Éfez munu 3:5 - Kazambale lé Sebe Sauunu 1979

⁵ Wo ’ka a nagɔɔn lɛ blami vininnu lɛ bélé fɛan zo lé Kazambale Léli a nagɔɔn lao alé nwunvɔmunu sauunnu valé Balelayemunu lɛ, a zo lo.

Éfez munu 3:5 ပူးပေါင်းရင်းမြစ်များ

Ézai 52:15

Naa, sin, é dan kɛlɛ lɛ munu kiɛre ginanamazan nya. Minwiinzan blɛnnu lɔlu lɛ é dan tan lɛ a ’lɛ, Naa, wenu lé wo ’ka wo zuo fe lɛ wo lɛ lo, wo dan a ye lɛ, Wenu lé wo ’ka tan a ’ma lɛ lo, wo dan a ’ma lɛ, ’bɛzama.

Matio 13:17

Maa lé ka lɛ webozen nya léé, fɛ lé ka ke a yena, balelayemunu kiɛre valé mi tegelenu a a va léé, wa ye, yé wo ’ka a ye lɛ lo; we lé ka ke a ’mana, wa a va léé, ’wa ’ma, yé wo ’ka a ’ma lɛ lo.

Matio 20:7

Wa zi pa a lɛ léé: Mi do kpen ’ka ko si lɛ lo, amalé. É lé wo lɛ léé: ’Kaa é ziin, ’ka go anlé dɔrɔféi.

Matio 23:34

Bɛwemalé, balelayezannu koo, wedɔɔzannu koo, sɛbɛgifemunu koo, maa wo paan ka lɛ zia. Ka dan wo va mi kenu gyɛ lɛ, ka dan wo va mi kenu gyɛ lɛ yili la, ka dan a kenu bla lɛ plén nya kalé bazorokɔnnu gi, yé ka dan nyané pa lɛ wo ta yé wo ’ka dan flinna ye lɛ ka lee fla do kpen ta lo,

WENÉNÉ LÉ LUK A GYE (Évangile selon Luc) 10:24

Fɛ lé ka ke a yena, balelayemunu kiɛre valé minwiinmunu kiɛre a a va léé, ’wo ’é a ye, yé wo ’ka a ye lɛ lo, yé we lé ka ke a ’mana, wa a va léé, ’wo ’é a ’ma, yé wo ’ka a ’ma lɛ lo. Maa fe ka lɛ.

WENÉNÉ LÉ LUK A GYE (Évangile selon Luc) 11:49

Bɛwemalé Kazambale lé wedɔɔle léé: Maa dan balelayezannu valé nwunvɔzannu pa lɛ wo lɛ zia; wo dan a kenu gyɛ lɛ yé wo dan nyané pa lɛ a kenu ta,

WENÉNÉ LE JAN A GYE (Évangile selon Jean) 14:26

Naa, tɔrɔpaazan lé é ke Léli Sauun nya, ’té Ti é dan a pa lɛ zia an tɔ gi bɛ, é dan we faa paa lɛ ka gi, yé we faa lé maa a fe ka lɛ, é dan wo sele dɔ lɛ ka gi.

WENÉNÉ LE JAN A GYE (Évangile selon Jean) 16:13

Tɔrɔpaazan lé é ke webozen Léli nya, dé é da é dan go lɛ ka nya webozen faa va. We lé é dan a fe lɛ, abo dére kaan lo, naa, we faa lé é dan a ’ma lɛ, yee lé é dan a fe lɛ, yé é dan wenu fale vɔ lɛ ka lɛ.

Kelewenu 10:28

Piɛri lé wo lɛ léé: Ka a gi dɔɔ léé, a yi a é gale ko Juifinu lee léé, té ko nana ’bɛn bɛnu va lo. Yé té ko wɔra wolé kɔn gi lo. Naa, Kazambale a gɔɔn an lɛ léé, té maa mi do kpen ye é tiridɔle valé é lɛrɛlɛrɛ lo.

Rom munu 16:25

Mi lé éé bɔa ka dɔle lɛ gligli anlé Wenéné valé Jézu Krist lé wefele yɛrama, we lé é ke é yɔɔle Bale bli gi, a bɔrale yɛrama bɛ, wa tɔ zin fe ma. We ’ko a é yɔɔle é li,

1 Korent munu 2:10

Naa, Kazambale kaa bɔn‐in kini é Léli nya, yé kaa a dɔɔ. Kazambale Léli éé we faa gi maan. Dé é a Kazambale lé wewɔlɛ ma nyaoo, éé a gi maan.

Éfez munu 2:20

Ka a é dɔle kɔngane lé é ke nwunvɔmunu valé balelayezannu nya, wo ta, yé Jézu Krist bozen ɛ ke kɔnsungɔlɛ nya.

Éfez munu 3:9

yé we lé é ke é yɔɔle yifaama Kazambale lé, é fɛ faa bɔra, a bli gi, Kazambale é dan we ’ko kɛlɛle lɛ sɔɔ lɛ fɛan zo, yé maa wo bɔn‐in kini a nya;

2 Piɛri 3:2

Maa a a va léé, wenu lé balelayemunu sauun a fale vɔ ka lɛ, a sele ’é vo ka gi, yé é ziin, Mizan lé é ke mi Bélizan nya, bélidɔwe lé é a nɔ ka lɛ élé nwunvɔmunu lɔlu nya, yé ’bɛ sele ’é vo ka gi.

SEBE LÉ JUD A GYE (Épitre de Jude) 1:17

An béé zinnu, wenu lé Kaazan Jézu Krist lé nwunvɔzannu a fale vɔ ka lɛ é kyɛn, wo sele ’é dɔ ka gi ma.