Éfez munu 1:5 - Kazambale lé Sebe Sauunu 1979

^5-6 Kaa sɔle Bale lɛ lé we ma lé, é a fe é kyɛn léé, é dan kaa si lɛ ébozen lé nénu nya Jézu Krist lé we ma, léé, alé zin blɛɛn lé é a kɛlɛ kaa lɛ élé néwezan gi, yé munu a tɔ zin fe a we ma. We ’ko a Bale lé blibɔmawe nya yé é a gi nana, amalé é a kɛlɛ.

Éfez munu 1:5 ပူးပေါင်းရင်းမြစ်များ

Jérémi 3:19

Maa léé: Maa kɛla kaa yé maa i pa anlé nénu va, Yé an tɛrɛ nyɔnɔzan nɔ i lɛ, Tɔnɔfɛ lé é ke é nɔnɔmi é mini bɛn tɛrɛnu faa ta, yé maa a nɔ i lɛɛ? Maa léé, ka dan an laa lɛ, ka ti, Yé ka ’ka dan diéra lɛ an zuo lilo.

Jérémi 3:4

Yé sin, ka a siaana léé: Ko ti, i kɛlɛ kolé pɛniɛla béé nya. A zoan ka ke a fena loo?

Daniɛl 4:35

Tɛrɛlamunu faa ’ka a yuɛ gi bɔa lo. We lé é sɔ a lɛ léé, éé a kɛla lai sunyanu valé tɛrɛlamunu lɛ, yé mian ’bɛ éé dɔa a lee plɛplɛ yé ’bɛ lé a lɛ léé: Mɛ fɛ lé bé kɛla bɛɛ? ’bɛzan do ’ka ana lo.

Matio 1:25

Naa, é ’ka a dɔɔ lɛ le nya lo, fɔɔ yé é né ’ko yaa gɔné nya, yé é a tɔ pa Jézu.

Matio 11:26

Iin, an Ti, maa i tɔ zin fé léé, bii a a va léé, ’é kɛlɛ ’bɛ zo.

WENÉNÉ LÉ LUK A GYE (Évangile selon Luc) 10:21

A bléyi duo nya Léli Sauun Jézu fan gi nanale nya yé é léé: An Ti, Lazan valé Tɛrɛzan, maa i tɔ zin fé léé, i we ’konu yɔɔ wedɔɔzannu valé ’wuoatazannu ma yé i wo nagɔɔn nénu lɛ. Iin, an Ti, maa i tɔ zin fé léé, bii a a va léé, ’é kɛlɛ ’bɛ zo.

WENÉNÉ LÉ LUK A GYE (Évangile selon Luc) 11:32

Webleyi nya Ninive munu é dan nwa lɛ bléyi ’ko vamunu ma yé wo dan we dɔ lɛ wo nwiin, naa, Ninive munu bli nɔla Jonas dére ma, yé ka ye, mi lé ’bɛ mini Jonas ta, ’bɛ a ’ko.

WENÉNÉ LÉ LUK A GYE (Évangile selon Luc) 12:32

’Bla palu kiéné, té ka kana monomono lo, fuatɛrɛ nɔle ka lɛ sɔ ka Ti lɛ é baba.

WENÉNÉ LE JAN A GYE (Évangile selon Jean) 1:12

Naa, munu faa lé wa si ’wozé nya, ’té wo bli vo a tɔ lɛ bɛ, é a se kɛlɛ wo lɛ léé, ’wo kinin Kazambale lé nénu nya.

WENÉNÉ LE JAN A GYE (Évangile selon Jean) 11:52

Yé a bɛn saa lé we ma kaan lo; naa, Kazambale lé nénu lé wo ke é nwɛɛnle fɛfaana, wo zénle ékeva yé ’wo kɛlɛ kɔlɛ do nya lé we ma lé é ziin.

WENÉNÉ LE JAN A GYE (Évangile selon Jean) 20:17

Jézu lé a lɛ léé: Té i buvɔ an ma lo. Maa ’ka tan go lɛ an Ti va lo. Naa, ’i go an zuanénu va; bé fe wo lɛ léé, maa a gona kaa Ti lé é ke kaalé Bale nya, a va.

Kelewenu 13:48

Bɛn bɛnu we ’ko ’ma aan wo, wo gi nana. Wo Mizan dére zin tɔ bɔ. Munu faa lé Bale a fe é kyɛn léé, wo dan vo lɛ é yuɛma lɛɛfaama a glɛ ’ka lo, wo bli vo we ’konu lɛ.

Rom munu 8:23

Yé wo saa kaan lo, naa, kaa lé kaa Kazambale Léli ’léé ye, kaa é ziin, kaa dunnuan kaa gi, ’té kaa kɛlɛle né bozen nya lɛbɛn‐é, ’bɛ gi léé, kaa kaa kɔlɛ tabole lɛbɛn‐é.

1 Korent munu 1:1

Maa Pɔl lé Kazambale an laa léé, an kɛlɛ Jézu Krist lé nwunvɔzan nya alé blibɔmale nya, maa valé bwe Sositɛne, ko ɛ ke sɛbɛ ’ko gyɛna ’kaa Korɛnt munu lɛ.

1 Korent munu 1:21

Kazambale lé wedɔɔle gi, é a kɛlɛ léé, té tɛrɛlamunu ’é dɔɔ ’wolé wedɔɔle nya lo; é sɔ Kazambale lɛ léé, munu lé wo bli vo ’é lɛ, ’é wo si we gi wenéné lé ke ’tugyɛwe nya, alé we fele nya.

2 Korɛnt Munu 6:18

Yé maa dan kɛlɛ lɛ ka Ti nya, Yé ka dan kɛlɛ lɛ an benu valé an lunu nya. Yee lé Mizambale Plɛplɛfaazan a fe.

Galasi munu 3:26

Naa, ka faa a Kazambale benu nya, blivole Jézu Krist lɛ we ma.

Éfez munu 1:11

Kaa a Krist gi, amalé kaa a tɔnɔblezannu nya, naa, mi lé éé we faa kɛla ébozen lé blibɔmawe yɛrama bɛ, é kaa dɔ a nya é kyɛn ’é bɔn‐in danle nya, léé,

Éfez munu 1:9

Kazambale lé blibɔmawe do lé ke é yɔɔle, nyanaizénmitafɛ lé é ke Krist nya bɛ, Bale a kɛlɛ é kyɛn, yé é a lɛ sɔɔ a lɛsɔɔbléyi nya, yé é kaa bɔn gi kini a nya. Yee lé ke ’ko: lagifɛnu faa koo, tɛrɛlafɛnu faa koo, Krist lé we ma lé wo zén ékeva yé é kɛlɛ wo nwiinzan nya.

Filip munu 2:13

Naa, Kazambale a nyanama pana ka gi, é bɔn‐in danwe lɛsɔɔle we ma; éé ka gya a lɔrɔ nya yé éé a lɛsɔɔ plɛplɛ no ka lɛ.

Kolɔs munu 1:19

Bale dɔbɛ faa lɛ a é sɔɔle Jézu gi; é sɔ Kazambale lɛ léé, é kɛlɛ a zo, amalé é kɛlɛ.

2 Tɛsalɔnik munu 1:11

Bɛwemalé ko bazoroan yifaama ka tɔ ma léé, ka‐an Bale ka laa, kolé Bale ’é ka ye munu lé wo laa yara lé, wo nya; yé a bɔn‐in danmawe zimanu faa koo, nyanamanu lé woo sié kalé blipale va koo, ’é wo kɛlɛle lɛ sɔɔ ka lɛ élé plɛplɛ nya.

Ébrunu 2:4

yé Kazambale bozen wolé wenayedére dɔ plɛplɛ tɔmasenu koo, we blɛnblɛnnu koo, gyɛzorowe gɔnɔ faa koo, Léli Sauun lé blɛnu kɛlɛle élé blibɔmale nya koo, wo nya. Amalé, dé kaa yara si silewegi ’ko ta, we é dan si lɛ kaa nwiin kaa?

1 Jan 3:1

Ka gini do. Kaa Ti bli bɔ kaa ma fɛan zo, yee lé é ke ’ko: é kaa laa Kazambale lé nénu, yé kaa a ’bɛ nya. Yé tɛrɛlamunu ’ka Jézu dɔɔ lɛ lo, bɛwemalé wo ’ka kaa dɔɔa lo.

Wegɔɔnle 21:7

Mian we ’ko ’wuo vo a lɛ, é dan fɛ ’konu ye lɛ ézé tɔnɔ nya; maa dan kɛlɛ lɛ alé Bale nya yé é dan kɛlɛ lɛ an be nya.