Ébrunu 5:7 - Kazambale lé Sebe Sauunu 1979

⁷ Bléyian va lé Jézu a blami nya, é bazoro yé é zanté vɔ Kazambale lé, éé bɔa a sile lɛ ga lee, a lɛ; é bazoro siaale plɛplɛ valé yuɛyi sole nya. Yé é pla Bale wuo é zima amalé Bale a ’ma.

Ébrunu 5:7 ပူးပေါင်းရင်းမြစ်များ

Lɛrɛvɔ Sɛbɛ 22:24

Ka lé ka kanaan Gakelebale lee, ’ka a tɔ zin fe. Ka faa lé ka ke Jakɔb kulu nya, ’ka a tɔ zin bɔ. Ka faa lé ka ke Izraɛl kulu nya, ka ma ’é nyɔɔn a ’lɛ.

Lɛrɛvɔ Sɛbɛ 69:1

David lɛrɛ ’ko vɔle gɔɔn lɛrɛvɔmunu zilɛzan lɛ. Lɛrɛvɔafɛ lé wa laama bolu lé goo, ’wa gyɛ a va. David zé lé.

Lɛrɛvɔ Sɛbɛ 88:1

Ezra mi Éman lɛrɛ ’ko vɔle gɔɔn lɛrɛvɔmunu zilɛzan lɛ. Bale tɔbɔlɛrɛ lé. Koré kulunu lé lɛrɛ lé. ’Wa vɔ séén va.

Ézai 49:8

Gakelebale léma: Zin kɛlɛ mi lɛ bléyi va, maa dan i dére ’ma lɛ, Misiéwegi yi nya, maa dan bɔ lɛ i va; Maa dan i tabin lɛ yé maa dan i dɔ lɛ maa valé munu gipadozan nya Tɛrɛ vɔle a ma we ma, Yé tɔnɔfɛnu lé wo sɛrɛ turu, i dan wo guli lɛ é ziin wozannu ma;

Ézai 53:11

É dan élé nyanéblele ma tɔnɔ ye lɛ yé ’bɛ é dan a fan lɛ ginanale nya; Alé wedɔɔle nya lé an wuozan tegele é dan mi kiɛre kɛlɛ lɛ tegele, Yé é dan wolé weplenu kɔné si lɛ.

Ézai 53:3

Munu serele bo a ma yé wo sɔn vɔ a ma, Kleblezan lé, nyanéblezan lé, Bélé mi lé wo yara si a ta, a zo; Ko lɔlu plɛn a ma, yé é ’ka ko yuɛgi bɔ lɛ lo.

Lévinu 2:2

É dan da lɛ a nya Balebanzannu Arɔn benu va; burupun zima ’ko lé wo nyɔnɔ zén a va bɛ, Balebanzan é dan a si lɛ bɛ nya do, ’é valé lasikɔrɔpo faa nya, yé é wo kyɛ ble balebanna ta, we seledɔmigifɛ nya. É a balebanfɛblele lé, Gakelebale a gin sié néné, a nya.

Matio 27:46

Yiri tɛnlale plɛplɛ nya Jézu siaa dére plɛplɛ nya léé: Éli, Éli, lama sabakatani? ’Bɛ gi léé, anzé Bale, anzé Bale, mɛmalé i an vo an doo?

Matio 27:50

Jézu siaa plɛplɛ é ziin do yé a lɛ bo.

Maak 15:34

Jézu siaa dére plɛplɛ nya léé: Éloi, Éloi, lama sabakatani? ’Bɛ gi léé, anzé Bale, anzé Bale, mɛmalé i an vo an doo?

Maak 15:37

Naa, Jézu siaa plɛplɛ, yé é ga.

WENÉNÉ LÉ LUK A GYE (Évangile selon Luc) 23:46

Jézu siaa dére plɛplɛ nya léé: An Ti, maa an léli bɛ pa i lee. Dére ’konu fele nya lé é ga.

WENÉNÉ LE JAN A GYE (Évangile selon Jean) 1:14

Yé Dére kinin mi nya, yé é nyana ko va; ’té zin valé webozen saa ɛ ke a gi; yé ko alé fuasan nagini, mi lé é ke é Ti Be wɔlɛ do kpen lé, a zoɛ bɛ ’ka lo, a nya, ’té é si é Ti va, yee ɛ lé fuasan lé ko a nagini.

WENÉNÉ LE JAN A GYE (Évangile selon Jean) 11:35

Jézu wuvɔ.

WENÉNÉ LE JAN A GYE (Évangile selon Jean) 11:42

Dé é a maa nya, maa a gi dɔɔ léé, i an dére nyi sié yifaama, naa, maa a fe, munu lé wo zén an zi ’ko, wolé we ma, yé ’wo dɔ a ta léé, bii ɛ an pa zia.

WENÉNÉ LE JAN A GYE (Évangile selon Jean) 17:1

We ’konu fele zuo Jézu é yara nwa loru yé é léé: An Ti, a bléyi bɔ. Maa lé ke i Be nya ’ko, ’i an tɔ kɛlɛ blɛn yé maa i é tɔ kɛlɛ blɛn é ziin,

Rom munu 8:3

Kaa dɔbɛ kyɛn bélidɔwe tua, amalé we lé bélidɔwe ’ka bɔa a kɛlɛle lɛ lo, Kazambale a kɛlɛ. É a kɛlɛ fɛan zo, yee lé ke ’ko: ébozen Be pa zia wenyané ma ban nya kɔlɛ lé é ke bélé kaalé wenyanékɔlɛ zo, a gi; ’bɛ kɛlɛlɛ nya lé é wenyané lɛgama mi dɔbɛ kyɛn gi.

Galasi munu 4:4

Naa, a bléyi lɛ sɔɔ aan wo, Kazambale é Be pa zia; le do a yaa bélidɔwe wuozan nya;

1 Timoté 3:16

Kazambale bɔzi wɔlɛmawe a blɛn, webozen nya. Kazambale ébo nagɔɔn mi kɔlɛ gi, yé a Léli a tegele nagɔɔn, yé lanjenu a ye, yé munu alé we fe bɛnnu lɛ, yé munu bli vo a lɛ tɛrɛ la, yé wo goan la gi.

Ébrunu 10:10

Kazambale lé blibɔmawe lé é a fe bɛ, a lɛsɔɔle nya lé kaa kɛlɛ sauun; Jézu ébo kɔlɛ nɔ saraka nya gɔnɔ do kpen lɛɛ faa zé nya, azama.

Ébrunu 10:5

Bɛwemalé, bléyian va lé Krist da tɛrɛ la, é léé: Saraka koo, blan koo, bii Bale léé, ’é ’ka wo do va lo, Naa, i kɔlɛ do kɛlɛ anzé nya,

Ébrunu 11:7

Kazambale tɛlɛ tɛlama we fe aan wo Noé lɛ, kana zén a gi, yé blipale nya lé é ’yitagoro do kɛlɛ yee valé é kulu sile we gi we ma; alé blipale nya lé é we dɔ tɛrɛlamunu nwiin, yé kɛlɛle tegele lé mi a yé blipale ma, é a ye ézé nya.

Ébrunu 12:28

Naa fuatɛrɛ lé ke kaazé nya, ’bɛ ma ’ka dan nyɔɔn lɛ lo, amalé kaa Bale bɔ vɔ yé kaa bɔ a bɔbɛ lé é sɔ a lɛ, a nya, a lɛdɔmale valé kanale a lee nya.

Ébrunu 13:20

Mi vo drɔɔ Bale lé é ’Blatabinzan blɛn, Kaazan Jézu si gamunu va, yé é da a nya é ziin, gipawe lé é ’ka nyaan lo, a dɔ plɛplɛ nyɛ nya bɛ,

Ébrunu 2:14

Naa, kɔlɛ lé nénu éé sié a nya wo ti valé wo bu va, yee kɔlɛ duo nya lé Jézu da. Yé a gale nya lé, mi lé gale lé plɛplɛ ke a lee, ’bɛ gi léé, yonufaatagɔné, yé é ’bɛzan kulu ga,

1 Jan 4:3

Léli faa lé wo ke a fena léé, Jézu ’ka da lɛ blami nya lo, wo ’ka Kazambale zé nya lo, wa Kristmazan zé nya. Ka a ’ma léé, é dan da lɛ, yé é a sin tɛrɛ la.

2 Jan 1:7

Misaanmunu kiɛre ana tɛrɛ la sin. Wo léé: Jézu Krist ’ka da lɛ blami nya lo. Misaanzannu lé é ke wo nya; Jézu Krist mazannu lé é ke wo nya.