Ébrunu 5:14 - Kazambale lé Sebe Sauunu 1979

¹⁴ Naa, fɛ plɛplɛ blele a munu lé wo tin, ’té wevasile wo kun, ’té a zin koo, a nyané koo, wa dɔɔ bɛ, wozé nya.

Ébrunu 5:14 ပူးပေါင်းရင်းမြစ်များ

1 Tɛsalɔnik munu 5:21

’Ka wenu faa va si. ’Ka kun a zin ma ma.

Éfez munu 1:18

’é ka bɔn‐in dɔ ka ma ma, yé we lé ka bli ke a lɛ alé ka laale we ma koo, tɔnɔ lé Bale a yé élé munu ma, ’bɛ a fua blɛɛn nya fɛan zo koo,

1 Korent munu 2:6

Naa, duowo, ko wedɔɔdére fé munu lé wo bɔ baa Bale lé we gi, wo lɛ. É ’ka bléyi ’ko va wedɔɔle nya lo, yé bléyi ’ko va minwiinzannu lé, wolé we é dan nyaa lɛ lao bɛ, é ’ka wolé wedɔɔle nya lo.

Ézai 7:15

É dan dirinyɔyi valé zɔrɔnyɔnɔ ble lɛ fɔɔ yé é sɔnvɔle wenaané ma gi dɔɔ yé é wezin si a va.

Éfez munu 4:13

We ’konu é dan vo lɛ ana fɔɔ yé kaa faa bli é vo we do lɛ, yé kaa faa é Kazambale Be dɔɔ, yé kaa faa é tin yé kaa yara é kini bélé Jézu yara a é kinile fɛan zo, a zo.

Filip munu 3:15

Bɛwemalé, kaa faa lé kaa ke é tinle Kazambale lé we gi, bɔn‐in bɔrɔlenu ’ko zo ’é vo kaa gi ma. Yé dé ka a ka bɔn‐in bɔrɔna we bɛ ma, Kazambale é dan ka bɔn gi kini lɛ ’bɛ we ma é ziin.

1 Minwiinzannu 3:9

Amalé ’i wedɔɔbli nɔ i wuozan lɛ, ilé munu lé weblele we gi, wezin valé wenyané va sile we gi. Naa, ilé munu kiɛre ’ko, de ɛ bɔa wolé we blele lɛɛ?

Rom munu 14:1

Mi lé a bli ’ka é pale tegele lo, ’ka ’bɛzan si é zima, naa, mi do léé, ’ézé kɛla ’ko zo, yé a do léé, ’ézé kɛla ’ko zo, naa, té ka zavɔ ’bɛ wenu ta lo.

Wepélisiananu 3:5

naa, Kazambale a gi dɔɔ léé, dé ka ble yian ma, ka yuɛ é dan fuo lɛ yé ka dan kɛlɛ lɛ balenu zo, ’té ka wezin valé wenyané vasina dɔɔ.

2 Samuɛl 14:17

I wuo le léé: Anzan minwiinzan dére ’é flinle nɔ an lɛ ma. Naa, anzan minwiinzan a bélé Bale lé lanje do zo, ’té a tɔné a é dɔle wezin valé wenaané lɛ. Gakelebale, ilé Bale, ’é kɛlɛ i va ma.

Matio 5:48

Ka Lagi Ti a fɛan zo, yé gun ’ka a ma lo, a zo lé té gun é vo ka ma lo ma.

Lɛrɛvɔ Sɛbɛ 119:103

I dérenu a an ’léé néné, É mini zɔrɔnyɔnɔ wɔrale an ’léé lɛ.

JOB (Job) 12:11

Tɔné ’ka dére va sié Bélé mi lagoloma éé fɛ daan fɛan zo, a zo loo?

1 Minwiinzannu 3:11

Yé Bale lé a lɛ léé: I we ’ko laa an lee bɛ, yé mɔnle tɛrɛ la koo, fuanu koo, i nyanézannu gale koo, i ’ka wo laa lɛ izé nya lo, yé i wedɔɔle laa, we tegele kɛlɛle we gi,

JOB (Job) 34:3

Naa, tɔné éé dérenu va sié Bélé mi nɛnɛ éé fɛ néné dɔɔan fɛan zo, a zo.

JOB (Job) 6:30

Weple a an nɛnɛ laa? An ’léé ’ka we va sié yé maa wenaané dɔɔ loo?

SEBE LÉ JAK A GYE (Épitre de Jacques) 3:2

Kaa faa éé saan gɔnɔ kiɛre nya. Dé mi ’ka saan é dére fele gi lo, ’té gun ’ka a ma lo, ’té éé bɔa ébo kunle lɛ we faa gi.

Wegɔné Ma Lɛrɛ 2:3

An sɔlɛzan a pɛniɛnu méléna Bélé pɔmeyili lé ke pɔrɔ gi yilinu méléna, a zo. É sɔ an lɛ léé, an nyana a furɔ va, Yé a poro a néné an lagolo ma.

Wegɔné Ma Lɛrɛ 1:3

I ta lasikɔrɔ gin a néné é baba; I tɔ a bélé lasikɔrɔ lé a gin éé nwɛɛn‐an, a zo; Bɛwemalé i sɔ blɛn boronénu lɛ.

1 Timoté 4:7

Naa, fiinnu lé leblanénu a vɔa, ’té woo Kazambale lé we gi sɛra bɛ, ’i wo yi ga.

Ébrunu 6:1

Bɛwemalé Krist lé we vininzannu lé wa paa ka gi, té kaa vo ’bɛ saa ma lo. Sɔnvɔle mi kɛlɛwenu lé ke bélé fɛ gale zo, wo ma, ’bɛ koo, bli vole Kazambale lɛ koo, batizé lé we paale koo, bɛ plale mi ta koo, gamunu nwale koo, welɛdɔle mi gi lé a glɛ ’ka lo koo, ’bɛ faa a a pélisia la we nya, amalé té ka vo ’bɛ saa ma lo. ’Ka yara pa we lé éé gun sié mi ma, a kɛlɛle ta.