Éfez munu 2:14 - Kazambale lé Sebe Sauunu 1979

¹⁴ Naa, yee ɛ ke kolé zénle ékeva nya, yé zapale lé ke lɛgɔnɔ fié ’ko méléna bélé gɔrɔ zo, é a zana a gi yé é wo fiénu kɛlɛ mi do nya;

Éfez munu 2:14 ပူးပေါင်းရင်းမြစ်များ

Esitɛɛ 3:8

Yé Aman lé minwiinzan blɛn Asuérus lɛ léé: Munu lɛ do a é sɔɔlale ilé tɛrɛnu faa ta, wa é yɛrama. Wozé bélidɔwenu a é sile munu faa zé ma, yé wo ’ka minwiinzan blɛn lé bélidɔwe ta tawo lo. Dé minwiinzan blɛn wo vo woboma, ’bɛ tɔnɔ ’ka minwiinzan blɛn ma lo.

Misé 5:5

Wo dan pla lɛ Asirinu nwiin wolé gwɔun nya yé wo dan pla lɛ Nimrɔd lé tɛrɛ la flanu nwiin. ’Bɛ zo lé é dan ko si lɛ Asirinu lee, ’té dé wo da kolé tɛrɛ la yé wo wɔra ana gla nya.

Zakari 6:13

É dan Gakelebale lé kɔn dɔ lɛ; tɔ é dan kɛlɛ lɛ a bɛ la; é dan nyana lɛ élé webleblin la yé é dan pla lɛ munu nwiin. É dan kɛlɛ lɛ Balebanzan nya élé webleblin la yé alé balebannyanama valé alé plale mi nwiin nyanama é dan tawo lɛ ékeva drɔɔ.

WENÉNÉ LÉ LUK A GYE (Évangile selon Luc) 1:79

Munu lé wo ke é nyanale gunutinu va, é valé gale furɔ wuo, wo va kinile we gi, Yé é go ko nya vole drɔɔ lé zi ’léé.

WENÉNÉ LÉ LUK A GYE (Évangile selon Luc) 2:14

’Wo fua nɔ Kazambale lɛ fɛna loru baa mi, Yé munu lé wo sɔ a lɛ, ’wo vo drɔɔ tɛrɛ la ma.

WENÉNÉ LE JAN A GYE (Évangile selon Jean) 10:16

’Bla bɛnu a é ziin anzé nya, ’té wo ’ka gɔrɔ ’ko gi ’blanu nya lo. ’Bɛnu é ziin, é a lé an da wo nya; wo dan an dére ’ma lɛ yé wo dan kɛlɛ lɛ trubɛ do kpen nya yé ’blatabinzan é dan kɛlɛ lɛ do kpen.

WENÉNÉ LE JAN A GYE (Évangile selon Jean) 11:52

Yé a bɛn saa lé we ma kaan lo; naa, Kazambale lé nénu lé wo ke é nwɛɛnle fɛfaana, wo zénle ékeva yé ’wo kɛlɛ kɔlɛ do nya lé we ma lé é ziin.

WENÉNÉ LE JAN A GYE (Évangile selon Jean) 16:33

Maa we ’konu fe ka lɛ ka vole drɔɔ an gi we ma. Ka dan nyané ble lɛ tɛrɛ la, naa, ’ka bli ta dɔ plɛplɛ; maa tɛrɛla kele.

Kelewenu 10:28

Piɛri lé wo lɛ léé: Ka a gi dɔɔ léé, a yi a é gale ko Juifinu lee léé, té ko nana ’bɛn bɛnu va lo. Yé té ko wɔra wolé kɔn gi lo. Naa, Kazambale a gɔɔn an lɛ léé, té maa mi do kpen ye é tiridɔle valé é lɛrɛlɛrɛ lo.

Kelewenu 10:36

É dére pa Izraɛl munu lɛ zia yé é wenéné ’ko fe wo lɛ léé, mi é vo drɔɔ Jézu Krist lé we ma. Yee ɛ ke mi faa zan nya.

Rom munu 5:1

Ko kɛlɛ tegele blipale ma, amalé ko nana sin Kazambale va, Kozan Jézu Krist lé we ma.

Galasi munu 3:28

Juifi mi valé Grɛki mi ’ka é dɛrɛ lo; luu valé migɔné ’ka é dɛrɛ lo; gɔné valé le ’ka é dɛrɛ lo, naa, ka faa a mi do nya Jézu Krist gi.

Éfez munu 2:15

naa, é bélidɔwe valé a sɔnnénu nyaa ’é kɔlɛ gi, Juifinu valé bɛn bɛnu kɛlɛle mi dɛrɛ nya do kpen yeebozen gi we ma, yé ’bɛ zo lé é wo zén ékeva.

Éfez munu 2:17

É da zénle ékeva lé we fe lɛ, ka lé ka ke baa, é valé wo lé wo ke é pu, ka faa lɛ;

Éfez munu 3:15

lagi lele valé tɛrɛ la lele faa tɔ éé sié a va, a ’lɛ, ’té maa laan a lee léé,

Éfez munu 4:16

Kɔlɛvafɛnu faa a é yerele ékema yé wo kɛlɛ fɛ zénle ékeva plɛplɛ do nya, gane plinna valé bɛ plinna miinnu lé we ma, yé Krist ma lé a tinle éé sié, plɛplɛ lé é ke a kɔlɛvafɛnu do do zé nya é zima bɛ, a yɛrama, ’té kɔlɛ ébo dɔa gligli sɔlɛle gi.

Kolɔs munu 1:20

É sɔ Kazambale lɛ é ziin léé, ’yee valé munu faa ’é zén ékeva, yé Jézu nyɛ lé é zana yiliblan ta, yé ’wo nana ’bɛ ta, dé wa tɛrɛ laoo, dé wa lagioo, ’té yee lé.

Kolɔs munu 2:20

Dé ka a é gale Krist va tɛrɛlafɛnu vazia, mɛmalé wo ke ka bélidɔna bélé fɛan zo lé ka a é yuɛma tɛrɛlamunu vazia, a zoo?

Kolɔs munu 3:11

Grɛki koo, Juifi koo, ganedɔzan koo, ganedɔlozan koo, bwigimunu koo, Site mi koo, luu koo, miné koo, wo ’ka ’ko lo, naa, Krist a fɛ faa nya, yé é a we faa gi.

Kolɔs munu 3:15

Yé Krist lé vole drɔɔ lé wo ka laa a gi, ka kɛlɛle kɔlɛ do kpen nya we gi bɛ, yee ’é kɛlɛ ka kuunzan nya ka bli gi ma. Yé ’ka kɛlɛ bɔvɔmunu nya ma.

Ébrunu 13:20

Mi vo drɔɔ Bale lé é ’Blatabinzan blɛn, Kaazan Jézu si gamunu va, yé é da a nya é ziin, gipawe lé é ’ka nyaan lo, a dɔ plɛplɛ nyɛ nya bɛ,

Ébrunu 7:2

Yee ɛ lɛ lé Abraam fɛ faa vuzan nɔ. A tɔ gi léé, minwiinzan lé éé we tegele kɛla, yé é ziin, é a Salɛm nwiinzan nya, ’bɛ gi léé, minwiinzan lé éé mi voo drɔɔ.