Éfez munu 4:11 - Kazambale lé Sebe Sauunu 1979

¹¹ Alé blɛnu lé ke ’ko: é mi kenu kɛlɛ nwunvɔmunu nya; é a kenu kɛlɛ Balelayemunu nya; é a kenu kɛlɛ wenéné fezannu nya; é a kenu kɛlɛ léglizigimunu pazannu valé wepaamigizannu nya,

Éfez munu 4:11 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 15:3

Lɛɛ kiɛre wuo, Bale boen ’ka ’kaa Izraɛlnu lee lo, ’té Balebanzan lé éé we paan munu gi, é ’ka ana lo, ’té bélidɔwe ’ka ka lee lo.

Jérémi 3:15

Maa dan ka tabinzannu nɔ lɛ ka lɛ an bligiwe yɛrama, yé wo dan ka pa lɛ gikinile valé wedɔɔle nya.

Matio 28:20

yé we faa lé maa ka béli dɔ a nya, ’ka a ta tawole paa wo gi. Yé ka ye, maa a ka va yifaama, fɔɔ yé tɛrɛ la é nyaa a zo.

Kelewenu 13:1

Balelayemunu valé Kazambale lé we paa mi gi munu ana Antiɔs lé léglizi gi, Banabas koo, Siméɔn lé wa laan Nijɛɛ, yee koo, Sirɛne mi Lusius koo, Manaɛn lé wo tin gbɔrɔnama Érɔd nya ékeva, yee koo, Sɔl koo, woo lé.

Kelewenu 20:28

Bɛwemalé, ’ka yuɛ pa kabozen valé trubɛ palu gimunu faa lé Léli Sauun ka kɛlɛ wo tabinzannu nya, wo va. Mizan lé léglizigimunu lé é wo lɔ ébo nyɛ nya bɛ, Bale ka kɛlɛ wo tabinzannu nya léé, ’ka fɛblele nɔ wo lɛ.

Kelewenu 21:8

Dé tu kini ko go, yé ko bɔ Sézaré. Ko go wenénéfezan Filip lé kɔn ’léé yé ko yii ’bɛna; mi sɔrafiéo, é a wo va mi do nya.

Rom munu 12:7

mi lé wa laa nyanama pale ma, ’élé nyanama pa é sɔbɛla nya ma; mi lé éé we paan munu gi, ’é yara pa élé we paale ta ma;

1 Korent munu 12:4

Kazambale Léli lé blɛ gɔnɔ a di, naa, Kazambale Léli duo lé;

Éfez munu 2:20

Ka a é dɔle kɔngane lé é ke nwunvɔmunu valé balelayezannu nya, wo ta, yé Jézu Krist bozen ɛ ke kɔnsungɔlɛ nya.

Éfez munu 3:5

Wo ’ka a nagɔɔn lɛ blami vininnu lɛ bélé fɛan zo lé Kazambale Léli a nagɔɔn lao alé nwunvɔmunu sauunnu valé Balelayemunu lɛ, a zo lo.

Éfez munu 4:8

Bɛwemalé é a é gyɛle sɛbɛ gi léé: É go aan wo la gi, É go luunu nya; Yé é blɛnu kɛlɛ munu lɛ.

2 Timoté 4:5

Naa, Timoté, é a lé ibo kun we faa gi; ’i dɔ kleblelenu wuo; ’i wenéné fe, ’ilé nyanama pale lɛ sɔɔ é zima ma.

Ébrunu 5:12

Naa, ka lé ka namɔn, ’té é a kɔɔn léé, ka kɛlɛ wepaamigimunu nya, ka mawe a a gi léé, ’wo Kazambale lé we pélisiana vininnu paa ka gi é ziin. Ka kinin munu lé wo mawe ke a gi léé, ’wo nyɔ minian, ’té wo ’ka fɛ plɛplɛ va lo, wo nya.

SEBE LÉ JUD A GYE (Épitre de Jude) 1:17

An béé zinnu, wenu lé Kaazan Jézu Krist lé nwunvɔzannu a fale vɔ ka lɛ é kyɛn, wo sele ’é dɔ ka gi ma.

Wegɔɔnle 18:20

La, i gi ’é nana a sɛrɛle lé we ma ma. Yé ’kaa Kazambale lé munu koo, nwunvɔmunu koo, balelayemunu koo, ka gi ’é nana é ziin ma. Kazambale alé we nyaa a zo, amalé é we tegele kɛlɛ ka lɛ.

Wegɔɔnle 21:14

Fla gɔrɔ gane vɔna a vu ta fié yé wo ta lé ’Blané lé nwunvɔmunu vu ta fié tɔnu ke é gyɛle do do.