Éfez munu 2:12 - Kazambale lé Sebe Sauunu 1979

¹² ’Bɛ bléyi va, ’té Krist ’ka kazé nya lo; ’té a se ’ka ka lɛ léé, ka nyana Izraɛl lo; blivolɛdére lé Kazambale a fe é gi pale do nya munu va, ’té kazé ’ka a va lo; ’té ka bli ’ka we do lɛ lo; ’té ka a tɛrɛ la dublaa, ’té Kazambale ’ka kalé Bale nya lo.

Éfez munu 2:12 ပူးပေါင်းရင်းမြစ်များ

Wepélisiananu 15:18

’Bɛ yi la Gakelebale gi pa do Abram va, yé é léé: An tɛrɛ ’ko nɔ i kulu lɛ; a péli é sia Éjipiti yuu blɛn ma, yé éé goo fɔɔ yé é bɔ yuu blɛn lé wa laama Yufrat, a ma.

2 Minwiinmunu lé Wezuofe Sɛbɛ 15:3

Lɛɛ kiɛre wuo, Bale boen ’ka ’kaa Izraɛlnu lee lo, ’té Balebanzan lé éé we paan munu gi, é ’ka ana lo, ’té bélidɔwe ’ka ka lee lo.

Ezidras 4:3

Naa, Zorobabɛl koo, Jozué koo, Izraɛl lé kɔn ’léézan bɛnu koo, wa zi pa wo lɛ léé: É ’ka lé ka valé konu é kolé Bale lé kɔn dɔ lo; ko dan a dɔ lɛ ko saa, Gakelebale Izraɛl lé Bale lɛ, Pɛɛs nwiinzan blɛn Sirus a fe ko lɛ fɛan zo, a zo.

Fwile 12:45

Naa, bɛn valé nyanamapazan ’ka dan a ble lɛ lo.

Ézai 14:1

Naa, Gakelebale é dan é nyanai zén lɛ Jakɔb lé munu ta. É dan Izraɛlnu si lɛ é ziin, é dan wo nyana lɛ kli wolé tɛrɛ la yé bɛnnu é dan nyana lɛ wo va, yé wo dan kɛlɛ lɛ Jakɔb lé munu nya do.

Ézai 44:6

Gakelebale lé ke Izraɛl munu nwiinzan valé wo tabozan nya, ’Té é ke lai sunyanu lé Gakelebale nya, é léma: Maa ɛ ke a vininzan nya, yé maa ɛ ke a voélazan nya, Dé é ’ka maa nya lo, Bale bɛ ’ka lo.

Ézai 45:20

Ka lé ka so bɛnnu lee, ’Ka zén ékeva yé ’ka da, ’Ka bié ékeva. Munu lé woo ’wolé miyili kɔné sié Yé bale lé é ’ka bɔa wo sile lɛ we gi lo, ’té wa tɔ laan bɛ, ’Wuo ’ka wo ta lo.

Ézai 61:5

Bɛnnu é dan da lɛ bɛ, ’té woo fɛ no kalé trubɛ lɛ, Bɛnnu benu é dan kɛlɛ lɛ kalé nyanamapamunu valé dɔrɔféi pazannu nya.

Jérémi 14:8

Bii lé, Izraɛl munu bli ke i lɛ, léé, I a wo siéwegizan nya wolé kleblebléyi va, Mɛmalé i a kɛlɛna bélé bɛn zo tɛrɛ ’ko taa? Bélé giézan lé é yii do kpen yé é go, a zoo?

Jérémi 17:13

Gakelebaleoo, Bale, Izraɛl munu bli a bii ɛ lɛ. Munu faa lé wo sɔn vɔ i ma, yaragyɛwe é dan bɔ lɛ wo ma. Munu lé wo nwun zi dɔ an ta, wo dan wo tɔ gyɛ lɛ tɛrɛ va. Naa, maa Gakelebale lé an ke mi vo é yuɛma ’yi’wuo nya, wo sɔn vɔ an ma, azama.

Ézékiɛl 13:9

Balelayemunu lé wolé yuɛziwenu ke é pla, ’té wolé wefele a vié nya, maa dan an bɛ kɛlɛ lɛ wo ma; wo ’ka dan kɛlɛ lɛ anlé zén‐ékevamunu vazannu nya pelo. Wo ’ka dan wo tɔ gyɛ lɛ é dɛrɛ Izraɛlnu tɔgyɛlasɛbɛ gi lo, yé wo ’ka dan go lɛ Izraɛl tɛrɛ la é dɛrɛ lo, yé ka dan a gi dɔɔ lɛ léé, maa ɛ ke Mizan Gakelebale nya.

Ézékiɛl 37:26

Maa dan an gi pa lɛ wo va do, wo vole drɔɔ we ma, yé gipawe lé éé voo ana lɛɛfaama, maa dan a kɛlɛ lɛ wo va. Maa dan wo suni wɔra lɛ, yé maa dan wo fan lɛ, yé maa dan anlé fɛna sauun dɔ lɛ wo méléna lɛɛ faa zé nya.

Ézékiɛl 47:22

Ka dan a guli lɛ zara nya ’munnu zunle nya, ka koo, bɛnnu lé wo ke ka méléna, ’té wo dan né yaa lɛ ka va koo, kazé nya. Ka dan wo ye lɛ bélé flamunu zo Izraɛl munu méléna. Ka dan zara guli lɛ wo nya ’munnu zunle nya Izraɛl bɛnnu va.

OZÉ (Osée) 3:4

Izraɛlnu é dan mɔn lɛ bééé, ’té wo nwiinzan blɛn ’ka lo, ’té wo ’lɛzan ’ka lo, ’té wo ’ka saraka boo lo, ’té wolé yofoto ’ka lo, ’té wolé éfɔdi ’ka lo, ’té wolé miyilinu ’ka lo.

Mi Nɔnɔle 18:19

Balebanfɛnu faa lé Izraɛlnu é dan Gakelebale ban lɛ wo nya wo nwale valé wo tuale nya, maa a nɔ i lɛ, bii koo, i benu valé i lunu koo, ka lɛ. É a kazé dɔna nya lɛɛfaama. É a gipawe lé é ’ka sɛra lo, ’té a glɛ ’ka lo, a nya, Gakelebale ’lɛ, bii valé i kulunu zé nya.

WENÉNÉ LÉ LUK A GYE (Évangile selon Luc) 1:72

’Bɛ zo lé a nyanai éé zén‐é ko tranu ta, ’té gipawe plɛplɛ sele éé dɔa a gi;

WENÉNÉ LE JAN A GYE (Évangile selon Jean) 10:16

’Bla bɛnu a é ziin anzé nya, ’té wo ’ka gɔrɔ ’ko gi ’blanu nya lo. ’Bɛnu é ziin, é a lé an da wo nya; wo dan an dére ’ma lɛ yé wo dan kɛlɛ lɛ trubɛ do kpen nya yé ’blatabinzan é dan kɛlɛ lɛ do kpen.

WENÉNÉ LE JAN A GYE (Évangile selon Jean) 15:5

Maa a bélé dɔrɔyili zo, yé ka a bélé a bɛnu zo. Mi lé éé voo an gi yé maa voo a gi, éé baan di, naa, dé an ’ka lo, ka ’ka bɔa we do kɛlɛle lɛ lo.

WENÉNÉ LE JAN A GYE (Évangile selon Jean) 4:22

Fɛ lé ka ’ka a dɔɔa lo, yee lé ka bɔa; naa, ko, fɛan ko dɔɔ, yee lé ko bɔa. Naa, mi sile we gi éé sié Juifinu va.

Kelewenu 2:39

Blivolɛdére a ’kaa valé kalé nénu koo, munu lé wo ke baa koo, kazé nya. Munu ’lééan Mizan kozé Bale é dan wo laa lɛ, wo ’léé duo lé.

Kelewenu 28:20

Amalé maa ka laa, ’ka da yé an we fe ka lɛ. We lé Izraɛlnu bli ke a lɛ, yee we ma lé wo gɔgɔbale ’ko vɔ an ma.

Kelewenu 3:25

Ka a balelayemunu kululazannu nya, é valé gipawe lé Kazambale a kɛlɛ kaa tranu va, a vamunu nya, ’té Kazambale a fe Abraam lɛ léé: Tɛrɛ la bɛnnu faa drɔɔ é dan vo lɛ i kulu gi bɛ.

Rom munu 9:8

’Bɛ gi léé, é ’ka kɛlɛ lɛ léé, nénu lé woo wo yaan tɛrɛlamunu yaabɛ gi, wo ɛ ke Kazambale lé nénu nya lo; naa, nénu lé woo wo yaan blivolɛdére yɛrama, woo wo ɛ yé Abraam kulu nya.

Galasi munu 4:8

É li, ’té ka ’ka Kazambale dɔɔa lo, ’té balenu lé wo ’ka bale bozennu nya lo, ’té ka wo bɔa.

Éfez munu 2:19

Bɛwemalé, ka ’ka é dɛrɛ bɛn valé giézannu nya lo, naa, ka a kabo yaa?-?tɛrɛ la, kabo lé Bale lé munu va, kabo lé Bale lé kɔngimunu nya.

Éfez munu 4:18

Wolé we ’léé a é vole, wa wo tanyila, yé wo tɔné gi a é yuyu, amalé wo ’ka a gi dɔɔa léé, Kazambale éé mi bélié lo.

Kolɔs munu 1:21

É vinin, ka gi bɔrɔlenu valé ka kɛlɛwe naanénu ka kɛlɛ bɛn valé Kazambale nyanézannu nya.

Kolɔs munu 1:27

Weyɔɔle ’ko a we tɔbɔle blɛɛn nya bɛnnu faa méléna fɛan zo, é sɔ Kazambale lɛ léé, ’é a gɔɔn élé munu lɛ. Yee weyɔɔle lé ke ’ko: Krist a ka gi, amalé ka bli a a lɛ léé, kazé a Bale lé fua tɔbɔle va.

Kolɔs munu 1:5

Fɛ lé a ta ke é dɔle kazé nya la gi, ka bli a ’bɛ lɛ, bɛwemalé ka bli a é pale yé sɔlɛle a ka gi. Bli vole we lɛ ’ko, ka a dɔɔ, webozen dére lé ka a ’ma é kyɛn, ’bɛ a gɔɔn ka lɛ, ’bɛ gi léé, Wenéné a gɔɔn ka lɛ.

1 Tɛsalɔnik munu 4:13

Bwenu, ko ’ka a va léé, ka vo ka tanyila, munu lé wo ke yiɛna, wolé we ma lo; té ka bli kyɛ é dɔ bélé munu lé wo bli ’ka we do lɛ lo, wozé zo lo.

1 Tɛsalɔnik munu 4:5

Té ka kabo nɔ le lé we gi bélé fɛan zo lé yolémunu lé wo ’ka Kazambale dɔɔa lo, wa kɛla fɛan zo, a zo lo.

2 Tɛsalɔnik munu 2:16

Kaazan Jézu Krist bozen valé kaa Ti Bale lé kaa sɔ a lɛ bɛ, ’té é zin kɛlɛ kaa lɛ kaa tɔrɔpaale nya yifaama, a glɛ ’ka lo, é valé bli kɛlɛle wezin lɛ nya bɛ,

1 Timoté 1:1

Bii Timoté lé i ke anbozen lé né nya Kazambale lé we gi, an we i va. Tibale valé Kaazan Jézu Krist ’wo zin kɛlɛ i lɛ ma, yé wo nyanai ’é zén i ta ma, yé ’wo i vo drɔɔ ma. Maa Pɔl ɛ ke sɛbɛ ’ko gyɛna i lɛ. Kaa Siéwegizan Bale valé Jézu Krist lé, ko bli ke a lɛ, wo dére ta lé an kɛlɛ Jézu Krist lé nwunvɔzan nya.

Ébrunu 11:34

wo kyɛ plɛplɛ diri; wo so gwɔun lɛzan lee; wo ’wo ma gyɛnu kele; wo kɛlɛ nyanazannu nya guli danna; wo bɛn bɛnu lé sunyanu bin.

Ébrunu 6:18

Yé we fié ’ko lé wo ’ka nɔlaan monomono lo, ’té Kazambale ’ka bɔaléé, é viéwo wo gi lo, woo plɛplɛ no kaa lɛ. Kaa lé, kaa kaa yɔɔna ye, we fié ’ko, woo plɛplɛ no kaa lɛ, yé yee yɔɔna lé é ke blivolɛdére lé Bale a fe kaa lɛ, a nya.

Ébrunu 8:6

Naa, sin, Jézu lé balebannyanama tɔ a é bɔle é mini Balebanzannu faa zé ta; yé é ziin, gipawe dɛrɛ lé Jézu ke a gizan nya, é a é zima é mini gipawe vininzan ta. Blivolɛdére lé wa fe gipawe dɛrɛ ma, ’bɛ a néné é mini blivolɛdére lé wa fe gipawe vininzan ma, a ta, amalé gipawe dɛrɛ mini.

1 Piɛri 1:21

Yee ɛ ma lé é ziin ka bli vo Kazambale lé, ’bɛ a si gale va yé ’bɛ fua nɔ a lɛ bɛ, ’bɛ lɛ, ka pale Kazambale ta valé ka bli vole Kazambale lɛ we gi.

1 Piɛri 1:3

Kaazan Jézu Krist Ti lé ke é ziin alé Bale nya, a drɔɔ ’é vo ma. A nyanai zén kaa ta é baba amalé é kaa yaa é dɛrɛ Jézu Krist nwale gamunu va nya, léé, kaa bli vole we lɛ ’é kɛlɛ bli vole we lɛ bozen nya.

1 Piɛri 3:15

naa, ’ka Krist pa é yɛrama ka bli gi Kazan nya. We lé ka bli ke a lɛ, dé miomian é a gi laa ka lee, ’ka gi fe a lɛ. ’Ka a fe bli drɔɔ valé kanale nya,

1 Jan 3:3

Yé dé miomian a bli ke Jézu dale lɛ, ’bɛzan é ébozen kɛla sauun, bélé fɛan zo lé Jézu ke sauun, a zo.