Ébrunu 9:2 - Kazambale lé Sebe Sauunu 1979

² Wo sɔkɔn dɔ webozen nya. Wa gi vininzan laama fɛna sauun, yé fintran koo, tablé koo, Bale ’lɛburunu koo, wo ana ’bɛna.

Ébrunu 9:2 ပူးပေါင်းရင်းမြစ်များ

Fwile 25:23

I dan tablé do kɛlɛ lɛ akasiayili nya; a sangi é dan kɛlɛ lɛ mɛtrɛ do, a ’wuola é dan kɛlɛ lɛ mɛtrɛ buu nya, yé a wuo vɔle é dan kɛlɛ lɛ mɛtrɛ buu do bɛlaa do.

Fwile 25:30

I dan an ’lɛburu dɔra lɛ tablé ta yifaama an ’lɛ.

Fwile 25:31

I dan fintran kɛlɛ lɛ kyan tegele nya. ’I dan fintran ’ko kɛlɛ lɛ kyan gyɛle nya; a gane koo, a pun koo, a bɔnu koo, a ma gininu koo, a vwinu koo, wo faa ’é kɛlɛ é ke ’léé do.

Fwile 26:1

I dan sɔkɔn kɛlɛ lɛ lɛnsɔ vu nya; lɛnsɔ zima lé wa tan lɛn nénéle nya, ’té a yuɛɛ ke glayivayou valé galunaa valé sɔɔn nya; i dan sérubɛnnu foto dɔ lɛ a ta pɛɛ gyɛle nya.

Fwile 26:33

I dan sɔ vɔ lɛ nyawɛnnénu ’léé, yé i dan wenayefɛ pagikɛsu dɔra lɛ ’bɛna, sɔ zi; sɔ é dan fɛna sauun valé fɛna sauun tinle gi bɔi lɛ.

Fwile 26:35

I dan tablé dɔra lɛ sɔ ’lɛzia, yé i dan fintran dɔra lɛ tablé yara sɔkɔn lé yirinwana bɛyilazia; yé i dan tablé dɔra lɛ yirinwana bɛbolazia.

Fwile 29:1

We lé i dan a kɛlɛ lɛ, bɛ plale wo ta we ma yé wo balebannyanama pa an lɛ, yee lé ke ’ko: Dirigɔné boroné valé ’blagɔné fié lé we do kpen ’ka wo ma lo, ’i wo si.

Fwile 29:35

Wenu faa lé maa i bélidɔ a nya Arɔn valé é benu zé nya, bé kɛlɛ. ’I wo bɛ pale Bale banle ta we ’ko kɛlɛ yi sɔrafié.

Fwile 40:2

Moné vinin lé yi vininzan nya, i dan zén‐ékevasɔkɔn dɔ lɛ.

Fwile 40:4

I dan da lɛ tablé nya yé bé ta fɛnu faa pa ’wo pana. I dan da lɛ kyan fintran nya yé i dan alé bɔnénu ma’lɛrɛ lɛ.

Matio 12:4

Fɛan zo lé é wɔra Balebangikɔn gi, yé Kazambale ’lɛburu lé, a blele se ’ka yee valé ’é vamunu lɛ lo, a blele se a Balebanmunu saa ɛ lɛ, yé wa ble, ka ’ka tan a ta fe lɛ Kazambale lé sɛbɛ gi loo?

Matio 5:15

yé wo ’ka kyɛbɔ bié yé wa wɔra bɔ wuo lo, naa, wa dɔraan kyɛbɔ dɔrana, ’té munu faa lé wo ke kɔn gi, ’té éé wo va kinié.

Ébrunu 9:25

É ’ka wɔra lɛ ’bɛna ébozen nɔle saraka nya gɔnɔ kiɛre nya lo, bélé fɛan zo lé Balebanmunu ’lɛzan éé wɔraan lɛɛ do gɔnɔ do wi nyɛ nya é lee fɛna sauun na, a zo lo;