Ébrunu 9:5 - Kazambale lé Sebe Sauunu 1979

⁵ Gipawe pagikɛsu ta loru Kazambale lé sérubɛnnu ana, ’té wo furɔ éé zén‐é nyanai zén mi la nyanana ta. Bléyi ’ko ’ka wo ma we do do faa febléyi nya lo.

Ébrunu 9:5 ပူးပေါင်းရင်းမြစ်များ

2 Minwiinzannu 19:15

yé é bazoro Bale lɛ ’ko zo léé: Gakelebale, Izraɛl lé Bale lé é ke é nyanale sérubɛnnu méléna, bii ɛ ke tɛrɛ la bɛnnu faa lé Bale nya, bii do kpen; bii ɛ ke lanu valé tɛrɛ kɛlɛzan nya.

Minwiinzannu lé Wezuofe Sɛbɛ 28:11

David Gakelebale lé kɔn lé plaan nɔ é be Salomɔn lɛ; kɔn lɛɛ koo, kɔnnu koo, fɛwezannu tadɔ kɔnmi koo, kɔnmi lorunu koo, kɔn gi kɔnnénu koo, nyanaizén mi la na lé kɔnmi koo, é ’bɛ faa lé plaan nɔ a lɛ.

Lɛrɛvɔ Sɛbɛ 80:1

Azafa lɛrɛ ’ko vɔle gɔɔn lɛrɛvɔzannu zilɛzan lɛ. Lɛrɛvɔafɛ lé wa laama bolu lé goo, ’wa gyɛ a va. Lɛrɛ lé.

Lɛrɛvɔ Sɛbɛ 99:1

Gakelebale a é plale munu nwiin, gligli éé zén‐é munu gi; É mini sérubɛnnu ta; tɛrɛ ma éé nyɔɔn‐an.

Lévinu 16:13

é dan lasikɔrɔ zén lɛ kyɛnyɛ ta Gakelebale ’lɛ, léé, a goi ’é sɔɔla nyanai zén mi la nyanana lé ke Bale lé kɛsu ta, a ta, yé é ’ka gaan lo.

Lévinu 16:2

Gakelebale lé Moizi lɛ léé: Bé fe i bwe Arɔn lɛ léé, té é da sɔ zi Balekɔn gɔnɔma, nyanai zén mi la nyanana lé ke Bale lé kɛsu ta, a ’lɛ, bléyi faa ma lo, dé é da ga; naa, maa dan da lɛ nyanai zén mi la nyanana ta loru, lafu gi.

Mi Nɔnɔle 7:89

Moizi wɔra zén‐ékevasɔkɔn gi bléyian va, wefele Gakelebale lɛ we ma, mi lé ke we fena nyanai zén mi ta nyanana lé ke gipawe pagikɛsu ta loru, é azan dére ’ma sérubɛn fié méléna. Yé é we fe Gakelebale lɛ.

Rom munu 9:4

Wa Izraɛl munu nya; wo ɛ ke Kazambale lé né bozennu nya; wo ɛ Kazambale lé fuasan ye; Kazambale é gi pa do wo ɛ va; Kazambale bélidɔwe nɔ wo ɛ lɛ; wo ɛ Kazambale bɔ é bangikɔn gi; Kazambale blivolɛdére fe wo ɛ lɛ;

Éfez munu 3:10

’bɛ zo lé, sin wemaplɛplɛzannu valé fɛnu faa lé wo ke fɛnu lorunu na, ’té woo wo lɛdɔama, wo dan a gi dɔɔ lɛ léé, Kazambale a we gɔnɔ faa dɔɔzan nya, léglizi lé we ma,

Ébrunu 4:16

Bɛwemalé kaa bié zinblin sɔnɔ bɔn gi kinile nya ma, a nyanai zénle kaa ta we gi, yé dé we bɔ kaa ma bléyian va, yé é zin kɛlɛ kaa lɛ yé é bɔ kaa va.

1 Piɛri 1:12

Yé Bale a gɔɔn wo lɛ léé, wo ’ka we ’konu fena wobozen lé we ma lo, naa, ka ɛ lé we ma lé wo ke wo fena. Yé sin, Bale Léli Sauun pa zia yé alé plɛplɛ nya lé munu we ’konu fe ka lɛ sin. Lanjenu bozen, wo bli a é bɔle a ma léé, ’wo we ’konu gi maan.

1 Samuɛl 4:4

Wo munu nwunvɔ Silo, yé lai sunyanu lé Gakelebale lé gipawe pagikɛsu lé éé nyanaan a ta sérubɛnnu méléna, wa si, yé wo da a nya. Éli be fiénu Ofoni valé Finé ana bɛ, Bale lé gipawe pagikɛsu va.