Ébrunu 9:4 - Kazambale lé Sebe Sauunu 1979

⁴ Balebanna lé wa kɛlɛ kyan nya, ’té é ke lasikɔrɔ zé nya bɛ, é valé gipawe pagikɛsu lé wo kyan sele a ma, wa ’bɛna. Kyanbɔ lé mana ke a gi koo, Arɔn lé tawomayili lé é nɛɛ yé a vwi bi koo, gɔlɛfén lé gipawe ke é gyɛle a ta koo, wa gipawe pagikɛsu gi.

Ébrunu 9:4 ပူးပေါင်းရင်းမြစ်များ

1 Minwiinzannu 7:50

kana blɛnnu koo, sɛnnénu koo, kananu koo, ’yiminikananu koo, kyɛnyɛsibɔ lé wa kɛlɛ kyan tegele nya koo, duolinu lé ke fɛna sauun tinle valé fɛna sauun ’lɛ, wo vɔgikyan koo, woo lé.

1 Minwiinzannu 8:21

Gakelebale lé gipawe lé é a kɛlɛ Izraɛl munu va, élé wo sile Éjipiti tɛrɛ la bléyi va, maa a pagikɛsu dɔrana kɛlɛ.

1 Minwiinzannu 8:9

Gɔlɛfɛn ma nyaale fié lé Moizi a pa kɛsu gi Orɛb gɔ ma, bléyian va lé Gakelebale gipawe kɛlɛ Izraɛl munu va ’té wo si Éjipiti tɛrɛ la bɛ, a bléyi va, wo fié ’té ɛ ke kɛsu gi.

2 Minwiinmunu lé Wezuofe Sɛbɛ 5:10

Gɔlɛfén ma nyaale fié lé Moizi a pa kɛsu gi Orɛb gɔ ma bléyian va lé Gakelebale gipawe kɛlɛ Izraɛl munu va, ’té wo si Éjipiti tɛrɛ la bɛ, a bléyi va, wo fié ’té ɛ ke kɛsu gi.

Fwile 26:33

I dan sɔ vɔ lɛ nyawɛnnénu ’léé, yé i dan wenayefɛ pagikɛsu dɔra lɛ ’bɛna, sɔ zi; sɔ é dan fɛna sauun valé fɛna sauun tinle gi bɔi lɛ.

Fwile 31:18

Gakelebale nyaa aan wo wefele nya Moizi lɛ Sinai gɔ nwiin, é wenayefɛ fié nɔ a lɛ, gɔlɛfén nya, ’té Kazambale sɛbɛ gyɛ wo ta ’é bɛnwɔlɛ nya.

Fwile 32:15

Moizi nɔla yé é gɔ zun wenaye gɔlɛfén fié nya é lee; sɛbɛ a é gyɛle gɔlɛfén fié san fiénu la; é a é gyɛle wo san do la, yé é a é gyɛle wo san koɛ la.

Fwile 34:29

Moizi si Sinai gɔ nwiin yé é zun, ’té wenaye gɔlɛfén fié a a lee; bléyian va lé é a gɔ zunna, ’té a yara éé bié alé wefele Gakelebale lɛ we ma, ’té é ’ka a gi dɔɔa lo.

Fwile 37:25

Balebanna lé woo lasikɔrɔ no a ta, wa kɛlɛ akasiayili nya; a sangi a mɛtrɛ buu do, yé a ’wuola a mɛtrɛ buu do; a sangi valé a ’wuola faa bɔ ékema do, ’é sun nya, yé a wuo nwale loru a mɛtrɛ do. Bélinu a balebanna sun ziɛn ta, ’té woo valé balebanna sun a é vɔle é ke ’léé do.

Fwile 39:35

wenayefɛ pagikɛsu valé é siyilinu koo, nyanai zé mi la nyanana koo,

Fwile 40:3

I dan wenayefɛ pagikɛsu dɔra lɛ a gi, yé i dan kɛsu ta bua lɛ élé sɔ nya.

Lévinu 16:12

É dan kyɛnyɛ si lɛ balebanna lé ke Gakelebale ’lɛ, a ta, yé ’é a fan kyɛnyɛsibɔ nya, yé lasikɔrɔ pun lé a gin ke é baba, é dan ’bɛ si lɛ bɛ nya fié; é dan go lɛ fɛ ’konu nya sɔ lé ke kɔnmi nya, a zi;

Mi Nɔnɔle 17:10

Gakelebale lé Moizi lɛ léé: ’I go Arɔn lé tawomayili nya é pa gi, wenayekɛsu ’lɛ, bé tadɔ ’bɛna yé ’é kɛlɛ tɔmase nya Izraɛlnu lé nwamimazannu lɛ, léé, ’wo daan gungyɛle ma an ma, té ’wo ga lo we ma.

Mi Nɔnɔle 17:5

Mi lé alé tawomayili é vwi bi, maa dan a si lɛ a va, yé maa dan Izraɛlmunu lé gun gyɛle nyaa lɛ.

Mi Nɔnɔle 17:8

’Bɛ é tu kini, Moizi wɔra bléyian va wenayefɛ pagi sɔkɔn gi, bé ye, Arɔn lé tawomayili, yee lé ke Lévi lé kɔn zé nya, é puru dɔ, é nɛɛ, a vwi bi, yé amandéwɔlɛnu tana a ma.

Bélidɔwesɛbɛ Fiézan 9:11

Gɔlɛfén fié ’ko lé gipawe ke é gyɛle wo ta, Gakelebale wo nɔ an lɛ yiéyi yɔ fié béli yɔ fié nyaala nya.

Bélidɔwesɛbɛ Fiézan 9:9

Dé an gɔ gié, gɔlɛfén lé Bale ka valé ’wonu lé gipawe gyɛ a ta, a sile we gi, an vo gɔ nwiin yi yɔ fié, é yiéyi valé é béli; an ’ka fɛ ble lɛ lo, yé an ’ka ’yi mini lɛ lo;

Wegɔɔnle 11:19

Balebangikɔn lé é ke la gi, a lɛ so yé munu gipawe pagikɛsu ye Balebangikɔn gi. Lɛɛ yuɛ wuo vɔ yé dérenu we, zagelenu ban yé tɛrɛ manyɔɔn, yé goowɔlɛlɛɛ plɛplɛ da.

Wegɔɔnle 8:3

Yé lanje bɛ da, yé ’bɛ dɔ balebanna ta, ’té lasikɔrɔ kyɛblégi kyanbɔ a ’bɛ lee; wo lasikɔrɔ kiɛre nɔ a lɛ, alé wo nɔle balebanna lé wa kɛlɛ kyan nya, ’té é ke lasikɔrɔ zé nya bɛ, ’té é ke fuablin ’lɛ, a ta we gi, é valé Kazambale lé munu faa lé bazorolenu nya.