Éfez munu 2:11 - Kazambale lé Sebe Sauunu 1979

¹¹ Amalé we ’ko sele é dɔ ka gi ma: é vinin ka a bɛn bɛnu nya ka kɔlɛ gi, yé munu lé woo wo laama ganedɔmunu ’té mi wo kɛlɛ a nya wo kɔlɛ ma bɛ, ’té woo ka laan ganedɔlomunu.

Éfez munu 2:11 ပူးပေါင်းရင်းမြစ်များ

Ézékiɛl 20:43

Ka giébɛnu valé ka kɛlɛwenu lé ka kabo tiri dɔ wo nya bɛ, wo sele é dan dɔ lɛ ka gi ’bɛna, yé ka lɔrɔ é dan nyaa lɛ kabo ma, we vɔnlenu lé ka wo kɛlɛ, wolé we ma.

Ézékiɛl 36:31

Yé kalé tawobɛ nyané sele é dan dɔ lɛ ka gi, yee valé ka kɛlɛwenu lé wo ’ka zima lo, wo nya. Ka dan kabo ye lɛ mi naanénu nya kalé weplenu valé kalé bozowenu kɛlɛle we ma.

Matio 20:7

Wa zi pa a lɛ léé: Mi do kpen ’ka ko si lɛ lo, amalé. É lé wo lɛ léé: ’Kaa é ziin, ’ka go anlé dɔrɔféi.

Rom munu 11:17

Naa, dé wo yilibɛ kenu bɔi é ma, yé bii lé i ke bwi gi ɔliviyili nya, dé wo i dɔ wo pun ’léé, yé ɔliviyili ’yi lé éé sié a suni gi yé i kɛlɛ a ke yezan nya bɛ,

Rom munu 2:26

Amalé, mi lé wo ’ka a gane dɔ lɛ lo, dé éé bélidɔwe tawe kɛla, ’bɛ ’ka bélé fɛan zo lé a gane a é dɔle loo?

Rom munu 2:27

Mi lé wa yaa yé wo ’ka a gane dɔ lɛ lo, dé éé bélidɔwe lɛ sɔɔan, é ’ka we dɔa i nwiin loo? Bii lé, bélidɔwe sɛbɛ ke i lee, yé i gane a é dɔle, ’té i bélidɔwe sɛra duowo bɛ, é ’ka we dɔa i nwiin loo?

1 Korent munu 12:2

Ka a gi dɔɔ léé, dé ka a yobanmunu nya, ka nyi si léé, wo go ka nya bobogyɛ miyilinu zuo; dé wo go fɛofɛana wo go ka nya ’bɛna.

1 Korent munu 6:11

A nya lé ka va mi kenu ke é vinin. Naa, sin ka a é zurule; ka a sauun, ka kɛlɛ tegele Mizan Jézu Krist tɔ gi, é valé kaalé Bale Léli nya.

Galasi munu 2:15

Naa, ko, wo ko yaa Juifinu nya; ko ’ka wenyané kɛlɛ bɛnnu nya lo.

Galasi munu 6:12

Munu faa lé é sɔ wo lɛ léé, ’wobo lé we kɛlɛ néné munu yuɛ va, wo ɛ ke a va léé, ’wo ka gane dɔ gla nya, té munu é nyané pa ’wo ta Krist lé yiliblan lé we ma lo we gi.

Éfez munu 2:2

’bɛ bléyi va ’té ka tawoo wo gi, ’té ka tawoo tɛrɛlamunu lé tawobɛ nya, ’té ka tawoo plɛplɛ lé ke la worona, a nwiinzan yɛrama, yee ɛ ke léli lé é ke nyanama pana sin tɔnégiplɛplɛzannu nya, a nya.

Éfez munu 5:8

É li, ’té ka a gunutinu va, yé sin ka va a é kinile Mizan gi. ’Ka tawo ka va kinile yɛrama.

Bélidɔwesɛbɛ Fiézan 15:15

A sele ’é dɔ ka gi léé, ka a luu nya é vinin Éjipiti tɛrɛ la yé Gakalebale, kalé Bale ka tabo; bɛwemalé maa bélidɔwe ’ko nɔ ka lɛ kyɔ.

Bélidɔwesɛbɛ Fiézan 16:12

A sele é dan dɔ lɛ ka gi léé, ’wa luu nya é vinin Éjipiti tɛrɛ la, yé ka dan bélidɔwe ’ko faa kɛlɛ lɛ.

Bélidɔwesɛbɛ Fiézan 5:15

A sele ’é dɔ i gi léé, i a luu nya Éjipiti tɛrɛ la, yé ’yee Gakelebale, kalé Bale ka si ana é bɛ plɛplɛ soile nya; bɛwemalé Gakelebale, kalé Bale léé, ’i flinyi kɛlɛ.

Bélidɔwesɛbɛ Fiézan 8:2

Zi faa lé Gakelebale, kalé Bale go ka nya a ta bwi gi, ka lɛɛ yɔ fié lo, a sele ’é dɔ ka gi ma; é a kɛlɛ ka tuale valé ka gidanle we gi, ka bli dɔɔle we ma, dé ka dan ’é sɔnnénu pa lɛɛ? dé ka ’ka dan wo pa lɛ loo? yé é a gi dɔɔ.

Bélidɔwesɛbɛ Fiézan 9:7

Ka Gakelebale, kalé Bale bli fli bwi gi fɛan zo, a sele ’é dɔ ka gi; té ka gi é san ’bɛ ma lo. É sia yian nya lé ka si Éjipiti tɛrɛ la fɔɔ yé ka bɔ fɛkona ’ko, ka a tɔnégiplɛplɛzannu nya.

Filip munu 3:3

Naa, kaa lé kaa Kazambale bɔa Kazambale Léli nya, ’té kaabo ze vɔa Jézu Krist gi, ’té kaa bli ’ka voo mi kɛlɛwe lɛ monomono lo, kaa ɛ ke ganedɔmunu bozen nya.

Kolɔs munu 1:21

É vinin, ka gi bɔrɔlenu valé ka kɛlɛwe naanénu ka kɛlɛ bɛn valé Kazambale nyanézannu nya.

Kolɔs munu 2:11

Yé Krist gi lé wo ka gane dɔ, ganedɔle lé mi ’ka a kɛlɛ lɛ mi lɛ lo, a nya, naa, Krist lé ganedɔle lé ke kalé sɔnvɔle ka dɔbɛ kyɛn ma nya.

Kolɔs munu 2:13

’Kaa lé ka ke é gale kalé we sɛrɛlenu valé kalé ganedɔlelo we ma, é ka béli ékeva Jézu nya, ka ma we vole nya kalé we sɛrɛle faa ma;

Kolɔs munu 3:11

Grɛki koo, Juifi koo, ganedɔzan koo, ganedɔlozan koo, bwigimunu koo, Site mi koo, luu koo, miné koo, wo ’ka ’ko lo, naa, Krist a fɛ faa nya, yé é a we faa gi.

1 Samuɛl 17:26

David lé é sɔnɔ munu lɛ léé: Mi lé é Filisiti mi ’ko gyɛ yé é yaragyɛwe si Izraɛl nwiin, wo dan a kɛlɛ lɛ kaa ’bɛzan lɛɛ? Filisiti mi ’ko, ganedɔlozan, de ɛ ke a nya yé é Bale yuɛmale lé sunyanu sɔnɔaan?

1 Samuɛl 17:36

’Bɛ zo lé i wuozan golizra valé urisi gyɛ yé Filisiti mi ’ko, ganedɔlozan ’ko, azé é dan kɛlɛ lɛ ’bɛ zo; é Bale yuɛmale lé sunyanu sɔnɔ, azama.