Éfez munu 1:7 - Kazambale lé Sebe Sauunu 1979

⁷ Jézu nya lé é kaa tabo, ’bɛ gi léé, a nyɛ nya, yé Bale kaa ma we vo kaalé wenyanénu ma.

Éfez munu 1:7 ပူးပေါင်းရင်းမြစ်များ

JOB (Job) 33:24

Kazambale é dan alé muun nyi si lɛ yé é dan a fe lɛ lanje lɛ léé: Bé salo, té é go guru gi lo; Maa a tabofɛ ye.

Lɛrɛvɔ Sɛbɛ 130:4

Naa, i mi ma we vo, léé, Mi ’é kana i lee.

Lɛrɛvɔ Sɛbɛ 130:7

Izraɛl, ’i bli vo Gakelebale lɛ. Naa, Gakelebale nyanai éé zén‐é, Éé mi taboo yifaama.

Lɛrɛvɔ Sɛbɛ 86:5

Naa, Mizan, bii a é zin, i mi ma we voo, Munu faa lé wo i tɔ laan, wo va sɔlɛle a i gi blɛn.

Fwile 34:7

Mi sɔ an lɛ fɔɔ a kulu wuru soruzan ma; weple koo, nwale mi ma koo, wenyané koo, dé mi a kɛlɛ, Gakelebale a ma we voo, naa, é ’ka wegyɛzan yé weanwiinlozan nya lo. Éé we lɛdɔa nénu gi wo tinu lé weple ma, yé éé we lɛdɔa wolé nénu é nénu gi, fɔɔ yé é bɔ wo kulu yaazan valé wo kulu ziɛnzan ma.

Ézai 43:25

Maa, maa ɛ ilé bélidɔwe sɛrɛlenu fwi, an sɔ anbo lɛ, azama. Yé ilé wenyané sele ’ka dan dɔ lɛ an gi é dɛrɛ lo.

Jérémi 31:34

Mi do kpen ’ka dan we paa lɛ é bɔluzan gi lo, yé mi do kpen ’ka dan we paa lɛ é bwe gi a fele nya léé, ’ka Gakelebale dɔɔ, lo. Naa, é sia né kiénénu ma, fɔɔ yé é bɔ mi kwakwanu ma, munu faa é dan an dɔɔ lɛ. Naa, maa dan wo ma we vo lɛ wolé weplenu ma, yé wolé wenyanénu sele ’ka dan dɔ lɛ an gi é dɛrɛ lo. Maa Gakelebale ɛ ke a fena.

Daniɛl 9:19

Mizan, ’i tɔné dɔ! Mizan, ’i ko ma we vo! Mizan, bé ’ma ma! Anzan Bale, bé kɛlɛ, té i mɔn lo, i tɔ kɛlɛle blɛn lé we ma! Naa, i tɔ a ilé fla valé ilé munu ma.

Daniɛl 9:9

Mizan, kozé Bale, ko nwa i ma, naa, bii a nyanaizénzan valé mimawe?-?vozan nya.

Jonas 4:2

É we ’ko laa Gakelebale lee yé é léé: Gakelebale, wean maa a fé turu, ’té maa a tan anlé tɛrɛ la, yeean é ke ’ko loo? Amalé é dɔ an gi léé, an go yɔɔ lɛ Taasis. Bii a Bale lé é mi mawe dɔɔ, ’té a nyanai éé zén‐é, ’té a bli ’ka flian é kele lo, ’té zin a a gi kiɛre, ’té éé bli nɔlaan we tɔntɔn kɛlɛle mi lɛ ma, a nya.

Misé 7:18

I bɔmabale a kyɛɛn? Bii lé i mi ma we vo alé weple ma, yé ilé mi sɛ lé wo vo, wolé wenyané éé saan i gi, i bɔmabale a kyɛɛn? I bli ’ka vo flina yifaama lo; nyanai zénle mi ta sɔ i lɛ.

Zakari 13:1

’Bɛ yi la, ’yi’wuo do é dan fɔn lɛ David lé munu valé Jérusalɛm munu zé nya, wenyané valé mi tiridɔwenu lé we ma.

Zakari 13:7

Gwɔun‐oo, gwɔun, ’i soi anlé ’blatabinzan ma! Lai sunyanu lé Gakelebale léma: ’I soi an bɔluzan ma. ’I ’blatabinzan gyɛ yé alé ’blanu ’é fwila. Yé maa dan bɔ lɛ ’bla tɔɔtɔɔnu va.

Zakari 9:11

Bii Izraɛl, gipawe lé é ke é dɔle gligli nyɛ nya, Alé we ma lé maa dan ilé luugimunu si lɛ guru lé ’yi ’ka a gi lo, a wɔlɛ ma.

Matio 20:28

’Ko zo lé maa blami Be da. An ’ka da lɛ léé, munu an mawe kɛlɛ lo, an da munu mawe kɛlɛle we gi, ’bɛ valé an gale mi kiɛre tabofɛ nya we gi.

Matio 26:28

naa, é a an nyɛ nya; gipawe dɔ plɛplɛ nyɛ lé é zana mi kiɛre lé we ma, wo ma we vole wolé wenyanénu ma we gi, yee lé.

Matio 6:12

’i ko ma we vo, munu lé wo wenyané kɛlɛ ko lɛ, ko wo ma we vo fɛan zo, a zo.

Maak 14:24

Yé é lé wo lɛ léma: Fɛ ’ko, an nyɛ lé. Gipawe dɔ plɛplɛ nyɛ lé é zana mi kiɛre lé we ma, yee lé.

WENÉNÉ LÉ LUK A GYE (Évangile selon Luc) 1:77

Yé i dan Bale lé munu bɔn gi kini lɛ léé, Bale wo ma we vo, amalé wo béli.

WENÉNÉ LÉ LUK A GYE (Évangile selon Luc) 24:47

yé wo dan bli nɔlale valé mi ma we vole lé we fe lɛ a tɔ nya bɛnnu faa lɛ, é sia Jérusalɛm.

WENÉNÉ LE JAN A GYE (Évangile selon Jean) 20:23

Mi lé ka a ma we vo alé wenyanénu lé we ma, wo ma we ’é vo; yé mi lé ka alé wenyanénu vo a nwiin, é dan vo lɛ a nwiin.

Kelewenu 10:43

Balelayezannu faa a ma we fe léé, dé miomian bli vo a lɛ, Bale é dan wo ma we vo lɛ wolé wenyané ma a tɔ lé we ma.

Kelewenu 2:38

Piɛri lé wo lɛ léé: ’Ka bli nɔla ma, yé ’wo ka faa batizéwo Jézu Krist tɔ nya, Bale lé ka ma we vole we gi, yé ka dan Léli Sauun ye lɛ blɛ nya.

Kelewenu 20:28

Bɛwemalé, ’ka yuɛ pa kabozen valé trubɛ palu gimunu faa lé Léli Sauun ka kɛlɛ wo tabinzannu nya, wo va. Mizan lé léglizigimunu lé é wo lɔ ébo nyɛ nya bɛ, Bale ka kɛlɛ wo tabinzannu nya léé, ’ka fɛblele nɔ wo lɛ.

Kelewenu 3:19

Bɛwemalé, ’ka bli nɔla, yé ’ka zi nɔla kalé wenyané ’yibole we ma,

Rom munu 2:4

Taa, Kazambale lé fua lé é ke alé wezin koo, alé bli tiéé koo, alé ’wuo dɔle we wuo koo, wo nya, i wo yé fɛ boanu nya lɛɛ? I ’ka a gi dɔɔa léé, Kazambale lé wezin éé i bli nɔlaan Kazambale va loo?

Rom munu 3:24

alé zin nya lé wo kɛlɛ tegele é pla, Jézu Krist lé wo tabole we ma.

Rom munu 3:25

Kazambale Jézu dɔ wenyané ’yibofɛ nya, a nyɛ lé we ma, blipaalɛmunu zé nya. Kazambale we ’ko kɛlɛ a gɔɔnle we gi léé, ’é a tegele. Wenyanénu lé munu a kɛlɛ é vinin, Kazambale bli tiéé bléyi va, Kazambale fii pla ’bɛnu ta,

Rom munu 9:23

Yé dé é sɔ a lɛ léé, élé fuasan tɔbɔle nagɔɔn nyanaizénlabɔnu lé é wo dɔ é kyɛn fuasan ’ko lé we ma, wo lɛ, a leewe kaan loo?

1 Korent munu 1:30

Naa, Kazambale lé we ma lé ka a Jézu Krist gi, yé Kazambale lé blibɔmawe yɛrama lé Krist kinin kolé wedɔɔle valé kolé we tegele koo, ko kɛlɛle sauun koo, ko tabozan koo, wo nya.

2 Korɛnt Munu 8:9

Ka Kaazan Jézu Krist lé zin dɔɔ; yee lé ke fuablezan nya, é ’ébozen kɛlɛ nyanégyɛzan nya kalé we ma, léé, alé nyanégyɛle gi ka kɛlɛ fuablezannu nya.

Éfez munu 1:14

Léli Sauun a Kazambale bɛfɛ nya, kaalé tɔnɔ yele we ma, fɔɔ yé munu lé Kazambale wo lɔ élé fua tɔbɔle we ma, yé é wo tabo.

Éfez munu 1:18

’é ka bɔn‐in dɔ ka ma ma, yé we lé ka bli ke a lɛ alé ka laale we ma koo, tɔnɔ lé Bale a yé élé munu ma, ’bɛ a fua blɛɛn nya fɛan zo koo,

Éfez munu 1:8

’Bɛ zo lé Kazambale élé zin blɛn kɛlɛ kaa lɛ kiɛre wedɔɔle gɔnɔ faa valé gi kinile gɔnɔ faa nya.

Éfez munu 2:4

Naa, Kazambale nyanai éé zén‐é é baba yé ko va sɔlɛle a a gi blɛɛn, amalé ko lé ko ke é gale kolé we sɛrɛlenu ma, é ko béli ékeva Krist nya. Kazambale lé zin ma lé é ka si we gi.

Éfez munu 2:7

léé, bléyinu lé wo dan bɔ lɛ bɛ, alé zin fua lé a glɛ ’ka lo, ’é a nagɔɔn ’bɛ bléyinu va. É dan a nagɔɔn lɛ wezin lé é a kɛlɛ ko lɛ Jézu gi, ’bɛ nagɔɔnle nya.

Éfez munu 3:16

’é Léli wɔra kabozen nya bélé nyɔnɔbɔ zo, yé ka dɔ gligli boenwo alé fuasan yɛrama ma;

Éfez munu 3:8

Maa lé an ke Kazambale lé munu faa va mi kiéné nya, Bale zin ’ko kɛlɛ an lɛ léé, Krist lé fuawenu lé wo ’ka wo gi ’male nyaan lo, maa wolé we fe bɛn bɛnu lɛ,

Filip munu 4:19

Yé fɛnu faa lé ka mawe ke wo gi, anzé Bale é dan wo nɔ lɛ ka lɛ, alé fuafɛ tɔbɔlenu lé wo ke Jézu Krist gi, wo yɛrama.

Kolɔs munu 1:14

A Be kaa tabo, ’bɛ gi léé, Bale kaa ma we vo kaalé wenyanénu ma.

Kolɔs munu 1:27

Weyɔɔle ’ko a we tɔbɔle blɛɛn nya bɛnnu faa méléna fɛan zo, é sɔ Kazambale lɛ léé, ’é a gɔɔn élé munu lɛ. Yee weyɔɔle lé ke ’ko: Krist a ka gi, amalé ka bli a a lɛ léé, kazé a Bale lé fua tɔbɔle va.

Kolɔs munu 2:13

’Kaa lé ka ke é gale kalé we sɛrɛlenu valé kalé ganedɔlelo we ma, é ka béli ékeva Jézu nya, ka ma we vole nya kalé we sɛrɛle faa ma;

Kolɔs munu 2:2

É sɔ an lɛ léé, wo é bli ’é dɔrala yé ’wo kɛlɛ mi do nya sɔlɛle gi, yé wo gi ’é kini boenwo Kazambale lé weyɔɔle dɔɔle we gi, ’bɛ gi léé, Krist.

1 Timoté 2:6

’té ébozen nɔ mi faa tabozan nya bɛ, yee lé. Yee we lé wa gɔɔn alé we nya bléyi lé Bale a dɔ, a nya.

Tite 2:14

Jézu ébozen nɔ kolé we gi, weple faa sile ko lee we gi, é valé ko kɛlɛle ézé munu nya we gi, munu lé é wo kɛlɛ tegele, ’té wezin kɛlɛlɔrɔ a wo ma blɛn, wo nya.

Tite 3:6

É Léli Sauun lé plɛplɛ nɔ ko lɛ kiɛre ko Siéwegizan Jézu Krist lé we ma, léé,

Ébrunu 9:22

Weboen lé, dé é a bélidɔwe nya, é vo sɛ yé fɛnu faa gi é bɔ nyɛ nya, yé dé nyɛ zanale ’ka lo ’té mi ma we vole ’ka lo.

1 Piɛri 2:24

é dɔ kaalé wenyané gi ébozen kɔlɛ nya yili la, kaa gale kaalé wenyanénu vazia we gi yé kaa vo é yuɛma we tegele kɛlɛle we gi; a tuolenu ma lé kaa béli.

1 Piɛri 3:18

Krist é ziin, é nyané ble wenyané ma gɔnɔ do; yee, Mi Tegele, é nyané ble mi plenu lé we gi, gole ka nya Kazambale va we ma; dé é a a kɔlɛ nya, ’bɛ ga, yé dé é a a léli nya, ’bɛ béli;

1 Jan 2:12

Anlé né kiénénu, Bale ka ma we vo Jézu tɔ lé we ma, amalé maa a sɛbɛ ’ko gyɛna ka lɛ.

1 Jan 2:2

Yeebozen kɛlɛ kaalé wenyané ’yibofɛ nya, kaa saa zé wenyané kaan lo, tɛrɛ faa la munu koo é ziin.

1 Jan 4:10

Sɔlɛle ’ko, é ’ka kɛlɛ lɛ léé, Kazambale ɛ sɔ kaa lɛ, ’bɛ lé lo, naa, kaa ɛ sɔ Kazambale lɛ, yé é Be pa zia kaalé wenyané ’yibofɛ nya.

Wegɔɔnle 14:4

Wa munu lé wo ’ka ’wobo tiri dɔ lɛ lomu va lo, wo nya, naa, wo ’ka le dɔɔ lɛ lo; fɛ faa lé ’Blané éé goo ana, woo goo a zuo. Bale wo tabo munu méléna féifɛ bɔrale vinin nya Kazambale valé ’Blané zé nya;

Wegɔɔnle 5:9

Yé wo vo lɛrɛ dɛrɛ vɔna yé wo léé: Ilé sɛbɛ sile valé zɔrɔkaanyɔɔ bɔi yara lé, naa, wo i gyɛ saraka nya, azama, yé bɛn faa koo, dére faa koo, migɔnɔ faa koo, bɛntɛrɛ faa koo, i munu si wo va yé i wo tabo i nyɛ nya Kazambale zé nya;