Éfez munu 1:4 - Kazambale lé Sebe Sauunu 1979

⁴ Krist gi lé Kazambale kaa si a va tɛrɛ bɔrale ’lɛ, kaa kɛlɛle a yuɛ va sauun valé wéiin we ma.

Éfez munu 1:4 ပူးပေါင်းရင်းမြစ်များ

2 Samuɛl 22:24

Gun ’ka an ma a vazia lo, Yé maa anbo kun léé, té an weple kɛlɛ lo.

Lɛrɛvɔ Sɛbɛ 135:4

Naa, Gakelebale Jakɔb si a va É Izraɛl si a va a kɛlɛle ’ézé nya we gi.

Ézai 42:1

An wuozan lé maa dɔ a zuo, yee lo, Maa a si a va, yé é sɔ an bli lɛ. Maa an léli vɔ a ta; É dan wetegele fe lɛ bɛnnu lɛ.

Lévinu 19:2

Bé fe Izraɛl lé nénu faa lɛ léma: Maa Gakelebale, kalé Bale, maa a sauun, amalé ’ka kɛlɛ sauun.

Lévinu 20:7

Maa a Gakelebale, kalé Bale nya, amalé ’ka kabo pa é yɛrama yé ’ka kɛlɛ sauun.

Matio 24:22

Dé Bale ’ka yi kenu si lɛ a ta lo, mi do kpen ’ka dan si lɛ we gi lo, naa, munu lé Kazambale wo si a va ézé nya, wolé we ma lé é dan yi kenu si lɛ a ta.

Matio 24:24

Dabli Kristnu valé viébalelayemunu é dan nwa lɛ yé wo dan we blɛnblɛnnu valé gyɛzorowenu kɛlɛ lɛ fɔɔ yé munu lé Kazambale wo si a va ézé nya, yé wo wo saan, ’té dé wo bɔa kɔɔn saanle lɛ.

Matio 24:31

Yé maa dan anlé lanjenu nwunvɔ lɛ béli fɛnle nya, yé munu lé maa wo si a va anzé nya, lanjenu é dan wo si lɛ tɛrɛ sun ziɛn ta, é sia la glɛ sina fɔɔ yé é bɔ la glɛ koɛ ma.

Matio 25:34

Yé maa minwiinzan ’é dan a fe lɛ an bɛyilazannu lɛ léé: Ka lé an Ti ka drɔɔ vo, ’ka da; tɔnɔtɛrɛ lé é a kɛlɛ kazé nya tɛrɛ pélisia bléyi va, ’ka nyana ana.

WENÉNÉ LE JAN A GYE (Évangile selon Jean) 10:16

’Bla bɛnu a é ziin anzé nya, ’té wo ’ka gɔrɔ ’ko gi ’blanu nya lo. ’Bɛnu é ziin, é a lé an da wo nya; wo dan an dére ’ma lɛ yé wo dan kɛlɛ lɛ trubɛ do kpen nya yé ’blatabinzan é dan kɛlɛ lɛ do kpen.

WENÉNÉ LE JAN A GYE (Évangile selon Jean) 15:16

Ka‐an, ka an si a va lo; naa, maa ɛ ka si a va, yé maa ka dɔ gligli, ka gole valé ka baale we ma, léé, ka poro ’é vo ana yé fɛofɛan ka a ma laan Ti lee an tɔ gi, ’é a nɔ ka lɛ.

WENÉNÉ LE JAN A GYE (Évangile selon Jean) 17:24

An Ti, é sɔ an lɛ léé, fɛana lé an ke, munu lé i wo nɔ an lɛ, ’wo kɛlɛ an va ana, anlé fua tɔbɔle lé bé nɔ an lɛ, wolé a yele we ma. An sɔ i lɛ tɛrɛ bɔrale ’lɛ, ’bɛ lé we ma.

Kelewenu 13:48

Bɛn bɛnu we ’ko ’ma aan wo, wo gi nana. Wo Mizan dére zin tɔ bɔ. Munu faa lé Bale a fe é kyɛn léé, wo dan vo lɛ é yuɛma lɛɛfaama a glɛ ’ka lo, wo bli vo we ’konu lɛ.

Kelewenu 15:18

Yé é wo dɔɔ a pélisia bléyi va, yee ɛ fe.

Kelewenu 18:10

Maa a i va, yé mi do kpen ’ka dan é bɛ mane lɛ i ma wenyané kɛlɛle i lɛ we gi lo. ’I we fe. Anlé mi a fla ’ko la kiɛre.

Rom munu 8:33

Munu lé Kazambale wo si a va ézé nya, de ɛ dan we dɔ lɛ wo nwiin? Kazambale ɛ mi kɛla tegele.

1 Korent munu 1:8

Yé é dan ka dɔ lɛ gligli fɔɔ yé ka bɔ a ’wuoplana, té gun é kɛlɛ ka ma Kaazan Jézu Krist dayi nya lo we ma.

Galasi munu 5:13

Bwenu, wo ka laa ka vole kaboma we ma. Naa, té é kɛlɛ ka dɔna nya yé ka ka dɔbɛ kyɛn lé blibɔmawe kɛlɛ lo; naa, ’ka kɛlɛ ka ke wuozannu nya lɔrɔpale nya.

Galasi munu 5:22

Naa, wenu lé woo sié Kazambale Léli va, wo lé ke ’ko: sɔlɛle koo, ginanale koo, vole drɔɔ koo, bli tiéé koo, wezin kɛlɛle koo, bli zin koo, yarapale we la koo,

Galasi munu 5:6

Dé mi a Jézu Krist gi, ganedɔle valé ganedɔlo tɔnɔ ’ka lo; naa, blipale lé éé we kɛla sɔlɛle nya, yee ɛ tɔnɔ ke.

Éfez munu 2:10

Kaa a Kazambale panyanamanu nya, é kaa kɛlɛ Jézu Krist gi, we zinnu lé é wo dɔnama fe é kyɛn, kaalé wo kɛlɛle we gi.

Éfez munu 3:17

Krist ’é nyana ka bli gi ka bli vole a lɛ we ma ma; ka suni ’é wɔra sɔlɛle gi yé ka dɔ a gi gyéiin ma;

Éfez munu 4:2

’ka tawo bo kɛlɛle kiéné koo, bli drɔɔ koo, bli tiéé koo, wo nya; ’ka ’wuo dɔ ka ke wuo sɔlɛle nya;

Éfez munu 5:2

’Ka tawo ka ke va sɔlɛle nya, Krist kɛlɛwe ma. Kaa sɔ a lɛ, yé ébozen nɔ Kazambale lɛ kaalé we ma bélé blan valé saraka gin néné zo.

Éfez munu 5:27

Léglizi tɔbɔle ’ko, ’té a tiri ’ka lo, ’té a ma ’ka é yurule lo, ’té gun do kpen ’ka a ma lo, ’té é ke sauun valé wéiin, Jézu a a va léé, ’é a ye ébo zé nya, amalé ébo nɔ alé we gi.

Filip munu 2:15

ka kɛlɛle wéiin valé sauun we ma, ’té woo ka yé Kazambale lé nénu lé, gun ’ka wo ma lo, wo nya, bléyi ’ko vamunu naané vɔnle méléna, ’té ka bié tɛrɛ la gunutinu va bélé sonakyɛ zo, ’té ka mibélidére fé munu lɛ.

Kolɔs munu 1:22

Naa, sin, é ka nana ’é va Krist lé tɛrɛlakɔlɛ gale we ma, léé, ’é da ka nya ’é va mi sauunnu nya, ’té we do kpen ’ka ka ma lo, ’té gun ’ka ka ma lo;

Kolɔs munu 2:2

É sɔ an lɛ léé, wo é bli ’é dɔrala yé ’wo kɛlɛ mi do nya sɔlɛle gi, yé wo gi ’é kini boenwo Kazambale lé weyɔɔle dɔɔle we gi, ’bɛ gi léé, Krist.

Kolɔs munu 3:12

Bɛwemalé, ’kaa lé Kazambale ka si a va ézé nya, mi sauun valé Bale sɔlɛzannu nya, nyanaizénbli koo, wezin koo, bo kiéné koo, bli drɔɔ koo, bli tiéé koo, ’ka wo zén ka ta bélé sɔ zo ma.

1 Tɛsalɔnik munu 3:12

Mizan Jézu ’é ka sɔle ka ke lɛ valé munu faa sɔle ka lɛ gi gyɛ, yé é gié é glɛ ta, bélé fɛan zo lé ka sɔ ko lɛ, a zo.

1 Tɛsalɔnik munu 4:7

Kazambale ’ka kaa laa lɛ pɛnpɛnnégyɛle we ma lo, naa, é kaa laa kaa kɛlɛle sauun we ma.

2 Timoté 1:9

Yee ɛ ko si we gi, yé é ko laa léé, kobo nɔ é lɛ. É ’ka ko laa lɛ ko kɛlɛwenu lé we ma lo, naa, é ko laa ébozen bɔn‐inwe yɛrama, é valé zin lé é a kɛlɛ ko lɛ Jézu Krist gi bléyian va lé tɛrɛ ’ka tan é bɔrale lo, a yɛrama.

2 Timoté 2:10

Bɛwemalé an ’wuo dɔa we faa wuo munu lé Bale wo si a va, wolé we ma, léé, sile we gi lé é ke Jézu Krist gi, é valé fua lé é ’ka nyaan lo, wo é ziin, ’wa ye.

2 Timoté 2:19

Kazambale lé wegane a é vɔle gligli duowo; naa, a dɔgligli dérenu lé ke ’ko: munu lé wo ke Mizan zé nya, é wo dɔɔ; yé mian éé Mizan tɔ laan, ’é daan weple ma ma.

SEBE LÉ JAK A GYE (Épitre de Jacques) 2:5

’Kaa an bwenu lé ka sɔ an lɛ, ’ka tɔné dɔ. Munu lé wo ke nyanégyɛzannu nya tɛrɛlamunu yuɛ gi, Kazambale ’ka wo si lɛ léé, ’wo kɛlɛ fua nya blipale gi loo? yé wo kɛlɛ tɔnɔblezannu nya fuatɛrɛ lé é a ma blivolɛdére fe munu lé é sɔ wo lɛ, wo lɛ bɛ, a ta loo?

1 Piɛri 1:2

Tibale ka si a va élé tɛlɛ tɛlama wedɔɔle yɛrama, yé Léli Sauun ka pa é yɛrama Bale zé nya, kalé Jézu Krist lɛdɔmale valé ka kɛlɛle a nyɛ nwɛɛn ta munu nya we gi. Bale lé zin kɛlɛle ka lɛ valé Bale lé ka vole drɔɔ gi ’é gyɛ ma.

1 Piɛri 1:20

Bale Krist kɛlɛ ’blané nya é kyɛn tɛrɛ bɔrale ’lɛ, yé é a nagɔɔn bléyi voélanu nya kalé we ma.

1 Piɛri 2:9

Naa, kazé ’ka ’bɛ zo lo; ka a bɛn lɛgɔnɔ do lé Bale a si a va, a nya, yé yee fuaneé Bale ka dɔ ’é banzannu nya; ka a bɛntɛrɛ lé Bale a pa é yɛrama, a nya; ka a migɔnɔ lé Kazambale wo tabo wo nya, mi lé é ka laa ’té ka a gunu va yé é go ka nya élé san zima va bɛ, kalé a tɔ zin bɔle we gi.

2 Piɛri 3:14

Bɛwemalé, an blibɔmazannu, bléyian va lé ka ke we ’konu lɛbɛnna, ’ka yara pa kabo ma’lɛrɛle ta léé, a yi ’é bɔ ka ma drɔɔ, ’té ka tiri ’ka lo, ’té ka nwiin a é pla.

1 Jan 4:16

Yé kaa va sɔlɛle a Kazambale gi fɛan zo, kaa a dɔɔ, yé kaa bli a ’bɛ lɛ. Kazambale a sɔlɛle nya, yé mian munu éé sɔa a lɛ, é a Kazambale gi yé Kazambale a ’bɛzan gi.

Wegɔɔnle 13:8

Tɛrɛlamunu faa é dan dia lɛ ’wo bli la a ’lɛ; ’Blané lé wa gyɛ, tɛrɛlamunu faa lé wo tɔ ’ka é gyɛle alé mibélilenu tɔgyɛlasɛbɛ gi tɛrɛ pélisia bléyi va lo, wo dan dia lɛ yee wi ’ko ’lɛ.

Wegɔɔnle 17:8

Wi lé bé ye, é ana é kyɛn yé é ’ka ana é dɛrɛ lo. É a lé, ’é si guru lé a wɔlɛ ma nyaana ’ka lo, a gi, yé ’é go mi sanlenu gona. Yé tɛrɛlamunu lé wo ’ka wo tɔ gyɛ lɛ mi bélilenu tɔgyɛlasɛbɛ gi tɛrɛ pélisia bléyi va lo, wo gi é dan vuru lɛ wi ’ko yele ma; naa, é a é kyɛn, yé é ’ka ana é dɛrɛ lo, yé é dan bɔra lɛ é ziin, ’bɛzama.