Ébrunu 8:5 - Kazambale lé Sebe Sauunu 1979

⁵ Naa, weboen lé, Balebanmunu ’ko lé balebannyanama a bélé fɛfoto zo, é a bélé we zuosonale zo. Yee fɛ boen a la gi. Ko ’bɛ gi dɔɔ we lé Kazambale a fe Moizi lɛ, ’té ’bɛ a gona sɔkɔn dɔna bɛ, a ma. É lé a lɛ léé: ’I yuɛ pa ibozen va. A dɔbɛ faa lé maa a gɔɔn i lɛ gɔ nwiin ’ko, bé faa kɛlɛ ’bɛ yɛrama ’kyɛ.

Ébrunu 8:5 ပူးပေါင်းရင်းမြစ်များ

Minwiinzannu lé Wezuofe Sɛbɛ 28:12

We faa lé ke David bli gi, Gakelebale lé kɔn gɔrɔnu koo, kɔnminu lé ke a zi fɛfaana Kazambale lé kɔn gi fɛwezannu valé fɛna sauun lé fɛwezannu tadɔkɔnnu nya, ’bɛ koo,

Minwiinzannu lé Wezuofe Sɛbɛ 28:19

David léé: Gakelebale bozen bɛ nya lé an sɛbɛ ’ko gyɛ yé é we ’konu gɔɔn an lɛ, yé é an bɔn‐in kini wo kɛlɛbɛ ma.

Fwile 25:40

’I yuɛ pa ibo va, ’i wo kɛlɛ a kɛlɛbɛ lé maa a gɔɔn i lɛ gɔ nwiin, a yɛrama.

Fwile 25:9

Sɔkɔn koo, a gifɛnu koo, ka dan wo kɛlɛ lɛ a kɛlɛbɛ lé maa dan a gɔɔn lɛ i lɛ, a yɛrama.

Fwile 26:30

I dan sɔkɔn nwa lɛ a kɛlɛbɛ lé maa gɔɔn i lɛ gɔ nwiin, a yɛrama.

Fwile 27:8

I dan a kɛlɛ lɛ é koro nya, yilifeenu nya; fɛan zo lé maa a nagɔɔn i lɛ gɔ nwiin, i dan a kɛlɛ lɛ a yɛrama.

Mi Nɔnɔle 8:4

Wo fintran kɛlɛ kyan gyɛle nya, fɔɔ yé é bɔ a ganenu valé a vwinu ma, wo wo faa foli kyan nya; Moizi fintran kɛlɛ fɛan zo lé Gakelebale a kɛlɛbɛ gɔɔn a lɛ, a zo.

Matio 2:12

’Bɛ zuo, Bale a fe wo lɛ nyɛ fla léé, té wo gié Érɔd vazia é ziin lo. Yé wo gié zi bɛ ’léé, yé wo go ’wolé fla.

Kelewenu 7:44

Zén‐ékeva sɔkɔn a kaa tranu lee bwi gi; mi lé é we fe Moizi lɛ, ’bɛzan lé a lɛ léé: Bé kɛlɛ a kɛlɛbɛ lé bé ye, a yɛrama.

Kolɔs munu 2:17

’Bɛ a wenu lé wo dan bɔ lɛ, wo furɔ nya, naa, kɔlɛ bozen a Krist nya.

Ébrunu 10:1

Bélidɔwe a bélé fɛfoto zo. Mi ’ka tɛlɛ tɛlama wezin boen yé a gi lo. Bélidɔwe ɛ fe léé, ’wo sarakanu duo bo lɛɛ do do faa ma, naa, munu lé woo Kazambale bɔa ’bɛ zo, bélidɔwe ’ka gun sié wo ma lo.

Ébrunu 11:7

Kazambale tɛlɛ tɛlama we fe aan wo Noé lɛ, kana zén a gi, yé blipale nya lé é ’yitagoro do kɛlɛ yee valé é kulu sile we gi we ma; alé blipale nya lé é we dɔ tɛrɛlamunu nwiin, yé kɛlɛle tegele lé mi a yé blipale ma, é a ye ézé nya.

Ébrunu 12:25

’Ka yuɛ pa kabozen va, mi lé ke we fena ka lɛ, té ka sɔn vɔ a dére ma lo. Munu lé wo sɔn vɔ Moizi lé é we fe wo lɛ tɛrɛ la ’ko, a dére ma, dé Bale we lɛdɔ wo gi ’naan, ’té kaa nii? Dé kaa sɔn vɔ mi lé é ke we fena lagi loru bɛ, ’bɛzan dére ma, Bale ’ka dan we lɛdɔ lɛ kaa gi loo?

Ébrunu 13:10

Kaalé balebanna do a; munu lé woo nyanama paan sɔkɔn gi, a se ’ka wo lɛ léé, wa ta fɛ ble lo.

Ébrunu 9:9

We ’ko a bélé fɛfoto lé we zo fɔɔ yé kaazé bléyi é bɔ. Bléyian va lé we ’ko ana, munu éé Balebanfɛnu no, ’té woo sarakanu boo, naa, ’bɛ zo Balebɔle ’ka gun sié mi ma lo. Mi ’bɛ gi dɔɔ é bli gi.

Jozué 22:28

Ko léma: Dé é kɛlɛ tɛlɛ tɛlama, dé wa fe ’bɛ zo, dé é a ko nyaoo, dé é a ko kulu nyaoo, ko lɛ, ko dan a zi pa lɛ léé: Gakelebale banna lé ko tinu a kɛlɛ, ka yé loo? Wo ’ka a kɛlɛ lɛ balebanwi kyɛblele valé saraka bole we ma lo, naa, wa dɔ kaa méléna tɔmase nya.

Wegɔɔnle 15:5

’Bɛ zuo, maa a naginina, ’té sɔkɔn lé wenayefɛ ke é pale a gi, alé fɛna sauun lɛ a é sole la gi.