Ébrunu 8:8 - Kazambale lé Sebe Sauunu 1979

⁸ Naa, Mizambale léé: Izraɛl munu lé we ’ka tegele lo, yé é léé: Mizambale léma: Ka ye, yi do é dan bɔ lɛ, Yé maa dan gipawe dɛrɛ kɛlɛ lɛ Izraɛl valé Juda munu va,

Ébrunu 8:8 ပူးပေါင်းရင်းမြစ်များ

Ézai 55:3

’Ka an ban ka tɔné nya, yé ’ka da an va, ’Ka tɔné dɔ yé kaboen é dan vo lɛ é yuɛma; Gipawe lé é ’ka nyaan lo, kaa dan a kɛlɛ lɛ, Yé zin lé maa fe léé, maa dan a kɛlɛ lɛ David lɛ, a yi ’ka dan ga lɛ lo.

Jérémi 23:5

Gakelebale léma: Ka ye, a yinu é dan bɔ lɛ yé maa dan David punla nɛɛ lɛ mi tegele do nya yé é dan pla lɛ munu nwiin, yé fɛ kiɛre é dan nyian wo lɛ a ma, yé é dan we tegele valé we drɔle kɛlɛ lɛ tɛrɛ ’ko la.

Jérémi 23:7

Bɛwemalé, Gakelebale léma: Ka ye, a yinu é dan bɔ lɛ yé wo ’ka dan a fe lɛ é dɛrɛ léé: Gakelebale lé é Izraɛl munu si Éjipiti tɛrɛ la yé é da wo nya, ’bɛzan a é yuɛma, lo;

Jérémi 30:3

Gakelebale léé: Bé ye, a yi é dan bɔ lɛ yé an dan anlé munu Izraɛl valé Juda si lɛ luu gi yé an da wo nya. Tɛrɛ lé maa a nɔ wo tranu lɛ, maa dan da lɛ wo nya ’bɛna é ziin, yé é dan kɛlɛ lɛ wozé nya.

Jérémi 31:27

Gakelebale léma: Ka ye, a yi é dan bɔ lɛ, yé maa dan Izraɛl munu valé Juda munu fan lɛ; maa dan munu valé winu fan lɛ.

Jérémi 31:38

Gakelebale léé: Ka ye, a yinu é dan bɔ lɛ yé wo dan fla ’ko pa lɛ é ziin Gakelebale tɔ bɔle we ma, é sia Ananéɛl lé dɔtafɛ ma fɔɔ yé é bɔ flagɔrɔ sun ’léé ma.

Jérémi 32:40

Gipawe lé é dan vo lɛ ana lɛɛfaama, maa dan a kɛlɛ lɛ wo va. Maa ’ka dan an yara si lɛ wo ta é dɛrɛ lo, maa dan we zin kɛlɛ lɛ wo lɛ. Yé an dan an lee kanale pa lɛ wo bli gi, léé, té wo si an va lo.

Ézékiɛl 37:26

Maa dan an gi pa lɛ wo va do, wo vole drɔɔ we ma, yé gipawe lé éé voo ana lɛɛfaama, maa dan a kɛlɛ lɛ wo va. Maa dan wo suni wɔra lɛ, yé maa dan wo fan lɛ, yé maa dan anlé fɛna sauun dɔ lɛ wo méléna lɛɛ faa zé nya.

Matio 26:28

naa, é a an nyɛ nya; gipawe dɔ plɛplɛ nyɛ lé é zana mi kiɛre lé we ma, wo ma we vole wolé wenyanénu ma we gi, yee lé.

Maak 14:24

Yé é lé wo lɛ léma: Fɛ ’ko, an nyɛ lé. Gipawe dɔ plɛplɛ nyɛ lé é zana mi kiɛre lé we ma, yee lé.

WENÉNÉ LÉ LUK A GYE (Évangile selon Luc) 17:22

É lé é zuomunu lɛ léé: A bléyi é dan bɔ lɛ, yé é dan sɔ lɛ ka lɛ léé, ka maa blami Be lé yinu va yi do ye, yé ka ’ka dan a ye lɛ lo.

WENÉNÉ LÉ LUK A GYE (Évangile selon Luc) 22:20

A zo duo lé dé wo fɛ ble faa é ’yiminikana si yé é a nɔ wo lɛ a fele nya léé: Fɛ lé ke ’yiminikana ’ko gi, an nyɛ lé; é a gipawe dɛrɛ dɔ plɛplɛ nyɛ lé é zana kalé we gi, a nya.

WENÉNÉ LÉ LUK A GYE (Évangile selon Luc) 5:38

naa, é a lé wo dɔrɔ dɛrɛ zén wikɔlɛkuo dɛrɛnu gi.

1 Korent munu 11:25

’Bɛ zo duo lé, fɛblele zuo, é ’yiminikana si yé é léé: Fɛ lé ke kana ’ko gi, an nyɛ lé é gipawe dɔ plɛplɛ, yee lé. Dé ka a fɛ minina a gi yian nya, ’ka we ’ko kɛlɛ an sele dɔle ka gi we ma.

2 Korɛnt Munu 3:6

Yé é bɔ ko va é ziin yé ko bɔ kɛlɛle lɛ gipawe dɛrɛ gi nyanamapazannu nya léli yɛrama, naa, sɛbɛ yɛrama kaan lo; sɛbɛ éé fɛ gya, yé Léli éé fɛ bélié.

Bélidɔwesɛbɛ Fiézan 29:14

Gipawe ’ko lé woo wɔraan a gi bale ’nyɔɔnle nya, é ’ka ka do zé nya lo.

Ébrunu 12:24

Jézu lé é ke gipawe dɛrɛ gizan nya, yee koo, Jézu nyɛ lé é nwɛɛn yé a zuowe fila vɔ é mini Abɛl zé ta bɛ, yee koo, wo sɔnɔ lé ka ke é biéle.

Ébrunu 7:22

’Bɛ zo lé Jézu kɛlɛ gipawe lé é ke é zima é mini a vininzan ta, a gizan nya.

Ébrunu 8:13

É a fe aan wo léé, gipawe dɛrɛ, ’bɛ gi léé, a vininzan kɛlɛ é kwa. Yee lé é kɛlɛ é kwa, ’té é kwa gyɛ bɛ, a sile ana bɔ é pu.

Ébrunu 8:6

Naa, sin, Jézu lé balebannyanama tɔ a é bɔle é mini Balebanzannu faa zé ta; yé é ziin, gipawe dɛrɛ lé Jézu ke a gizan nya, é a é zima é mini gipawe vininzan ta. Blivolɛdére lé wa fe gipawe dɛrɛ ma, ’bɛ a néné é mini blivolɛdére lé wa fe gipawe vininzan ma, a ta, amalé gipawe dɛrɛ mini.

Ébrunu 9:15

We ’ko ma lé Krist kɛlɛ gipawe dɛrɛ gizan nya; wenyanénu lé munu a kɛlɛ bléyian va lé wo ke gipawe vininzan va, é ga wo sile wo lee we gi, munu lé Bale wo laa, tɔnɔ lé é ’ka nyaan lo, ’té Bale a fe léé, é dan a nɔ lɛ wo lɛ bɛ, wolé a blele we gi.