Éfez munu 1:3 - Kazambale lé Sebe Sauunu 1979

³ Kazambale, Kaazan Jézu Krist Ti lé é kaa drɔɔ vo léli drɔɔ vole gɔnɔ faa nya fɛna lorunu na Krist gi, a drɔɔ ’é vo ma.

Éfez munu 1:3 ပူးပေါင်းရင်းမြစ်များ

Wepélisiananu 14:20

Lagibale lé é i nyanémunu pa i lee, a drɔɔ ’é vo ma. Yé Abram fɛ faa vuzan nɔ a lɛ.

Wepélisiananu 22:18

I an dére lɛdɔma, amalé tɛrɛla bɛnnu faa drɔɔ é dan vo lɛ i kulu pli zi.

Minwiinzannu lé Wezuofe Sɛbɛ 29:20

David lé, munu faa lé wo ke é zénle ékeva, wo lɛ léé: ’Ka Gakelebale kalé Bale drɔɔ vo. Yé zén‐ékevamunu faa Gakelebale, wo tranu lé Bale drɔɔ vo. Wo dia ’wo bli la Gakelebale valé minwiinzan blɛn ’lɛ.

Minwiinzannu lé Wezuofe Sɛbɛ 4:10

Jaébɛs bazoro Izraɛl lé Bale lɛ yé é léé: Ilé zanté, ’i an drɔɔ vo, ’i anlé tɛrɛ kɛlɛ blɛn, ’i bɛ zin pa an ta, ’i an takuun we tɔntɔn lee, té maa nyané ble lo. Fɛ lé é a laa, Kazambale a nɔ a lɛ.

2 Minwiinmunu lé Wezuofe Sɛbɛ 31:8

Ézékia valé mi ’lɛzannu da fɛzunnu ’ko naginile we ma, yé wo Gakelebale valé alé munu drɔɔ vo.

Néémi 9:5

Yé Lévi munu, Jozué koo, Kadimiɛl koo, Bani koo, Asabinia koo, Sérébia koo, Odija koo, Sébania koo, Pétaja koo, wo lé munu lɛ léé: ’Ka nwa, ’ka Gakelebale kalé Bale drɔɔ vo lɛɛfaama, té a glɛ é dɔ lo. Bii Bale, i tɔ gyéiin lé é mini drɔɔ vole faa valé tɔzinfele faa ta, ’wa drɔɔ vo ma.

Lɛrɛvɔ Sɛbɛ 134:3

Gakelebale lé ke Siɔn, ’Té é la valé tɛrɛ kɛlɛ bɛ, ’é i drɔɔ vo ma.

Lɛrɛvɔ Sɛbɛ 72:17

A tɔ é dan kɛlɛ lɛ ana yifaama, A tɔ é dan vo lɛ ana bélé yiri mɔnle zo, A tɔ gi lé wo dan wo ke drɔɔ vo lɛ, Yé bɛnnu faa é dan a fe lɛ léé, azé a néné.

Lɛrɛvɔ Sɛbɛ 72:19

’Wo a tɔ zin bɔle drɔɔ vo yifaama ma! Tɛrɛ faa ’é fan a tɔbɔle nya ma! Amɛɛn! Amɛɛn!

Ézai 61:9

Wo dan wo bɛn dɔɔ lɛ bɛnnu va, Munu é dan wo kulu dɔɔ lɛ; Munu faa lé woo wo yé, wo dan a gi dɔɔ lɛ léé, Bɛn lé Gakelebale a drɔɔ vo, wo lo.

Daniɛl 4:34

Bléyi lé wa dɔ, a bɔle zuo, maa Nébukanɛsaa an yara nwa lagizia, yé an ’wuo dɔ an ta é ziin. Yé an Loruzan drɔɔ vo; mi lé é ke é yuɛma lɛɛfaama a glɛ ’ka lo, mi lé a plale mi nwiin glɛ ’ka lo, yé mi kulu é kulu faa éé plaan a wuo, maa a tɔ zin fe yé maa a tɔ nwa.

WENÉNÉ LÉ LUK A GYE (Évangile selon Luc) 2:28

tɔɔn, Siméɔn a si é bɛ gi, yé é Kazambale tɔ zin fe, yé é léé:

WENÉNÉ LE JAN A GYE (Évangile selon Jean) 14:20

’Bɛ yi la, ka dan a dɔɔ lɛ léé, maa a an Ti gi, yé ka a an gi, yé maa a ka gi.

WENÉNÉ LE JAN A GYE (Évangile selon Jean) 17:21

wo kɛlɛle mi do nya we ma, bélé Bii an Ti, i a an gi yé maa a i gi fɛan zo, wo é ziin yé wo ’é kɛlɛ mi do nya a zo ko gi, yé tɛrɛlamunu a gi dɔɔ léé, bii ɛ an pa zia.

WENÉNÉ LE JAN A GYE (Évangile selon Jean) 20:17

Jézu lé a lɛ léé: Té i buvɔ an ma lo. Maa ’ka tan go lɛ an Ti va lo. Naa, ’i go an zuanénu va; bé fe wo lɛ léé, maa a gona kaa Ti lé é ke kaalé Bale nya, a va.

Rom munu 12:5

a zo duo lé kaa lé, kaa ke kiɛre, kaa a kɔlɛ do nya Krist gi, kɔlɛvafɛnu nya ékeva.

Rom munu 15:6

Kaazan Jézu Krist Ti lé é ke é ziin alé Bale nya, ’ka a tɔ bɔ ékeva bli do valé dére do nya.

1 Korent munu 1:30

Naa, Kazambale lé we ma lé ka a Jézu Krist gi, yé Kazambale lé blibɔmawe yɛrama lé Krist kinin kolé wedɔɔle valé kolé we tegele koo, ko kɛlɛle sauun koo, ko tabozan koo, wo nya.

1 Korent munu 12:12

Mi kɔlɛ a do, yé a vafɛnu a di. Mi kɔlɛvafɛnu a dioo, naa, wo faa a kɔlɛ do kpen nya. A zo duo lé Krist zé ke.

2 Korɛnt Munu 1:3

Kaazan Jézu Krist Ti lé é ke é ziin alé Bale nya, a drɔɔ ’é vo ma. É a ko Ti lé a nyanai éé zén‐é ko ta, yé é a Bale lé éé ko tɔrɔ paan, a nya.

2 Korɛnt Munu 11:31

Kazambale lé ke Mizan Jézu Ti nya, ’té wa drɔɔ voo lɛɛfaama a glɛ ’ka lo, é a gi dɔɔ léé, an ’ka viéwona lo.

2 Korɛnt Munu 5:17

Dé mi a Krist gi, ’té é a mi dɛrɛ nya; we kyɛnnu faa gié yé wenu faa kinin we dɛrɛnu nya.

2 Korɛnt Munu 5:21

Krist lé é ’ka wenyané dɔɔ lɛ monomono lo, Bale a kinin wenyané nya kolé we ma, léé, Kazambale ’é ko kɛlɛ tegele bélé ’é zo Krist gi.

Galasi munu 3:9

’Ko zo lé munu lé woo bli paan, wo drɔɔ a é vole blipazan Abraam zé va.

Éfez munu 1:17

We lé maa a laan kazé nya, yee lé ke ’ko: Kaazan Jézu Krist zé Bale, Fuasan faa Ti, ’é wedɔɔbli nɔ ka lɛ ma, yé ’é pa ka ta ma, kalé yeebozen dɔɔle we gi ma;

Éfez munu 1:20

Élé plɛplɛ ’ko nagɔɔn Krist gi. É dɔ Krist ta go go yé é a nwa gamunu va yé é a nyana é bɛyilazia fɛna lorunu na;

Éfez munu 2:6

Yé ko a Jézu Krist gi, amalé é ko nwa gale va ékeva a nya, yé é ko nyana ékeva a nya fɛna lorunu na,

Éfez munu 3:10

’bɛ zo lé, sin wemaplɛplɛzannu valé fɛnu faa lé wo ke fɛnu lorunu na, ’té woo wo lɛdɔama, wo dan a gi dɔɔ lɛ léé, Kazambale a we gɔnɔ faa dɔɔzan nya, léglizi lé we ma,

Éfez munu 6:12

Naa, kaa ’ka buo sié tɛrɛlamunu ma lo; naa, la worona wemaplɛplɛzannu koo, fɛnu lé woo wo lɛdɔama koo, tɛrɛ ’ko la gunuti nwiinzannu koo, léli lɛrɛlɛrɛnu lé wo ke fɛna lorunu na koo, wo ma lé kaa buo sié.

Filip munu 2:11

’té nɛnɛ faa a fé léé, Jézu Krist a Mizan nya, Tibale tɔ bɔle we ma.

Ébrunu 8:5

Naa, weboen lé, Balebanmunu ’ko lé balebannyanama a bélé fɛfoto zo, é a bélé we zuosonale zo. Yee fɛ boen a la gi. Ko ’bɛ gi dɔɔ we lé Kazambale a fe Moizi lɛ, ’té ’bɛ a gona sɔkɔn dɔna bɛ, a ma. É lé a lɛ léé: ’I yuɛ pa ibozen va. A dɔbɛ faa lé maa a gɔɔn i lɛ gɔ nwiin ’ko, bé faa kɛlɛ ’bɛ yɛrama ’kyɛ.

Ébrunu 9:23

Naa, maa léé, sɔkɔn valé é gifɛnu a bélé fɛfoto zo, é a bélé lagifɛ bozen zuosonafɛnu zo. Dé wo fɛ boen zuosonafɛ ’lɛ dɔ saraka ’ko zonu bole nya, é a lé wo lagifɛ bozen ’lɛ dɔ sarakanu lé ke é zima é mini tɛrɛ la zé ta, a nya.

1 Piɛri 1:3

Kaazan Jézu Krist Ti lé ke é ziin alé Bale nya, a drɔɔ ’é vo ma. A nyanai zén kaa ta é baba amalé é kaa yaa é dɛrɛ Jézu Krist nwale gamunu va nya, léé, kaa bli vole we lɛ ’é kɛlɛ bli vole we lɛ bozen nya.