Éfez munu 4:1 - Kazambale lé Sebe Sauunu 1979

¹ Bɛwemalé, maa, Mizan lé bokɔngizan, maa we plaan ka lɛ léé, we lé wo ka laa a ma, ’ka tawo a yɛrama;

Éfez munu 4:1 ပူးပေါင်းရင်းမြစ်များ

Wepélisiananu 17:1

Abram lɛɛ kɛlɛ yɔ ziɛn wɔlɛ vu ta sɔraziɛn aan wo, Gakelebale bɔra Abram va yé é lé a lɛ léé: Maa a Plɛplɛfaazan Bale nya. ’I tawo an yuɛ va yé ’i kɛlɛ mi tegele nya.

Wepélisiananu 5:24

Énɔk tawo Bale va, yé Bale a si, bɛwemalé wo ’ka a ye lɛ lo.

Jérémi 38:20

Jérémi a zi pa léé: Wo ’ka dan i pa lɛ wo lee lo. ’I tɔné dɔ Gakelebale dére lɛ, wean maa a fe i lɛ bɛ, a lɛ. I dan wezin ye lɛ yé i dan béli lɛ.

Kelewenu 9:31

Léglizigimunu a drɔɔ Judé tɛrɛ faa koo, Galilé tɛrɛ koo, Samari tɛrɛ koo, wona. Wa é dɔle plɛplɛ yé wo tawo Mizambale lee kana nya wo gi, yé wo ’léé gi gyɛ Léli Sauun bɔle wo va nya.

Rom munu 11:29

Naa, Kazambale bli ’ka nɔlaan élé blɛnu kɛlɛle valé élé mi laale ma lo.

Rom munu 12:1

Bɛwemalé, an bwenu, maa we plaan ka lɛ Kazambale lé nyanai zénle nya léé, ’ka kabozennu nɔ saraka yuɛmale lé é ke Bale zé nya, ’té é sɔ Kazambale lɛ bɛ, a nya, yee ɛ ke kalé Bale bɔle tegele nya.

1 Korent munu 4:16

Bɛwemalé, an zanté vɔ ka lɛ léé, ’ka kɛlɛ an zuosonazannu nya ma.

2 Korɛnt Munu 10:1

Maa Pɔl lé ka fe an ma léé, dé maa a ’wo va maa a bo?-?kiénézan nya, yé dé maa si ’wo va an bli a ’wo ma tɔntɔn, maa zanté vɔ ka lɛ Krist lé drɔɔ valé alé zin we ma.

2 Korɛnt Munu 5:20

Bɛwemalé ko a Krist bɛgizannu nya, bélé fɛan zo lé Kazambale éé we plaan mi lɛ ko lɔlu nya, a zo; ’té ko zanté vɔa ka lɛ Krist tɔ gi léé, ’ka nana Kazambale va ma.

2 Korɛnt Munu 6:1

Ko a Kazambale va nyanamapa béénu nya, bɛwemalé ko we plaan ka lɛ léé, Kazambale lé zin lé ka ye, té é vo ka ma é pla lo.

Galasi munu 4:12

Bwenu, kalé zanté; ’ka kɛlɛ bélé an zo ma. Naa, maa é ziin, an kɛlɛ bélé ka zo.

Éfez munu 2:10

Kaa a Kazambale panyanamanu nya, é kaa kɛlɛ Jézu Krist gi, we zinnu lé é wo dɔnama fe é kyɛn, kaalé wo kɛlɛle we gi.

Éfez munu 3:1

Bɛwemalé, maa Pɔl lé an ke Jézu Krist lé bokɔngizan nya ’kaa bɛnnu lé we ma, maa bazoroan.

Éfez munu 4:17

We lé maa a fé, ’té maa a plaan ka lɛ Mizan tɔ nya, yee lé é ke ’ko: Yolémunu lé woo tawoo boblɛn ’wuogibɔrɔlenu yɛrama bɛ, té ka tawo é dɛrɛ wo zo lo.

Éfez munu 4:4

Fɛan zo lé Kazambale ka laa yé ka bli kɛlɛ we do kpen lɛ, a zo duo lé kɔlɛ a do kpen, yé Kazambale Léli a do kpen,

Éfez munu 5:2

’Ka tawo ka ke va sɔlɛle nya, Krist kɛlɛwe ma. Kaa sɔ a lɛ, yé ébozen nɔ Kazambale lɛ kaalé we ma bélé blan valé saraka gin néné zo.

Filip munu 1:27

Naa, munu lé wo bli ke Krist lé Wenéné lɛ, é a lé wo tawo fɛan zo bɛ, ’ka tawo ’bɛ zo léé, dé an da ka vaoo, dé an ’ka da lɛ ka va looo, yé maa ka tawe ’ma léé, ka a é dɔle gligli bli do nya, ’té blipale lé éé sié Wenéné va bɛ, ’té ka a ta guli daan bli do nya,

Filip munu 3:14

’té an vlanburuwo a ’wuoplana zia, a ma ban lé é ke Kazambale lé an laale loru Jézu Krist lé we ma, a yele we gi.

Kolɔs munu 1:10

yé dé ka a dɔɔ yé ka tawo Mizan lé tawobɛ yɛrama yé kalé we ’é sɔ a lɛ bɛ faa ma. Ko a laan a lee é ziin léé, ’é tɔnɔ ye ka ma we zin gɔnɔ faa kɛlɛle nya yé ’ka kɛlɛ segele Kazambale dɔɔle gi;

Kolɔs munu 2:6

Ka Jézu Krist si kazan nya, amalé, sin, ’ka tawo a gi;

Kolɔs munu 4:12

Épafras lé é ke ka va mi do nya bɛ, é we ka va; é a Jézu Krist wuozan nya, yé é ’ka daanma ka ta gulidanle ma bazorole nya lo léé, ’ka dɔ gligli yé gun ’é si ka ma, yé ’ka ’wuo dɔ Kazambale lé blibɔmawe faa wuo.

1 Tɛsalɔnik munu 2:12

Ko we pla ka lɛ, ko ka tɔrɔ paa, yé ko zanté vɔ ka lɛ léé, ’ka tawo Kazambale tɔbɔle yɛrama. É ka laa léé, ’ka go élé fuatɛrɛ la, yé ka fua ble.

2 Tɛsalɔnik munu 1:11

Bɛwemalé ko bazoroan yifaama ka tɔ ma léé, ka‐an Bale ka laa, kolé Bale ’é ka ye munu lé wo laa yara lé, wo nya; yé a bɔn‐in danmawe zimanu faa koo, nyanamanu lé woo sié kalé blipale va koo, ’é wo kɛlɛle lɛ sɔɔ ka lɛ élé plɛplɛ nya.

2 Timoté 1:9

Yee ɛ ko si we gi, yé é ko laa léé, kobo nɔ é lɛ. É ’ka ko laa lɛ ko kɛlɛwenu lé we ma lo, naa, é ko laa ébozen bɔn‐inwe yɛrama, é valé zin lé é a kɛlɛ ko lɛ Jézu Krist gi bléyian va lé tɛrɛ ’ka tan é bɔrale lo, a yɛrama.

Tite 2:10

té wo fɛ do kpen kyeenwo lo; naa, ’wo yara pa we la tegele yifaama, yé munu é kaa Siéwegizan Bale lé wepaale ze vɔ.

Ébrunu 13:21

’é ka bɛ sɔ we zinnu faa kɛlɛle nya ’é blibɔmawe lɛsɔɔle we gi ma; yé we lé é sɔ a lɛ, ’é yee ɛ kɛlɛ ka gi Jézu Krist nya ma; ’wo fua nɔ a lɛ lɛɛ faa ma, té a glɛ é dɔ lo. Amɛɛn.

Ébrunu 3:1

Bɛwemalé, ka lé ka ke an bwenu nya Kazambale va, ’té é ka laa la gi bɛ, ’ka bɔn‐in bɔrɔ Jézu ma do. Bale a pa zia léé, kaalé blipale mawe lé kaa fé, ’é kɛlɛ a gi nwunvɔzan valé Balebanmunu ’lɛzan nya.

1 Piɛri 2:11

’Kaa lé ka sɔ an lɛ, ka a bɛnnu valé giézannu nya, amalé maa we plaan ka lɛ léé, mi dɔbɛ kyɛn lé blibɔmawenu lé woo guli daan mi boen va, ’ka daan wo ma.

1 Piɛri 3:9

Té ka wenyané lɛgi pa wenyané nya lo; yé té ka sɔnɔ lɛgi pa sɔnɔ nya lo; naa, ’ka munu drɔɔ vo, alé we ma lé wo ka laa, kaboen drɔɔ vole we gi.

1 Piɛri 5:10

Zin faa kɛlɛ Bale, yee ɛ ka laa Jézu Krist gi élé fua lé a glɛ ’ka lo, a blele ma, dé ka nyané ble bléyi sɛ nya faa, é dan gun si lɛ ka ma, é dan ka dɔ lɛ plɛplɛ, é dan ka fuu dɔ lɛ ka ta, é dan ka dɔ lɛ gligli.

2 Piɛri 1:3

Fɛnu faa lé wo bɔa kaa va kaalé tɛrɛla valé Bale lé zi ta tawole gi, Bale lé plɛplɛ ɛ wo nɔ kaa lɛ blɛ nya, yé yee Bale lé plɛplɛ lé we ma lé, mi lé é kaa laa ébo lé fua tɔbɔle valé élé wezin nya, yé kaa a dɔɔ.

2 Jan 1:5

Yé sin, lezan Kiria, maa ’ka bélidɔwe dɛrɛ gyɛna i lɛ sɛbɛ ’ko gi lo; naa, bélidɔwe lé wa nɔ kaa lɛ a pélisia bléyi va, yee lé; maa lé i lɛ léé, é a lé kaa sɔ kaa ke lɛ.