Ébrunu 8:9 - Kazambale lé Sebe Sauunu 1979

⁹ É ’ka bélé gipawe lé maa a kɛlɛ wo tranu va Yian ma lé maa zi sia wo nya Wo sile Éjipiti tɛrɛ la we gi, a zo lo. Naa, wo ’ka wo yara pa lɛ anlé gipawe kɛlɛle ta lo; Amalé maa Mizambale léé: An yara sié wo ta é ziin.

Ébrunu 8:9 ပူးပေါင်းရင်းမြစ်များ

Wepélisiananu 19:16

É a mɔnna aan wo, ’bɛnu kun a bɛ ma, yee koo, a na koo, a lu fié koo, wo wo kun wo bɛ ma; é sɔ Gakelebale lɛ léé, wo vo é yuɛma, azama; wo go wo nya, yé wo si fla aan wo, wo daan wo ma.

JOB (Job) 8:20

Kazambale ’ka sɔn vɔa mi drɔle ma pelo, Yé é ’ka mi naanénu tabin‐é pelo.

Lɛrɛvɔ Sɛbɛ 105:43

É ’élé munu fwi ginanale blɛn nya, Munu lé é wo si a va, é wo fwi, ’té woo siaan ginanale nya.

Lɛrɛvɔ Sɛbɛ 77:20

I ilé zi pla wɛyi ta, I ilé zi pla ’yi blɛnnu ta, Yé wo ’ka i ganepanu ye lɛ lo.

Lɛrɛvɔ Sɛbɛ 78:57

Wo si Bale ma baa, wa bélé ’wo tranu zo, yé wo ’ka kɛlɛ lɛ yarapawelazannu nya lo, Wo nɔla bélé sawɔlɛ lé é zi buu, a zo.

Fwile 32:8

Zi lé maa a gɔɔn wo lɛ, wa saan é kele; wo diriné selele kɛlɛ ’wobo lɛ, yé wo dia ’wo bli la a lɛ; wo sarakanu bo a lɛ, yé wo léé: Izraɛl, ilé bale lé é i fwi Éjipiti tɛrɛ la, yee lo.

Fwile 34:10

Gakelebale léé: ’Maa gi pa do ka va ma. We blɛnblɛnnu lé wo ’ka tan a kɛlɛ lɛ tɛrɛ do kpen ta lo, ’té wo ’ka tan a kɛlɛ lɛ bɛn do va lo, maa dan a kɛlɛ lɛ ilé munu yuɛ va; i zimunu faa é dan Gakelebale panyanama ye lɛ, yé wo dan a ye lɛ léé, bii ɛ nya lé maa dan we blɛnblɛnnu ’ko lɛ sɔɔ lɛ.

Wegɔné Ma Lɛrɛ 8:5

De ɛ ke sina bwi gi bɛ, ’Té é a é tɛnle é sɔlɛzan maa? — Maa i vuo pɔmeyili wuo, ’Bɛna lé i bu i yaa, ’Bɛna lé é i yaa, yé i yi vinin ye. —

Ézai 40:11

É a bélé ’blatabinzan zo, é dan élé trubɛnu pa lɛ, É dan élé ’blanénu sia lɛ Yé é wo buvɔ ’é ma; Yé é dan go lɛ ’bla tinanu nya.

Ézai 41:13

Naa, maa a Gakelebale, ilé Bale nya, Maa i bɛyi dɔa plɛplɛ, Maa ɛ fe i lɛ léé, an dan bɔ lɛ i va, Amalé té i kana we do kpen lee lo.

Ézai 51:18

Alé négɔné faa lé é wo yaa bɛ, A do kpen ’ka ana yé ’bɛ é kun a bɛ ma lo. Négɔnénu faa lé é a pa, A do kpen ’ka ana yé ’bɛ é zi gɔɔn a lɛ lo.

Ézai 63:9

Wolé kleblele faa gi, lanje‐an wo si we gi lo; naa, Mizan boen ɛ wo tabo, élé sɔlɛle valé nyanaizénle gi é dɔ wo zuo yé é go wo nya yifaama, é li.

Jérémi 31:32

Gipawe lé maa a kɛlɛ wo tinu va, yian nya lé maa wo kun ’wo bɛ ma wo sile Éjipiti tɛrɛ la we ma, ’té wa sɛrɛ bɛ, dɔlé ’té maa a wozan nya, é ’ka dan kɛlɛ lɛ bélé ’bɛ gipawe zo lo. Maa Gakelebale ɛ ke a fena.

Jérémi Lé Wuvɔ Sɛbɛ 4:16

Gakelebale bli fli yé é wo fwila, É ’ka nɔlaan é dɛrɛ yé é yuɛ vɔ wo la lo; Balebanzannu ’ka wo nyanézannu yuɛ gi bɔa lo, Wo nyanai ’ka zén lɛ mi kwanu ta lo.

Ézékiɛl 16:59

Naa, Mizan Gakelebale léma: Bii lé, i bale kunle ye boawe nya yé i gipawe sɛrɛ, i we kɛlɛ fɛan zo bɛ, a zo duo lé maa dan we kɛlɛ lɛ i lɛ.

Ézékiɛl 16:8

An gié i punma yé maa i nagini. Yé bé ye, ’té izé bléyi bɔ; izé sɔlɛle bléyi bɔ. Maa anlé varɔ lɔlu zén i ta; an sɔ zén i porole ta. Maa anbo ’nyɔɔn léé, bii do ɛ ke anzé nya, an gi pa do i va yé i kɛlɛ anzé nya. A zo lé Mizan, Gakelebale a fe.

Amɔs 5:22

Dé ka an ban balebanwi lé wa kyɛ blé, ’bɛ valé blɛfɛ nyaoo, é ’ka sɔa an lɛ kiéné boenwo lo; diriné nyɔnɔzannu lé ka bɔvɔ saraka bo wo nya, wo ’ka an yuɛi bɔa lo.

Malasi 2:13

We do lé ka kɛla é ziin, yee lé ke ’ko: ka yuɛyi éé zén‐é balebanna ta, ’té ka wuvɔa, ’té ka dunnuan; Gakelebale ’ka é ban‐ɛn blé lo, yé fɛ lé ka nɔ a lɛ é ’ka a si lɛ lo, amalé ka wuvɔa.

Maak 8:23

Yé é kun yuɛwiizan bɛ ma yé é goan fla gini ma, yé ’bɛ zuo é ’léli pa a yuɛ ta, yé é bɛ pla a ta, yé é we laa a lee léé: I fɛ do yee?

Kelewenu 13:11

Sin, Mizambale bɛ a i ta; i kɛla yuɛwiizan nya yé bléyi kenu nya i ’ka dan yiri ye lɛ lo. Tɔɔn, a yuɛ gi gunu dɔra, yé é vo é bɛ danna fɛnu lɛ, yé é vo mi laana léé, wo dɔ ’é ’lɛ.

Kelewenu 7:36

Yee ɛ wo si Éjipiti tɛrɛ la we blɛnblɛnnu valé gyɛzorowenu kɛlɛle nya, Éjipiti tɛrɛ la koo, Wɛyi Sɔɔn va koo, bwi gi koo, wona, lɛɛ yɔ fié gi.

Kelewenu 9:8

Sɔl nwa tɛrɛ va, ’té a yuɛ a é fuole, duowo, é ’ka fɛ do kpen yé lo. Wo kun a bɛ ma, yé wo go a nya Damas.

Galasi munu 4:24

Wegɔnévɔle lé ke bɛ. Le fié ’konu a bélé gipawe fié zo. A do lé éé sié Sinai gɔ va, yé é né yaa luu bɛn nya, Agaa lé.

Bélidɔwesɛbɛ Fiézan 29:1

Gipawe lé Gakelebale a fe Moizi lɛ léé, ’é a kɛlɛ Izraɛl lé nénu va Moab tɛrɛ la, yee lé ke ’ko, naa, gipawe lé é a kɛlɛ Orɛb gɔ ma, ’bɛ kaan lo.

Bélidɔwesɛbɛ Fiézan 29:12

Ka da, ka gi pale do we ma, Gakelebale, kalé Bale va; gipawe lé Gakelebale a kɛlɛ ka va kyɔ, ’té woo wɔraan a gi bale ’nyɔɔnle nya, yee lé.

Bélidɔwesɛbɛ Fiézan 29:25

Yé wo dan a zi pa lɛ wo lɛ léé: Gipawe lé Gakelebale wo tranu lé Bale a kɛlɛ wo va, bléyian va lé é wo si Éjipiti tɛrɛ la, wo sɔn vɔ a ma, ’bɛlé we ma.