Ébrunu 9:7 - Kazambale lé Sebe Sauunu 1979

⁷ Naa, Balebanmunu ’lɛzan do kpen ɛ goo kɔnmi zi lɛɛ do gɔnɔ do. Dé abozen lé wenyané valé munu lé wenyané ma wi nyɛ ’ka a lee lo, é ’ka goo ’bɛna lo.

Ébrunu 9:7 ပူးပေါင်းရင်းမြစ်များ

2 Samuɛl 6:7

Gakelebale bli fli Uza ma yé Bale a gyɛ é nya do a saanle we ma. Uza ga ’bɛna Bale lé kɛsu sɔnɔ.

2 Minwiinmunu lé Wezuofe Sɛbɛ 33:9

Naa, Manasé lé we ma lé Juda valé Jérusalɛm munu zi san yé wo we naané kɛlɛ kiɛre é mini bɛnnu lé Gakelebale wo kulu ga Izraɛlnu ’lɛ, wo ta.

Lɛrɛvɔ Sɛbɛ 19:12

Woo we paan i wuozan gi é ziin; Munu lé woo tawoo wo ta, woo tɔnɔ blɛn yé.

Lɛrɛvɔ Sɛbɛ 95:10

Lɛɛ yɔ fié gi bɛn ’ko sɛrɛ an gi, Yé maa léé, migɔnɔ ’ko, bli lé éé wo saan, é a wo gi; Wo ’ka anlé zinu dɔɔa lo.

Fwile 30:10

Lɛɛ do gɔnɔ do Arɔn é dan wenyané ’yibofɛ gié lɛ balebanna bélinu ma; wenyané ’yibofɛ lé wa gyɛ, a nyɛ nya lé é dan wenyané ’yibowe kɛlɛ lɛ lɛɛ do do gi, ka kulunu faa va. É a fɛ ’lɛzan nya é baba Gakelebale yuɛ gi.

Ézai 28:7

Naa, Juda munu é ziin, wo dan vɔ lɛ dada nwɛ lé we ma, yé dɔrɔ ’lɛ plɛplɛ é dan wo yuɛgi nɔɔ lɛ. Balebanzannu valé balelayezannu, wo dan vɔ lɛ dada dɔrɔ ’lɛ plɛplɛ lé we ma. Nwɛ bɛn mini wo lɛ yé dɔrɔ ’lɛ plɛplɛ éé wo yuɛi nɔɔan. Woo balelawe fé dan dan dan; woo we blé yuɛgi blan nya.

Ézai 29:14

Bɛwemalé maa dan munu ’ko bla lɛ é ziin we blɛnblɛnnu valé gyɛzorowenu kɛlɛle nya; wolé wedɔɔmunu lé wedɔɔle é dan nyaa lɛ, yé wolé ’wuoatazannu lé ’wuoatawe é dan san lɛ.

Ézai 3:12

Nénu éé yaan anlé munu ta yé lomu a é plale wo nwiin. Anlé munu, kalé zigɔɔnzannu a ka saanna, yé zi lé ka ke tawona a ta, wa sɛrɛna.

Ézai 9:16

Bɛwemalé Mizan gi ’ka nanaan wolé pɛniɛnu ma lo, yé a nyanai ’ka zén‐é wolé ti valé bugalazannu valé wolé gyɛzaralomu ta lo. Naa, wo faa a Bale lé zi ma wenyanéfezannu valé mi naanénu nya, yé weple éé bɔraan wo faa ’léé. Dé ’bɛ faa bɔoo, ’bɛ ’ka alé bliflile ta zanaan lo, ’té a bɛ a wo gyɛn gi duowo.

OZÉ (Osée) 4:12

Anlé munu éé we laan ’wolé yili lee, ’té wolé tawomayili a gi fé wo lɛ. Naa, bɔrɔdɛ kɛlɛbli wo saan, yé wo si ’wolé Bale ma baa, bélé bɔrɔdɛ le zo.

Lévinu 16:34

É a kalé bélidɔwe do lé a glɛ ’ka lo, a nya; lɛɛ do do faa ma wo dan Izraɛl lé nénu lé wenyané ’yibo lɛ. We lé Gakelebale a fe Moizi lɛ, wa kɛlɛ.

Lévinu 5:18

É dan da lɛ wenyaa saraka bofɛ nya Balebanzan lɛ. É dan da lɛ ’blagɔné lé we do kpen ’ka a ma lo, ’té wa si trubɛ va, a lɛi lé bé gɔɔn, a nya. Yé wenyané lé é a kɛlɛ é tanyila, Balebanzan é dan a ’yibo lɛ yé Bale é dan a ma we vo lɛ.

Amɔs 2:14

Vlanburuzan baba ’ka dan bɔ lɛ gyɛle lɛ bwi gi lo; mi lé plɛplɛ ke a lee, é ’ka dan bɔ lɛ wekɛlɛle lɛ a nya lo, yé nyanazan ’ka dan bɔ lɛ ébo sole lɛ we lee lo.

Mi Nɔnɔle 15:25

Balebanzan é dan Izraɛlnu faa lé wenyané ’yibo lɛ, yé é wo ma we vo. Naa, wo wenyané kɛlɛ ’wo tanyila, yé wo balebanfɛ nɔ, saraka lé wa kyɛ blé Gakelebale lɛ, a tɔ bɔle we ma, a nya; wo wenyané ’yibofɛ nɔ maa Gakelebale lɛ, wenyané lé wa kɛlɛ ’wo tanyila, alé we ma.

Éfez munu 4:18

Wolé we ’léé a é vole, wa wo tanyila, yé wo tɔné gi a é yuyu, amalé wo ’ka a gi dɔɔa léé, Kazambale éé mi bélié lo.

Ébrunu 10:3

É ’ka kɛlɛ lɛ ’bɛ zo lo; saraka bole éé mi lé wenyané sele dɔa é gi lɛɛ faa do do ma;

Ébrunu 6:19

Bli vole we lɛ ’ko, é a kaa gi kaa bélimafɛ blɛɛn boen nya. Éé goo fɔɔ yé éé wɔraan Balebangikɔn gi, sɔ lé wa kɛlɛ kɔnmi nya, a zi, yé ’bɛ a la gi.

Ébrunu 7:27

Alé we ’ka bélé Balebanmunu ’lɛzan bɛnu zé zo lo. Yi faa do do ma woo Bale baan é vinin wobo lé wenyané ma, ’bɛ zuo yé wa baan munu lé wenyanénu ma. Naa, Jézu zé ’ka ’bɛ zo lo. É ébo nɔ Balebanfɛ nya gɔnɔ do kpen lɛɛ faa zé nya.

Ébrunu 9:3

Sɔ fiézan lé ke kɔnmi nya, wa zuo zia laama fɛna sauun tinle.