Ébrunu 7:26 - Kazambale lé Sebe Sauunu 1979

²⁶ Balebanmunu ’lɛzan ’ko zo, ’bɛ a kaazé nya é zima; é a sauun, we ’ka a nwiin lo, a bɔn gi tiri ’ka lo, é kan kini wenyanékɛlɛmunu ma, yé é a loru baa é mini lanu ta.

Ébrunu 7:26 ပူးပေါင်းရင်းမြစ်များ

Lɛrɛvɔ Sɛbɛ 68:18

Woo Gakelebale lé goronu nɔnɔan baa vu vu ’léé, Baa wuru é wuru ’léé nya; Mizan a wo worona, é si Sinai gɔ nwiin yé é wɔra é nyanana ’lɛzan na.

Fwile 28:36

I dan kyan tegele gyɛ lɛ lɛlɛné, yé i dan a ta guru vɔ lɛ bélé bɛmazéné ta guru vɔle zo, léé, Gakelebale sauun zé lé.

Ézai 53:9

Wa pa mi nyanénu pana, A vun a fuazannu va, Dɔlé ’té é ’ka glawe kɛlɛ lɛ lo, Yé dablidére do kpen ’ka a ’léé lo.

Ézékiɛl 44:27

Yian nya lé é dan wɔra lɛ gɔrɔné gi fɛna sauun na, nyanama pale fɛna sauun na we ma, é dan élé wenyané ’yibo saraka bo lɛ. Yee lé Mizan Gakelebale a fe.

Mi Nɔnɔle 29:26

A yi soruzan nya, dirigɔné sɔraziɛn koo, ’blagɔné fié koo, lɛɛ do ’blané vu ta ziɛn lé we do kpen ’ka wo ma lo, wo koo, ’ka wo nɔ;

Matio 27:18

É a gi dɔɔ léé, wa maawona Jézu va amalé wo da a nya ’é lɛ.

Maak 16:19

Mizan we fe aan wo wo lɛ faa, yé Bale a sia yé é goan la gi, yé é nyana Kazambale bɛyila.

WENÉNÉ LÉ LUK A GYE (Évangile selon Luc) 1:35

Lanje lé a lɛ léé: Léli Sauun é dan zén lɛ i ta, yé Loruzan lé plɛplɛ é dan zén lɛ i ta bélé furɔ zo. Amalé né sauun lé i dan a yaa lɛ bɛ, wo dan a laa lɛ Kazambale Be.

WENÉNÉ LÉ LUK A GYE (Évangile selon Luc) 23:22

Pilat lé wo lɛ a gɔnɔ yaazan nya léé: Mɛ wenyané lé mi ’ko a kɛlɛɛ? Maa ’ka gawe do kpen ye lɛ a ma lo. Amalé dé maa a bla wɛsɛné nya faa, an dan daan lɛ a ma.

WENÉNÉ LÉ LUK A GYE (Évangile selon Luc) 23:41

Ko gale yara lé; kolé wenyané ma ban lé; naa, mi ’ko ’ka wenyané do kpen kɛlɛ lɛ lo.

WENÉNÉ LÉ LUK A GYE (Évangile selon Luc) 23:47

We lé é bɔ sunyayɔsoru ’lɛzan a ye aan wo, é Bale tɔ bɔ yé é léé: Mi ’ko a mi tegele nya webozen nya.

WENÉNÉ LÉ LUK A GYE (Évangile selon Luc) 24:26

É ’ka lé Krist é nyané ’konu ble yé é wɔra élé fua gi loo?

WENÉNÉ LÉ LUK A GYE (Évangile selon Luc) 24:46

Yé é lé wo lɛ léé: A zo lé wa gyɛ léé: Krist é dan nyané ble lɛ yé é dan nwa lɛ gamunu va yi fié a yaazan nya,

WENÉNÉ LE JAN A GYE (Évangile selon Jean) 14:30

Maa ’ka dan we kiɛre fe lɛ ka lɛ é dɛrɛ lo. Tɛrɛlamunu nwiinzan blɛn a dana yé an kunmawe ’ka a gi lo.

WENÉNÉ LE JAN A GYE (Évangile selon Jean) 8:29

Mi lé é an pa zia é a an va; a sɔlɛwe lé maa kɛla yifaama, amalé é ’ka an voo an do lo.

Kelewenu 3:14

Ka sɔn vɔ Mi Sauun lé é ke tegele, a ma, yé ka a laa Pilat lee léé, ’é wezin kɛlɛ ’wo lɛ migyɛzan bɔrale nya bokɔn gi ’wo lɛ.

Kelewenu 4:27

Wezen lé, Érɔd koo, Pɔns Pilat koo, bɛnnu koo, Izraɛl munu koo, wo faa ’wo péli vɔ do fla ’ko la i wuozan sauun Jézu ma, ’té bii nyɔnɔ zén a nwiin bɛ, a ma,

2 Korɛnt Munu 5:21

Krist lé é ’ka wenyané dɔɔ lɛ monomono lo, Bale a kinin wenyané nya kolé we ma, léé, Kazambale ’é ko kɛlɛ tegele bélé ’é zo Krist gi.

Ébrunu 1:3

Bale Be a Bale lé fuasan nya, yé é a Bale bozen nagɔɔnle nya yé a dére plɛplɛ éé fɛ faa kunwo ékema. Dé é nyaa kɛlɛle nya wenyané nyaafɛ nya faa, é nyana fuaneé Bale bɛyila la gi loru.

Ébrunu 12:2

’té kaa yuɛ a Jézu lɛ téiin, yee ɛ ke kaalé blipale ti valé a lɛsɔɔzan nya. Ginanale lé ke a ’lɛ mi bɛ, a yele we ma lé é nyané ble yiliblan ta, yé é yaragyɛwe ye we pla nya, yé é nyana Kazambale lé fuablin bɛyilazia.

Ébrunu 2:10

Naa, Kazambale lé, fɛnu faa ke azé nya, ’té é wo faa kɛlɛ bɛ, é sɔ a lɛ léé, mi kiɛre ’é kɛlɛ ’é benu nya yé ’é wo kɛlɛ fua nya, yé é a é zima léé, mi lé é wo béliwe bɔra bɛ, Kazambale ’é gun si a ma alé nyanéblele nya.

Ébrunu 2:17

Bɛwemalé é a lé é kɛlɛ é zuanénu zo we faa gi, léé, ’é kɛlɛ Balebanmunu ’lɛzan lé a nyanai éé zén‐é ’té éé yara paan we la, a nya Kazambale lé nyanama gi, munu lé wenyanénu ’yibole we ma.

Ébrunu 3:1

Bɛwemalé, ka lé ka ke an bwenu nya Kazambale va, ’té é ka laa la gi bɛ, ’ka bɔn‐in bɔrɔ Jézu ma do. Bale a pa zia léé, kaalé blipale mawe lé kaa fé, ’é kɛlɛ a gi nwunvɔzan valé Balebanmunu ’lɛzan nya.

Ébrunu 7:11

Balebannyanama lé wa nɔ Lévinu lɛ, é a bélidɔwe lé wa nɔ munu lɛ, a punsina nya. Naa, dé Lévi lé balebannyanama é bɔalɛ léé, é gun si mi ma ’naan, mɛmalé é a lé wo Balebanmunu ’lɛzan bɛ dɔ Mɛlkizédɛk dɔbɛ nya, ’té é ’ka Arɔn dɔbɛ nya loo?

Ébrunu 8:1

Wenu lé ko wo fe lao, wo va we blɛn lé é ke ’ko: Balebanmunu ’lɛzan ’ko zo ɛ ke kaazé nya; é a é nyanale Kazambale nyanana fuablin bɛyila la gi.

Ébrunu 9:14

’té Krist nyɛ nii? ’Bɛzé ’ka minié loo? Léli lé é ’ka gaan lo, ’bɛ nya lé ébo nɔ Kazambale lɛ saraka lé gun ’ka a ma lo, a nya. Kaa kɛlɛwenu lé wo tɔnɔ ’ka lo, a nyɛ ’ka dan wo si lɛ kaalé wevasibli gi yé kaa kɛlɛ Bale yuɛmale bɔzannu nya loo?

1 Piɛri 1:19

Krist lé ke bélé ’blané lé gyɛ ’ka a ma lo, ’té we do kpen ’ka a kɔlɛ ma lo, a zo, a nyɛ wezan nya lé Bale ka tabo.

1 Piɛri 2:22

Krist ’ka wenyané kɛlɛ lɛ monomono lo, Yé dabli dére do kpen ’ka a ’léé lo;

1 Piɛri 3:22

Jézu go la gi yé é nyana Kazambale bɛyila, yé lanjenu koo, fɛnu lé woo wo lɛdɔama koo, plɛplɛnu koo, wo pla a wuo.

1 Jan 2:2

Yeebozen kɛlɛ kaalé wenyané ’yibofɛ nya, kaa saa zé wenyané kaan lo, tɛrɛ faa la munu koo é ziin.

1 Jan 3:5

Naa, ka a gi dɔɔ léé, Jézu da wenyané sile munu lee we gi, yé wenyané do ’ka yeebozen gi lo.

Wegɔɔnle 3:7

’I sɛbɛ pa Filadɛfi léglizi lé lanje lɛ zia. ’Bé fe a lɛ léé: Mi sauun valé Webozen, ’té David lé lakléwɔlɛ ke a lee, dé é a lɛ so, mi do kpen ’ka a lɛ taan lo, dé é a lɛ tan, mi do kpen ’ka a lɛ soo lo, a dére lé é ke ’ko: