Ébrunu 6:1 - Kazambale lé Sebe Sauunu 1979

^1-2 Bɛwemalé Krist lé we vininzannu lé wa paa ka gi, té kaa vo ’bɛ saa ma lo. Sɔnvɔle mi kɛlɛwenu lé ke bélé fɛ gale zo, wo ma, ’bɛ koo, bli vole Kazambale lɛ koo, batizé lé we paale koo, bɛ plale mi ta koo, gamunu nwale koo, welɛdɔle mi gi lé a glɛ ’ka lo koo, ’bɛ faa a a pélisia la we nya, amalé té ka vo ’bɛ saa ma lo. ’Ka yara pa we lé éé gun sié mi ma, a kɛlɛle ta.

Ébrunu 6:1 ပူးပေါင်းရင်းမြစ်များ

Wegɔnévɔlenu 4:18

Mi tegelenu lé zi a bélé san lé éé bié nyananyana, a zo; a bile gi éé goo gyɛle nya fɔɔ yé yiéyi é pa.

Zakari 12:10

Yé maa dan bli zin valé zantévɔ?-?bli vɔ lɛ David lé munu valé Jérusalɛm munu gi, yé maa lé wo an fɔn, wo dan ’wo yara nɔla lɛ an vazia. Yé wo dan an wuvɔ lɛ bélé néwɔlɛ do kpen wuvɔle zo, yé wo dan an wuvɔ lɛ kaii bélé né vininzan wuvɔle zo.

Matio 21:29

É léé: Maa ’ka gona lo. A zuo é bli nɔla yé é go.

Matio 21:32

Jan da aan wo zi tegele gɔɔn lɛ ka lɛ, yé ka ’ka bli vo lɛ a lɛ lo. Naa, vagɔɔlisimunu valé gɔnéginilomu wo bli vo a lɛ. Yé ka ’bɛ ye, yé a zuo ka ’ka ka bli nɔla lɛ yé ka bli vo a lɛ lo.

Matio 3:2

É léé: Kazambale lé plale mi nwiin bɔ é pu, amalé ’ka bli nɔla.

Matio 4:17

É sia bléyi ’ko va, Jézu kun Bale lé wefele ma, yé é léma: Kazambale plale mi nwiin bɔ é pu, amalé ’ka bli nɔla.

Matio 5:48

Ka Lagi Ti a fɛan zo, yé gun ’ka a ma lo, a zo lé té gun é vo ka ma lo ma.

Matio 7:25

Lɛɛ da, yé ’yi fan; fu gié plɛplɛ yé é zén kɔn ’ko ma. É a é dɔle gɔlɛ ta, bɛwemalé é ’ka zana lɛ monomono lo.

Maak 1:1

Kazambale Be Jézu Krist lé Wenéné pélisiana lé ke ’ko.

Maak 6:12

Wo go, yé wo we fe munu lɛ léé, ’wo bli nɔla.

WENÉNÉ LÉ LUK A GYE (Évangile selon Luc) 6:48

É a bélé mi lé é ke kɔn dɔna, yé é kɔngane vɔna guru bo baa, yé é kɔngane vɔ gɔlɛ ta, a zo. ’Yi fan yé ’yiyoro plɛplɛ zén kɔn ’ko ma yé é ’ka zana lɛ lo; wa dɔ é zima, azama.

WENÉNÉ LE JAN A GYE (Évangile selon Jean) 12:44

Jézu siaa yé é léé: Mi lé a bli vo an lɛ, an lɛan a bli vo lo; mi lé é an pa zia, ’bɛzan lɛ lé a bli vo;

WENÉNÉ LE JAN A GYE (Évangile selon Jean) 14:1

Té ka we do kpen gibɔrɔ pa lo. ’Ka bli vo Kazambale lɛ yé ’ka bli vo an lɛ é ziin ma.

WENÉNÉ LE JAN A GYE (Évangile selon Jean) 5:24

Maa fe ka lɛ kyɔ webozen nya, mi lé éé an dére maan, yé éé bli voo mi lé é an pa zia, a lɛ, vole é yuɛma lé a glɛ ’ka lo, é a ’bɛzan gi, yé wo ’ka dan alé we ble lɛ monomono lo; naa, é so ga lee, yé é wɔra vole é yuɛma gi.

Kelewenu 11:18

Bale lé munu we ’ko ’ma aan wo, wo bli vo drɔɔ, yé wo Kazambale tɔ zin bɔ a fele nya léé: Kazambale bli nɔlale nɔ é ziin bɛn bɛnu lɛ, wo vole é yuɛma we gi.

Kelewenu 17:30

Bléyian va lé munu ke wo tanyila, Kazambale ’ka wolé wenyané pa lɛ é ’wuo gi we nya lo. É yi do dɔ, ’bɛ yi nya wo dan tɛrɛlamunu faa lé we ble lɛ tegele. Mi lé é a dɔ weblezan nya, é ’bɛzan nwa gamunu va, yee ɛ ke munu faa lé tɔmase zin nya léé, Kazambale a dɔ weblezan nya. Amalé, lao, é munu faa béli dɔ fɛfaana léé, ’wo ’wo bli nɔla ma.

Kelewenu 2:38

Piɛri lé wo lɛ léé: ’Ka bli nɔla ma, yé ’wo ka faa batizéwo Jézu Krist tɔ nya, Bale lé ka ma we vole we gi, yé ka dan Léli Sauun ye lɛ blɛ nya.

Kelewenu 20:21

yé an we fe Juifinu valé Grɛkinu lɛ léé, ’wo bli nɔla Kazambale vazia yé ’wo bli vo Kozan Jézu Krist lɛ.

Kelewenu 26:20

Maa we fe munu lɛ léé, ’wo bli nɔla yé ’wo zi nɔla yé ’wo da Kazambale va yé ’wo blinɔlale lé kɛlɛwe kɛlɛ ma. É vinin maa fe Damas munu lɛ, ’bɛ zuo maa fe Jérusalɛm valé Judé munu faa lɛ, bɛn bɛnu koo, maa a fe ’bɛnu é lɛo.

Kelewenu 3:19

Bɛwemalé, ’ka bli nɔla, yé ’ka zi nɔla kalé wenyané ’yibole we ma,

1 Korent munu 13:10

naa, wean gun ’ka a ma lo, dé é da, we lé a lɛ ’ka é sɔɔle lo, é dan gié lɛ.

1 Korent munu 2:6

Naa, duowo, ko wedɔɔdére fé munu lé wo bɔ baa Bale lé we gi, wo lɛ. É ’ka bléyi ’ko va wedɔɔle nya lo, yé bléyi ’ko va minwiinzannu lé, wolé we é dan nyaa lɛ lao bɛ, é ’ka wolé wedɔɔle nya lo.

2 Korɛnt Munu 7:1

An sɔlɛzannu, blivolɛdére ’ko zonu a kaa lee, amalé kaa dɔbɛ kyɛn ma tiridɔfɛnu valé léli ma tiridɔfɛnu faa si kaa ma ma, kaa kɛlɛle sauun lɛsɔɔle we ma, kanale Kazambale lee nya.

2 Korɛnt Munu 7:10

Blikyɛdɔle lé éé sié Kazambale va, a tɔnɔ lé ke bli nɔlale lé éé goo mi nya silewegi va, a nya; ’té mi ’ka é gi bɔrɔan léé, ’é nɔla ’bɛ ma monomono lo. Naa, tɛrɛla blikyɛdɔle tɔnɔ a gale nya.

Éfez munu 2:1

É vinin, ka a é gale kalé we sɛrɛlenu valé kalé wenyanénu lé we ma;

Éfez munu 4:12

gun sile Kazambale lé munu ma we gi, yé wo bɔ Kazambale va nyanama pale lɛ, yé wo Krist kɔlɛ dɔ gligli.

Kolɔs munu 1:28

Krist ’ko, alé we lé ko fé, ’té ko we plaan mi faa lɛ, ’té ko wedɔɔwe faa paan mi faa gi, léé, dé ko go wo nya Bale va ’té gun a é sile wo ma Jézu Krist lé we ma.

Kolɔs munu 3:14

Naa, we ’konu ta loru, munu ’é sɔ ka lɛ ma; sɔlɛle a we lɛsɔɔle nya yé é a bélé kyɛsidi lé wa dɔ sɔ la, a zo.

Kolɔs munu 4:12

Épafras lé é ke ka va mi do nya bɛ, é we ka va; é a Jézu Krist wuozan nya, yé é ’ka daanma ka ta gulidanle ma bazorole nya lo léé, ’ka dɔ gligli yé gun ’é si ka ma, yé ’ka ’wuo dɔ Kazambale lé blibɔmawe faa wuo.

1 Timoté 3:16

Kazambale bɔzi wɔlɛmawe a blɛn, webozen nya. Kazambale ébo nagɔɔn mi kɔlɛ gi, yé a Léli a tegele nagɔɔn, yé lanjenu a ye, yé munu alé we fe bɛnnu lɛ, yé munu bli vo a lɛ tɛrɛ la, yé wo goan la gi.

1 Timoté 6:19

’Bɛ zo we kɛlɛle nya lé wo dan fɛwezannu zun dɔ lɛ tɛlɛ tɛlama zé nya é ta nya drɔɔ é pla, yé ’bɛ ma lé wo dan bélile bozen ye lɛ.

2 Timoté 2:19

Kazambale lé wegane a é vɔle gligli duowo; naa, a dɔgligli dérenu lé ke ’ko: munu lé wo ke Mizan zé nya, é wo dɔɔ; yé mian éé Mizan tɔ laan, ’é daan weple ma ma.

Ébrunu 11:6

naa, dé mi bli ’ka Kazambale lɛ lo, ’bɛzan ’ka bɔa sɔle lɛ Kazambale lɛ lo. Naa, mian éé biéan Kazambale sɔnɔ é a lé é pa a ta léé, Bale a, yé munuan wa naginina é a wo goolipazan nya.

Ébrunu 12:13

yé ’ka tawo zi drɔle ta yé kalé tun?-?boganenu é dan béli lɛ, yé ka powuo?-?wɔlɛ ’ka dan so lɛ é ke ’léé lo.

Ébrunu 7:11

Balebannyanama lé wa nɔ Lévinu lɛ, é a bélidɔwe lé wa nɔ munu lɛ, a punsina nya. Naa, dé Lévi lé balebannyanama é bɔalɛ léé, é gun si mi ma ’naan, mɛmalé é a lé wo Balebanmunu ’lɛzan bɛ dɔ Mɛlkizédɛk dɔbɛ nya, ’té é ’ka Arɔn dɔbɛ nya loo?

Ébrunu 9:14

’té Krist nyɛ nii? ’Bɛzé ’ka minié loo? Léli lé é ’ka gaan lo, ’bɛ nya lé ébo nɔ Kazambale lɛ saraka lé gun ’ka a ma lo, a nya. Kaa kɛlɛwenu lé wo tɔnɔ ’ka lo, a nyɛ ’ka dan wo si lɛ kaalé wevasibli gi yé kaa kɛlɛ Bale yuɛmale bɔzannu nya loo?

SEBE LÉ JAK A GYE (Épitre de Jacques) 1:4

Yé é a lé bli tiéé é kɛlɛwe lɛ sɔɔ ka gi, gun sile ka ma valé ka tinle we gi, ’té we do kpen ’ka vuruan ka ma lo.

1 Piɛri 1:21

Yee ɛ ma lé é ziin ka bli vo Kazambale lé, ’bɛ a si gale va yé ’bɛ fua nɔ a lɛ bɛ, ’bɛ lɛ, ka pale Kazambale ta valé ka bli vole Kazambale lɛ we gi.

1 Piɛri 5:10

Zin faa kɛlɛ Bale, yee ɛ ka laa Jézu Krist gi élé fua lé a glɛ ’ka lo, a blele ma, dé ka nyané ble bléyi sɛ nya faa, é dan gun si lɛ ka ma, é dan ka dɔ lɛ plɛplɛ, é dan ka fuu dɔ lɛ ka ta, é dan ka dɔ lɛ gligli.

1 Jan 4:12

Mi do kpen ’ka tan Kazambale ye lɛ monomono lo. Dé kaa sɔ kaa ke lɛ, Kazambale a kaa gi, ’té alé sɔlɛle boen a kaa gi.