Éfez munu 3:8 - Kazambale lé Sebe Sauunu 1979

⁸ Maa lé an ke Kazambale lé munu faa va mi kiéné nya, Bale zin ’ko kɛlɛ an lɛ léé, Krist lé fuawenu lé wo ’ka wo gi ’male nyaan lo, maa wolé we fe bɛn bɛnu lɛ,

Éfez munu 3:8 ပူးပေါင်းရင်းမြစ်များ

Minwiinzannu lé Wezuofe Sɛbɛ 17:16

Yé minwiinzan blɛn David go yé é nyana Gakelebale ’lɛ, yé é léé: Bale, Gakelebale, de ɛ ke maa nya, yé anlé kɔn a mɛ fɛ nya, yé i da an nya fɔɔ fɛkona kyɔɔ?

Lɛrɛvɔ Sɛbɛ 31:19

Kwakwa ’é vɔ viéwolɔlunu ta ma, Yuɛma plɛplɛ lɔlunu lé woo we fé mi tegele ma, Boblɛn naané valé serele bole nya, kwakwa ’é vɔ wo ta ma.

WENÉNÉ LÉ LUK A GYE (Évangile selon Luc) 14:22

Mi leezan lé ézan lɛ léé: Anzan, we lé bé fe maa a kɛlɛ yé nyanana ke vo é ziin.

WENÉNÉ LE JAN A GYE (Évangile selon Jean) 1:16

Fɛ lé é ke a gi saawo bɛ, é a ke nɔ ko faa lɛ blɛ nya, yé é zin kiɛre kɛlɛ ko lɛ.

Kelewenu 5:41

Nwunvɔzannu si webolikinimunu va yé wo gi nana léé, Kazambale a ye léé, wo dɔle nyané blele wuo Jézu tɔ ma yara lé.

Kelewenu 9:15

Mizan lé a lɛ léé: ’I go. Mi ’ko, maa a si anlé wekɛlɛfɛ nya an tɔ bɔrale we gi, bɛnnu koo, minwiinmunu koo, Izraɛlnu koo, wo va.

Rom munu 11:33

Kazambale lé fua koo, alé wedɔɔle koo, alé gi kinile koo, wo gié é glɛ la. Dé mi Kazambale lé weblele zuo kulioo, é ’ka dɔa a nyaana ma lo, yé mi ’ka a kɛlɛwenu gi maan lo.

Rom munu 12:10

Ka bwenu ’é sɔ ka lɛ tegele ma. ’Ka ka bɔluzan kɛlɛ blɛn é mini kaboen ta.

Rom munu 2:4

Taa, Kazambale lé fua lé é ke alé wezin koo, alé bli tiéé koo, alé ’wuo dɔle we wuo koo, wo nya, i wo yé fɛ boanu nya lɛɛ? I ’ka a gi dɔɔa léé, Kazambale lé wezin éé i bli nɔlaan Kazambale va loo?

1 Korent munu 1:30

Naa, Kazambale lé we ma lé ka a Jézu Krist gi, yé Kazambale lé blibɔmawe yɛrama lé Krist kinin kolé wedɔɔle valé kolé we tegele koo, ko kɛlɛle sauun koo, ko tabozan koo, wo nya.

1 Korent munu 15:9

Naa, maa a nwunvɔzannu va mi kiéné nya; an nyané pa Kazambale lé léglizigimunu ta, amalé a yara ’ka an yara léé, wo an laa nwunvɔzan lo.

1 Korent munu 2:9

’Ko zo lé é a é gyɛle Bale lé sɛbɛ gi: Fɛnu lé mi ’ka tan a ye lɛ é yuɛ nya lo, Wenu lé mi ’ka tan a ’ma lɛ é tɔné gi lo, É valé wenu lé mi ’ka tan boenwo é bɔn‐in bɔrɔ lɛ a ma lo, Woo lé Kazambale wo ma’lɛrɛ, munu lé Kazambale sɔ wo lɛ, wozé nya.

Galasi munu 1:16

Yé é sɔ Bale lɛ léé, é ’é Be nagɔɔn an nya léé, maa ’bɛlé we fe bɛnnu worona. Kele tɔɔn maa ’ka we laa lɛ mi do kpen lee lo,

Galasi munu 2:8

Naa, Kazambale lé é Piɛri ma’lɛrɛ yé é a kɛlɛ nwunvɔzan nya Juifinu va, yee Kazambale ɛ an kɛlɛ nwunvɔzan nya bɛn bɛnu va.

Éfez munu 2:7

léé, bléyinu lé wo dan bɔ lɛ bɛ, alé zin fua lé a glɛ ’ka lo, ’é a nagɔɔn ’bɛ bléyinu va. É dan a nagɔɔn lɛ wezin lé é a kɛlɛ ko lɛ Jézu gi, ’bɛ nagɔɔnle nya.

Éfez munu 3:1

Bɛwemalé, maa Pɔl lé an ke Jézu Krist lé bokɔngizan nya ’kaa bɛnnu lé we ma, maa bazoroan.

Éfez munu 3:16

’é Léli wɔra kabozen nya bélé nyɔnɔbɔ zo, yé ka dɔ gligli boenwo alé fuasan yɛrama ma;

Éfez munu 3:19

dɔlé té mi ’ka bɔa a dɔɔle lɛ lo, yé ’ka fan, Kazambale a é fanle fɛan zo, a zo ma.

Éfez munu 3:2

Naa, ka ’ka a ’ma lɛ léé, Kazambale élé zin bɛ pa an lee kalé tɔnɔ yele we ma loo?

Filip munu 2:3

Té ka we do kpen kɛlɛ zakɛlɛle valé kabozen ze vɔle nya lo, naa, ’kabo kɛlɛ kiéné yé ’ka mi bɛnu ye blɛn é mini kabozen ta.

Filip munu 4:19

Yé fɛnu faa lé ka mawe ke wo gi, anzé Bale é dan wo nɔ lɛ ka lɛ, alé fuafɛ tɔbɔlenu lé wo ke Jézu Krist gi, wo yɛrama.

Kolɔs munu 1:27

Weyɔɔle ’ko a we tɔbɔle blɛɛn nya bɛnnu faa méléna fɛan zo, é sɔ Kazambale lɛ léé, ’é a gɔɔn élé munu lɛ. Yee weyɔɔle lé ke ’ko: Krist a ka gi, amalé ka bli a a lɛ léé, kazé a Bale lé fua tɔbɔle va.

1 Timoté 1:15

Sɔbɛlawe lé é a lé mi faa a nyi si, yee lé ke ’ko: Jézu Krist da tɛrɛ la wenyanékɛlɛmunu sile we gi we ma, yé maa a wo va wenyanékɛlɛzan blɛɛn nya.

1 Timoté 2:7

Aléwemalé Bale an kɛlɛ yee we fezan valé nwunvɔzan nya, blipale lé we valé webozen paale bɛn bɛnu gi we ma. Maa a webozen fena, maa ’ka viéwona lo.

2 Timoté 1:11

Kazambale an dɔ nwunvɔzan nya Wenéné ’ko lé we ma yé é an dɔ a fezan valé a paamigizan nya.

Wegɔɔnle 3:18

amalé maa we plaan i lɛ léé, ’i fɛnu ’ko lɛ an lee: kyan lé wa gi dan kyɛ nya, ’bé lɔ ilé fuablele we gi, yé ’i sɔ funu lɔ, wo zénle i ta we gi léé, té i porole yara i gyɛ lo, yé ’i yuɛ lia lɔ yé bé zén i yuɛ va, ilé fɛna yele we ma.