Éfez munu 2:2 - Kazambale lé Sebe Sauunu 1979

² ’bɛ bléyi va ’té ka tawoo wo gi, ’té ka tawoo tɛrɛlamunu lé tawobɛ nya, ’té ka tawoo plɛplɛ lé ke la worona, a nwiinzan yɛrama, yee ɛ ke léli lé é ke nyanama pana sin tɔnégiplɛplɛzannu nya, a nya.

Éfez munu 2:2 ပူးပေါင်းရင်းမြစ်များ

JOB (Job) 1:16

É a tan we fena, yé mi bɛ da yé ’bɛ léma: Kazambale lé kyɛ si la gi yé é dia ilé ’blanu valé i leemunu ta, yé é wo faa ble fian fian fian. Yé maa do ɛ so a la, yé an da a zuo fe lɛ i lɛ.

JOB (Job) 1:19

yé bé ye, fu blɛn do si bwi la yé é zén kɔnsun ziɛn ma; yé é ’wii mi boronénu ta yé wo ga. Yé maa do ɛ so a la, yé an da a zuo fe lɛ i lɛ.

JOB (Job) 1:7

Gakelebale lé Satan lɛ léé: I si kyɛɛn? Yé Satan a zi pa Gakelebale lɛ léé: An si giéna tɛrɛ faa la, ’té maa dɔwoo ana.

JOB (Job) 31:7

Dé an gane si zi drɔle ta, Dé an bli go an yuɛ lé blibɔmawe zuo, Dé an bɛ ma tiri dɔ,

Lɛrɛvɔ Sɛbɛ 17:14

Gakelebale, ’i an si munu lee i bɛ nya, ’i an si tɛrɛ ’ko la munu lee. Woo ’wozé yé tɛrɛ ’ko la, I wo bɔn faan ilé fɛ zimanu nya; Wolé nénu éé kaan, Yé wolé fɛ ta drɔɔnu éé voo wo nénénu zé nya.

Ézai 30:1

Gakelebale léé: Nwamima nénu lé woo we kɛla ’wobo ’wuoi, ’té wo ’ka a laan an lee lo, yé woo gi paan munu nya do, ’té ’bɛ ’ka anlé blibɔmawe nya lo, ’té woo wenyané taa paan wenyané nya, we tɔntɔn ’é kɛlɛ wo lɛ ma.

Ézai 57:4

Ka a we nanana de ɛ maa? Ka ’léé blɛn fuoan de ɛ ma, ’té ka nɛnɛ bɔraan ’bɛ lɛɛ? Ka ’ka wenyané kɛlɛnénu valé viéwobɛn nya loo?

Jérémi 23:10

Naa, tɛrɛ la fan gɔné ginile valé le ginile nya; Bale a é pale tɛrɛ ’ko la munu ma, amalé gyɛbole ke; Winu lé fɛblena lé é ke bwi la, ’bɛna lu a é gale. Munu éé vlan buruwo wenaané kɛlɛle we ma, Plɛplɛ lé é ke wo lee, é a weple saa kɛlɛfɛ nya.

OZÉ (Osée) 10:9

’Kaa Izraɛlnu, é sia we lé é bɔ yi la Gibéa, a ma, ka wenyané kɛla, yé ka a yifaama ka dɔbɛ gi. Guli lé é bɔ yi la Gibéa, é ’ka wenyanékɛlɛmunu gyɛ lɛ loo?

Lévinu 11:16

miané lé duo koo, kurubéli koo, ’yilablaséi koo, gyɛɛnplén valé é bɔlunu koo,

Matio 11:19

Maa blami Be da, ’té an fɛ blé, ’té an fɛ minian, yé wo léé, bun‐anzan valé nwɛminizan lé maa nya; vagɔɔlisimunu valé wenyanékɛlɛmunu béé lé maa nya. Naa, wedɔɔle mawenu éé wedɔɔle nagɔɔn‐an we tegele nya.

Matio 13:22

A wɔlɛ lé é dia lélinu va, ’bɛ a mi lé éé Bale dére maan, a nya; naa, tɛrɛla gibɔrɔpalenu valé dabli lé, fuafɛnu a kɛla munu lɛ, woo dére ’ko tunuan yé a ma tɔnɔ ’ka kɛla lo.

Matio 13:38

féi a tɛrɛla nya; fɛwɔlɛ zima a munu lé Kazambale ke é plale wo nwiin, wo nya; kyankyan a Satan lé munu nya;

Maak 4:19

tɛrɛla gi bɔrɔ palenu koo, dabli lé fua a kɛla munu lɛ koo, blibɔle fɛ bɛnu ma koo, woo Bale dére tunuan yé wo ma tɔnɔ ’ka kɛla lo.

WENÉNÉ LÉ LUK A GYE (Évangile selon Luc) 16:8

Kɔnzan é leegɔné ple ’ko tɔ zin fe léé, a gi kini. Naa, tɛrɛ ’ko lamunu gi kini wozé bléyi va é mini munu lé wo va ke é kinile, wo ta.

WENÉNÉ LÉ LUK A GYE (Évangile selon Luc) 22:31

Mizan léma: Simɔn, Simɔn, é sɔ Satan lɛ léé, ’é i wuo bo bélé ’sawɔlɛ wuobole zo.

WENÉNÉ LE JAN A GYE (Évangile selon Jean) 12:31

Sin, tɛrɛlamunu lé weblebléyi bɔ yé wo dan tɛrɛ ’ko nwiinzan vuli lɛ béera.

WENÉNÉ LE JAN A GYE (Évangile selon Jean) 13:2

Yonufaatagɔné da gibɔrɔle nyané nya Kariɔtzan Simɔn be Judas gi léé, ’é Jézu pa munu lee.

WENÉNÉ LE JAN A GYE (Évangile selon Jean) 13:27

Judas lé buru kuru sile tɔɔn, Satan wɔra a bli gi. Jézu lé a lɛ léé: We lé bé kɛla, ’bé kɛlɛ é kele.

WENÉNÉ LE JAN A GYE (Évangile selon Jean) 14:30

Maa ’ka dan we kiɛre fe lɛ ka lɛ é dɛrɛ lo. Tɛrɛlamunu nwiinzan blɛn a dana yé an kunmawe ’ka a gi lo.

WENÉNÉ LE JAN A GYE (Évangile selon Jean) 15:19

Dé é vo kɔɔn léé, ka a tɛrɛlamunu zé nya, ’té ka sɔ wo lɛ, naa, ka ’ka tɛrɛlamunu zé nya lo, yé maa ka si tɛrɛlamunu méléna, bɛwemalé ka za a tɛrɛlamunu gi.

WENÉNÉ LE JAN A GYE (Évangile selon Jean) 16:11

wo tɛrɛ ’ko nwiinzan blɛn lé we ble, bɛwemalé we lé ke weblele nya, é dan wo bɔn‐in kini lɛ ’bɛ lé we ma.

WENÉNÉ LE JAN A GYE (Évangile selon Jean) 7:7

Tɛrɛlamunu ’ka bɔa ka za pale lɛ lo. Maa wo ma we fe léé, wo kɛlɛwenu a é naané, amalé an za a wo gi.

WENÉNÉ LE JAN A GYE (Évangile selon Jean) 8:23

Yé é lé wo lɛ léé: Ka si tɛrɛ va, yé maa si loru. Ka a tɛrɛlamunu nya, yé maa ’ka tɛrɛlami nya lo.

WENÉNÉ LE JAN A GYE (Évangile selon Jean) 8:44

Ka ti a yonufaatagɔné nya, yé é sɔ ka lɛ léé, ka ka ti lé blibɔmawe kɛlɛle lɛ sɔɔ. A pélisia bléyi va fɔɔ kyɔ é a migyɛzan nya yé é ’ka dɔa wezen zuo lo. Wezen ’ka a gi lo, ’bɛzama. É a viéwozan nya, yé é a vié faa ti nya, bɛwemalé dé é a vié wona, ’té é a ébo dére vɔna.

Kelewenu 19:35

Yé wolé sɛkrétɛɛ wo tadɔ yé é léé: Éfɛz munu, Diane bankɔn valé alé miyili lé é si la gi, mi kyɛn ɛ ’ka a gi dɔɔa léé, Éfɛz munu ɛ ke ’wo yuɛ pana wo ta loo?

Kelewenu 5:3

Piɛri lé a lɛ léé: Ananias, mɛwemalé Satan i bli fan fɔɔ yé i viéwo Léli Sauun lɛ, ’té féi ma gɔɔli ke vo i lee?

Rom munu 12:2

Té ka kabo kɛlɛ laomunu zo lo, naa, ka ’wuogibɔrɔle a fɛan zo bɛ, ’ka zi nɔ Bale lɛ yé é ’bɛ nɔla yé ’bɛna lé ’ka kɛlɛ é yɛrama, yé ka bɔ Kazambale lé blibɔmawe dɔɔle lɛ; yee ɛ ke é zima, yee ɛ ke é sɔke, gun ’ka yee ɛ ma lo.

1 Korent munu 5:10

Maa ’ka a fe lɛ ka lɛ léé, té ka mane tɛrɛ la ’ko pɛnpɛnnégyɛzannu koo, blibɔgɔɔlimazannu koo, mi tablezannu koo, miyilibɔzannu koo, wo ma lo lo. Dé é a kɔɔn ’bɛ zo, ’té é a lé ka si tɛrɛ la.

1 Korent munu 6:11

A nya lé ka va mi kenu ke é vinin. Naa, sin ka a é zurule; ka a sauun, ka kɛlɛ tegele Mizan Jézu Krist tɔ gi, é valé kaalé Bale Léli nya.

2 Korɛnt Munu 4:4

Wo bli ’ka we lɛ lo, bléyi ’ko vamunu lé bale wolé wedɔɔle san wo lee, amale Krist lé ke Kazambale bɔmazan nya, alé fua tɔbɔle lé Wenéné lé ke bélé kyɛsan zo, wo ’ka a dɔɔa lo.

Galasi munu 1:4

Naa, Krist ébozen nɔ kaalé wenyanénu ma, kaa sile bléyi nyané ’ko gi we ma. É ébo nɔ kaalé wenyanénu ma kaa Ti Bale lé blibɔmawe nya.

Éfez munu 1:21

wemaplɛplɛzannu faa koo, fɛ faa lé wa lɛdɔama koo, plɛplɛ faa koo, mi faa lé a se ke wo lɛ koo, tɔ faa lé mi éé bɔa a laale lɛ, dé é a bléyi ’ko va nyaoo, dé é a bléyi lé é dan bɔ lɛ bɛ, a va nyaoo, ’bɛ tɔ faa koo, Krist nyanana a wo faa nwiin loru baa.

Éfez munu 2:11

Amalé we ’ko sele é dɔ ka gi ma: é vinin ka a bɛn bɛnu nya ka kɔlɛ gi, yé munu lé woo wo laama ganedɔmunu ’té mi wo kɛlɛ a nya wo kɔlɛ ma bɛ, ’té woo ka laan ganedɔlomunu.

Éfez munu 2:13

Naa, sin, Jézu Krist gi, ka lé ka ke é kyɛn baa, Krist nyɛ ka bié.

Éfez munu 2:3

Ko é ziin, ko faa a wo va mi kenu nya é vinin, ’té ko ko dɔbɛ kyɛn lé sɔlɛwe kɛla, yé ko ko dɔbɛ kyɛn valé ko ’wuogibɔrɔlenu lé blibɔmawenu lɛ sɔɔan. Ko dɔbɛ ’ko, é ko kɛlɛ blifliémazannu nya bélé mi pɔnénu zo.

Éfez munu 4:17

We lé maa a fé, ’té maa a plaan ka lɛ Mizan tɔ nya, yee lé é ke ’ko: Yolémunu lé woo tawoo boblɛn ’wuogibɔrɔlenu yɛrama bɛ, té ka tawo é dɛrɛ wo zo lo.

Éfez munu 4:22

Wa paa ka gi léé, blami dɔbɛ lé é ke kalé tɛrɛla kyɛn zé nya, ’té é vɔn blibɔmawe saanlenu ma bɛ, ’é si ka lee,

Éfez munu 5:6

Té mi do é ka saan dére boanu nya lo ma. We ’konu ɛ dan Kazambale lé bliflile nya tɔnégiplɛplɛzannu ma.

Éfez munu 5:8

É li, ’té ka a gunutinu va, yé sin ka va a é kinile Mizan gi. ’Ka tawo ka va kinile yɛrama.

Éfez munu 6:12

Naa, kaa ’ka buo sié tɛrɛlamunu ma lo; naa, la worona wemaplɛplɛzannu koo, fɛnu lé woo wo lɛdɔama koo, tɛrɛ ’ko la gunuti nwiinzannu koo, léli lɛrɛlɛrɛnu lé wo ke fɛna lorunu na koo, wo ma lé kaa buo sié.

Kolɔs munu 1:21

É vinin, ka gi bɔrɔlenu valé ka kɛlɛwe naanénu ka kɛlɛ bɛn valé Kazambale nyanézannu nya.

2 Timoté 4:10

Tɛrɛ ’ko la wenu sɔ Démas lɛ, amalé é si an va yé é go Tɛsalɔnik; Krésans go Galasi tɛrɛ la, yé Tite go Dalmasi tɛrɛ la.

SEBE LÉ JAK A GYE (Épitre de Jacques) 1:27

Mi lé éé bɔa ti valé bugalanénu koo, gyɛzaralomu koo, wo va, wolé nyanéblele gi, ’té é ’ka tɛrɛlamunu lé mitiridɔwe kɛla lo, kaa Ti Bale yuɛ gi, ’bɛzan a bazorozi tegele boen ta tawona.

SEBE LÉ JAK A GYE (Épitre de Jacques) 1:7

Té é dɔ mi ’ko zo gi léé, é dan fɛ do ye lɛ Mizambale va lo;

SEBE LÉ JAK A GYE (Épitre de Jacques) 4:4

Ka a bélé le bɛ valé gɔné bɛ ginizannu zo. Ka ’ka a gi dɔɔa léé, tɛrɛla sɔle mi lɛ éé mi kɛla Kazambale nyanézan nya loo? Bɛwemalé, dé mian éé tɛrɛlawe kɛla ’é béé nya, ’té é a ébo kɛlɛna Kazambale nyanézan nya.

1 Piɛri 1:14

’Ka we kɛlɛ bélé mi lɛdɔma nénu zo, fɛnu lé ka bli bɔ wo ma é kyɛn ka tanyila bléyi va bɛ, té ka tawo wo zuo lao lo.

1 Piɛri 4:3

É vinin na, ka tawo yolémunu lé blibɔmawe yɛrama; ’té ka we vɔnle kɛla, ’té ka bli éé bɔa fɛnu ma, ’té ka nwɛ taan, ’té ka nyɔnɔfɛ kiɛre kiɛre blé, ’té ka fɛ kiɛre kiɛre minian, ’té ka miyilinu bɔa, dɔlé ’té miyili bɔle yi a é gale. ’Bɛ a é yi.

2 Piɛri 2:14

Wo yuɛ éé bɔa le faa ma; yé wenyané ’ka wo kaan lo; munu lé wo ’ka é dɔle gligli lo, wo ’bɛnu sian ana; bli bɔle gɔɔli ma baba wo bli kun; wa balepamazannu nya.

1 Jan 3:10

We ’ko ma lé woo Kazambale lé nénu dɔɔan yé woo yo lé nénu dɔɔan. Dé miomian é ’ka we tegele kɛla lo, ’té é ’ka Kazambale zé nya lo, yé mianzan bwe ’ka sɔ lɛ ’é lɛ lo, ’bɛzan ’ka Kazambale zé nya lo é ziin.

1 Jan 3:8

Yonufaatagɔné wenyané kɛlɛle sia a pélisia bléyi va fɔɔ kyɔ, amalé mian éé wenyané kɛla ’bɛzan a yonufaatagɔné zé nya. Kazambale Be da yonufaatagɔné lé nyanama sɛrɛle we ma.

1 Jan 4:4

’Kaa, anlé né kiénénu, ka a Kazambale zé nya. Yee lé é ke ka gi é a plɛplɛ é mini yee lé é ke tɛrɛ la, a ta, bɛwemalé ka viebalelayemunu kele.

1 Jan 5:19

Kaa a gi dɔɔ léé, kaa a Kazambale zé nya, yé tɛrɛlamunu faa a Satan lé plɛplɛ wuo.

1 Jan 5:4

munu faa lé wo ke Kazambale lé nénu nya, woo tɛrɛlawenu keleé yifaama, bɛwemalé Kazambale lé bélidɔwenu kɛlɛle ’ka wo ma tɔntɔn lo. Fɛ lé éé tɛrɛlawe keleé yé a ’wuo éé voo a lɛ, yee lé ke kaa blivole Jézu lɛ nya.

Wegɔɔnle 12:9

Dragɔn blɛn, méné kwakwa lé wa laama yonufaatagɔné valé Satan, ’té éé tɛrɛlamunu faa saan bɛ, wa vuli tɛrɛ va, yee valé élé lanjenu nya.

Wegɔɔnle 13:14

Yé é tɛrɛlamunu saan, we blɛnblɛnnu lé wa se kɛlɛ a lɛ léé, ’é wo kɛlɛ wi yuɛ va, wo nya, yé é lé tɛrɛlamunu lɛ léé, ’wo miyili nyaa, wi lé wa tuo gwɔun nya yé é vo é yuɛma, a dɔbɛ zo.

Wegɔɔnle 13:8

Tɛrɛlamunu faa é dan dia lɛ ’wo bli la a ’lɛ; ’Blané lé wa gyɛ, tɛrɛlamunu faa lé wo tɔ ’ka é gyɛle alé mibélilenu tɔgyɛlasɛbɛ gi tɛrɛ pélisia bléyi va lo, wo dan dia lɛ yee wi ’ko ’lɛ.

Wegɔɔnle 16:17

A sɔrafiézan ’élé kana gi bliflile zén la worona. Yé dére plɛplɛ si webleblin va fɛna sauun na, yé é léé: A kɛlɛle nyaa.

Wegɔɔnle 20:2

É dragɔn kun, méné kwa lé é ke yonufaatagɔné valé Satan nya, é a kun, yé é a yere lɛɛ wuru soru zé nya.