

Rom munu 12:7

mi lé wa laa nyanama pale ma, ’élé nyanama pa é sɔbɛla nya ma; mi lé éé we paan munu gi, ’é yara pa élé we paale ta ma;

Rom munu 14:19

Bɛwemalé, wenu lé wo mi vo drɔɔ, ’té woo mi faa dɔa gligli, ’ka wo ɛ kɛlɛ ma.

Rom munu 15:14

An bwenu, dé é a kazé we nya, maabozen a gi dɔɔ léé, ka a mi zin babanu nya, yé ka we faa dɔɔ, yé ka bɔa é ziin we plale lɛ ka ke lɛ.

Rom munu 15:2

We lé é sɔ kaa bɔluzan lɛ, ’té é ke wezin nya wo vazia, kaa faa do do ’é yee ɛ kɛlɛ ma, wo dɔle gligli we ma.

Rom munu 15:29

Maa gi dɔɔ léé, dé maa a gona ka va, maa dan go lɛ Krist lé drɔɔ vole lɛsɔɔle nya an ta.

1 Korent munu 12:27

Ka a Krist kɔlɛ nya, yé ka a a kɔlɛvafɛ do donu nya.

1 Korent munu 12:7

Kazambale éé blɛ gulian mi faa do do ma é Léli nya, munu faa lé a gi tɔnɔ yele we ma.

1 Korent munu 14:12

Ka‐an ka bli bɔ Kazambale Léli lé blɛnu ma, ’kabo nɔ wo naginile lɛ, yé ’wo kɛlɛ kiɛre ka méléna léglizigimunu dɔle gligli we ma.

1 Korent munu 14:14

Dé an bazoro dére bɛ gi, ’té an léli ɛ ke bazorona, naa, anlé wedɔɔle éé voo bélé féi gɔla zo.

1 Korent munu 14:26

Amalé, bwenu, ka dan a kɛlɛ lɛ kaa? Dé ka a léglizi kɛlɛna, é a lé mi faa ’é we kɛlɛ; mi ke ’é lɛrɛ vɔ; mi ke ’é we paa munu gi; we dɛrɛ lé Bale a gɔɔn mi ke lɛ, ’bɛnu ’é ’bɛ fe; mi ke ’é dére bɛnu vɔ; mi ke ’é danamla kɛlɛ; ’ka we faa kɛlɛ munu dɔle gligli we ma.

2 Korɛnt Munu 12:19

A pélisiana mɔn, é dɔ ka gi léé, ko a kobo drɔna ka yuɛ va. Gba, ko we fé Krist gi Kazambale ’lɛ, yé an sɔlɛzannu, ko ’bɛ faa fé ka tinle Bale lé we gi we ma.

2 Korɛnt Munu 13:11

An bwenu, we voéla lé é ke ’ko: ka gi ’é nana ma; ’ka gun faa si ka ma ma; ’ka ka ke tɔrɔ paa; ka gibɔrɔle ’é kɛlɛ do ma; ’ka vo drɔɔ ma yé sɔlɛle valé mi vo drɔɔ Bale é dan kɛlɛ lɛ ka va.

2 Korɛnt Munu 13:9

Dé ko a tɔɔtɔɔ, ’bɛ éé ko gi nanaan, ’té dé ka a plɛplɛ, yé we lé ko laan kolé bazorole nya, yee lé ke léé, gun faa ’é si ka ma.

2 Korɛnt Munu 3:8

Dé ’bɛ a ’bɛ zo, Bale va nyanama lé éé Léli Sauun no nii? ’Bɛlé fuasan ’ka mini lɛ koɛ ta loo?

2 Korɛnt Munu 4:1

Ko nyanama ’ko ye Bale lé nyanai zénle ko ta nya, amalé dé ko a pana ko fuu ’ka sié ko ta lo.

2 Korɛnt Munu 5:18

Yé ’bɛ faa éé sié Kazambale ɛ va, yee ɛ ko nana ’é va Krist lé we ma, yé é munu nanale ’é va lé nyanama nɔ ko lɛ.

2 Korɛnt Munu 6:3

Ko ’ka misaanwe do kpen kɛla monomono lo, té wo we dɔ Bale va nyanama nwiin lo we gi.

2 Korɛnt Munu 7:1

An sɔlɛzannu, blivolɛdére ’ko zonu a kaa lee, amalé kaa dɔbɛ kyɛn ma tiridɔfɛnu valé léli ma tiridɔfɛnu faa si kaa ma ma, kaa kɛlɛle sauun lɛsɔɔle we ma, kanale Kazambale lee nya.

Éfez munu 1:23

yé léglizi a Krist kɔlɛ nya, mi lé éé fɛ faa faan fɛfaana, léglizi a ’bɛzan lɛsɔɔle nya é ziin.

Éfez munu 4:16

Kɔlɛvafɛnu faa a é yerele ékema yé wo kɛlɛ fɛ zénle ékeva plɛplɛ do nya, gane plinna valé bɛ plinna miinnu lé we ma, yé Krist ma lé a tinle éé sié, plɛplɛ lé é ke a kɔlɛvafɛnu do do zé nya é zima bɛ, a yɛrama, ’té kɔlɛ ébo dɔa gligli sɔlɛle gi.

Éfez munu 4:29

Té dére naané do kpen é bɔra ka ’léé lo, naa, dére zima lé éé mi dɔa gligli, ’té munu lé wa maan, ’té éé wo drɔɔ voo bɛ, ’ka yee ɛ fe é febléyi nya ma.

Éfez munu 4:4

Fɛan zo lé Kazambale ka laa yé ka bli kɛlɛ we do kpen lɛ, a zo duo lé kɔlɛ a do kpen, yé Kazambale Léli a do kpen,

Kolɔs munu 1:24

Kle lé maa a blena kalé we ma, éé an gi nanaan. Krist kɔlɛ lé ke léglizigimunu nya, a ma kleblele lé wo vo, maa a a lɛ sɔɔna an kɔlɛ nya.

Kolɔs munu 1:28

Krist ’ko, alé we lé ko fé, ’té ko we plaan mi faa lɛ, ’té ko wedɔɔwe faa paan mi faa gi, léé, dé ko go wo nya Bale va ’té gun a é sile wo ma Jézu Krist lé we ma.

Kolɔs munu 4:17

Yé ’ka fé Aasip lɛ léé, ’é yuɛ pa ébo va nyanama lé é a ye Mizan va, alé we ma, a lɛsɔɔle é zima we gi.

1 Timoté 1:12

Kaazan Jézu Krist lé é an dɔ plɛplɛ, maa a bɔ vɔa léé, é an ye yarapawelazan nya, yé maa lé an ke é vinin Bale sɔnɔzan koo, nyané pa mi tazan koo, ’wiiéwelazan koo, wo nya, é an kɛlɛ Bale va nyanama pazan nya. Naa, maa we ’konu kɛlɛ an tanyila, ’té an bli ’ka é pale lo, bɛwemalé é nyanai zén an ta.

2 Timoté 4:11

Luk do kpen ɛ vo an va. ’I Maak laa, ’ka da a nya an va; alé nyanama pale an va tɔnɔ a.

2 Timoté 4:5

Naa, Timoté, é a lé ibo kun we faa gi; ’i dɔ kleblelenu wuo; ’i wenéné fe, ’ilé nyanama pale lɛ sɔɔ é zima ma.

Ébrunu 13:17

’Ka ka zilɛzannu lɛdɔma, yé ’ka ’wuo dɔ wo wuo ma; naa, wa ka boennu tabinna, yé wa gi dɔɔ léé, Bale é dan a zuo laa lɛ ’wo lee, amalé wa kɛlɛna ’bɛ yɛrama. Ka kɛla fɛan zo yé wo ka tabin ginanale nya yé é ’ka kɛla wo ma gi kyɛ nya lo, ’ka kɛlɛ. Dé wo bli kyɛ dɔ ka tabinle we ma, ’té kazé tɔnɔ ’ka lo.

Ébrunu 6:1

Bɛwemalé Krist lé we vininzannu lé wa paa ka gi, té kaa vo ’bɛ saa ma lo. Sɔnvɔle mi kɛlɛwenu lé ke bélé fɛ gale zo, wo ma, ’bɛ koo, bli vole Kazambale lɛ koo, batizé lé we paale koo, bɛ plale mi ta koo, gamunu nwale koo, welɛdɔle mi gi lé a glɛ ’ka lo koo, ’bɛ faa a a pélisia la we nya, amalé té ka vo ’bɛ saa ma lo. ’Ka yara pa we lé éé gun sié mi ma, a kɛlɛle ta.