Ébrunu 6:9 - Kazambale lé Sebe Sauunu 1979

⁹ An blibɔmamunu, dé ko a we fena ’ko zo‐oo, é ’ka dɔ lɛ ko gi léé, kazé a ’bɛ zo lo. É a ko gi léé, kazé a fɛan zo, Bale é dan bɔ lɛ ka va.

Ébrunu 6:9 ပူးပေါင်းရင်းမြစ်များ

Ézai 57:15

Loruzan lé a nyanana ke ana lɛɛfaama, ’té a tɔ ke sauun, é léma: An nyanaan fɛna lorunu na, fɛna sauun na, naa, an nyanaan é ziin, mi lé a bli kyɛ ke é dɔle, ’té ébo kɛlɛ kiéné, a va, léé, maa fuu dɔ bokiénézan ta, yé maa blikyɛdɔzan tɔrɔ paa.

Maak 16:16

Mian é bli vo a lɛ yé wa batizéwo, é dan si lɛ we gi. Mian é ’ka é bli vo lɛ a lɛ lo, alé we é dan a gyɛ lɛ.

Kelewenu 11:18

Bale lé munu we ’ko ’ma aan wo, wo bli vo drɔɔ, yé wo Kazambale tɔ zin bɔ a fele nya léé: Kazambale bli nɔlale nɔ é ziin bɛn bɛnu lɛ, wo vole é yuɛma we gi.

Kelewenu 20:21

yé an we fe Juifinu valé Grɛkinu lɛ léé, ’wo bli nɔla Kazambale vazia yé ’wo bli vo Kozan Jézu Krist lɛ.

1 Korent munu 10:14

Bɛwemalé, an blibɔmazannu, ’ka sɔn vɔ miyili bɔle ma.

2 Korɛnt Munu 12:19

A pélisiana mɔn, é dɔ ka gi léé, ko a kobo drɔna ka yuɛ va. Gba, ko we fé Krist gi Kazambale ’lɛ, yé an sɔlɛzannu, ko ’bɛ faa fé ka tinle Bale lé we gi we ma.

2 Korɛnt Munu 7:1

An sɔlɛzannu, blivolɛdére ’ko zonu a kaa lee, amalé kaa dɔbɛ kyɛn ma tiridɔfɛnu valé léli ma tiridɔfɛnu faa si kaa ma ma, kaa kɛlɛle sauun lɛsɔɔle we ma, kanale Kazambale lee nya.

2 Korɛnt Munu 7:10

Blikyɛdɔle lé éé sié Kazambale va, a tɔnɔ lé ke bli nɔlale lé éé goo mi nya silewegi va, a nya; ’té mi ’ka é gi bɔrɔan léé, ’é nɔla ’bɛ ma monomono lo. Naa, tɛrɛla blikyɛdɔle tɔnɔ a gale nya.

Galasi munu 5:6

Dé mi a Jézu Krist gi, ganedɔle valé ganedɔlo tɔnɔ ’ka lo; naa, blipale lé éé we kɛla sɔlɛle nya, yee ɛ tɔnɔ ke.

Ébrunu 10:34

É ziin, ka nyanai zén bokɔngimunu ta, yé dé wo kalé fɛnu si ka lee, ka gi nana ’bɛ ma, naa, ka gi dɔɔ léé, fɛ zin babanu lé wo ’ka nyaan lo, wa ka lee.

Ébrunu 10:39

Naa, munu lé wo diéra yé wo san, kaa ’ka wo va mi kenu nya lo, naa, munu lé wo bli ke wo boen sile we gi lɛ, kaa a wo va mi kenu nya.

Ébrunu 2:3

Dé kaa yara si silewegi blɛn ’ko zo ta, we é dan si lɛ kaa nwiin kaa? Mizan bozen ɛ silewegi ’ko lé we fe é vinin, yé munu lé wo we ’ko ’ma a ta, wo yee duo fe kaa lɛ é ziin,

Ébrunu 5:9

Gun si Bale Be ma aan wo, é kɛlɛ bélile lé a glɛ ’ka lo, a bɔrazan nya, munu lé wa lɛdɔama, wo lɛ.

Ébrunu 6:10

Naa, Kazambale ’ka weple kɛla lo. Ka nyanama pa fɛan zo, ’bɛ sele a Kazambale gi. Ka a gɔɔn léé, Kazambale tɔ sɔ ka lɛ, alé munu mawe kɛlɛle nya fɛan zo, ’té ka a kɛlɛna tan bɛ, ’bɛ sele a a gi.

1 Piɛri 2:11

’Kaa lé ka sɔ an lɛ, ka a bɛnnu valé giézannu nya, amalé maa we plaan ka lɛ léé, mi dɔbɛ kyɛn lé blibɔmawenu lé woo guli daan mi boen va, ’ka daan wo ma.

2 Piɛri 3:1

’Kaa lé ka sɔ an lɛ, sɛbɛ fiézan lé maa a pa ka lɛ zia, yee lo. Wo fiénu gi, we lé ka gi dɔɔ, maa a a sele dɔna ka gi, ka vuole we gi yé ka ka gibɔrɔmawe dɔɔ.

1 Jan 2:7

’Kaa lé ka sɔ an lɛ, maa ’ka bélidɔwe dɛrɛ gyɛna ka lɛ lo. Bélidɔwe kyɛn lé ka a ’ma a pélisia bléyi va, yee lé. Bélidɔwe kyɛn ’ko, yee lé é ke dére lé ka a ’ma bɛ, a nya.

SEBE LÉ JUD A GYE (Épitre de Jude) 1:3

An béé zinnu, é sɔ an lɛ turu léé, maa sɛbɛ gyɛ ka lɛ, sile we gi lé ke kaa faa zé nya, alé we ma. Yé sin an bli a an nyununa léé, ’maa kɛlɛ, we plale ka lɛ we ma, léé, Kazambale lé we lé wa nɔ Kazambale lé munu lɛ gɔnɔ do lɛɛ faa zé nya, ’ka a ta guli dan.