Ébrunu 5:12 - Kazambale lé Sebe Sauunu 1979

¹² Naa, ka lé ka namɔn, ’té é a kɔɔn léé, ka kɛlɛ wepaamigimunu nya, ka mawe a a gi léé, ’wo Kazambale lé we pélisiana vininnu paa ka gi é ziin. Ka kinin munu lé wo mawe ke a gi léé, ’wo nyɔ minian, ’té wo ’ka fɛ plɛplɛ va lo, wo nya.

Ébrunu 5:12 ပူးပေါင်းရင်းမြစ်များ

2 Samuɛl 16:23

’Bɛ bléyi va, wenu lé Asitofɛl a plaan mi lɛ, wa plɛplɛ bélé Bale bozen dére zo. Dé David lɛ léé, dé Abusalɔm lɛ léé, a zo lé Asitofɛl lé weplale ke.

Ezidras 7:10

Naa, Ezidras Gakelebale lé bélidɔwe draan yé é a ta tawo é bli faa nya, yé é bélidɔwenu valé Bale déretawenu paa Izraɛlnu gi.

Lɛrɛvɔ Sɛbɛ 34:11

Golizra boronénu ’ka dan fɛblele ye lɛ lo yé lɔrɔ é dan wo gyɛ lɛ, Naa, munu lé woo Gakelebale naginian, fɛ zima do kpen ’ka dan kle lɛ wo ma lo.

Ézai 28:13

Weboen lé, wo Gakelebale dére ’ma ’wo vazia léé, té bé kɛlɛ lo, té bé kɛlɛ lo, bé kɛlɛ, bé kɛlɛ, gba gba, ma ma, ta ta, wolé tawole yé wo dia ’wo bani ma we gi, yé wo wɔlɛ ’wii wo gi, wo kunle valé wo yerele we gi.

Ézai 55:1

’Kaa faa lé ’yiminilɔrɔ ke ka gyɛna, ’ka da ’yi va, Dé gɔɔli ’ka mian lee looo, ’Ka da fɛ lɔ yé ka ble. ’Ka da, ’ka nwɛ valé dirinyɔyi lɔ, gɔɔli we kaan lo, yé a banwowe ’ka a gi lo.

Matio 17:17

Jézu léé: Bli paan lo munu, ziri zo bɛn, ka léé, an lɛɛ nɔɔ ɛ kɛlɛ ka va faa ’lɛ, yé ka bli é vo an lɛɛ? Ka léé, maa kɛlɛ kaa? ’Ka da a nya an va ze.

Maak 9:19

Jézu lé wo lɛ léé: Blipaanlo bɛn, ka léé, an lɛɛ nɔɔ ɛ kɛlɛ ka va faa ’lɛ yé ka bli é vo an lɛɛ? Ka léé, maa kɛlɛ kaa? ’Ka da a nya an va. Yé wo da a nya a va.

Kelewenu 7:38

Munu lé wo zén ékeva bwi gi, yee Moizi a wo va, yé é a lanje va gɔ nwiin, ’té ’bɛ lanje éé we fé a lɛ. Yee Moizi ’ko lɛ lé lanje mi vo é yuɛma dére nɔ, yé é a nɔ kaa lɛ.

Rom munu 3:2

É a blɛn bɛ faa ma; a vininzan lé ke ’ko: Kazambale é dérenu bɛ pa Juifinu lee.

1 Korent munu 14:19

Naa, dé maa a léglizigimunu va, dé an dére soru fe anlé wedɔɔle nya, we paale mi bɛnu gi we ma, ’bɛ sɔ an lɛ é mini dére baa soru fele dére bɛnu gi ta.

1 Korent munu 14:20

Bwenu, té ka we va si bélé né kiéné zo lo. Dé é a wenyané kɛlɛna zia nya, ’ka kɛlɛ é tidian bélé né kiéné zo, naa, ’ka we va si bélé yarakinizan zo.

Galasi munu 4:3

A bɛ duo gi lé kaazé ke é ziin. Bléyian va lé kaa ke nénu nya, ’té kaa a tɛrɛlamunu lé we vininnu lé luu nya.

Filip munu 3:1

Yé sin, bwenu, ka gi ’é nana Mizan gi ma. We ’konu duo gyɛle ’ka ’naan an ma lo, yé é a wezin nya kazé nya.

Kolɔs munu 3:16

Krist dére ’é kɛlɛ ka méléna di ma. ’Ka we paa ka ke gi yé ’ka we pla ka ke lɛ wedɔɔle faa nya, Bale lé Lɛrɛvɔ sɛbɛ gi lɛrɛnu koo, Bale tɔbɔlɛrɛnu koo, lélilɛrɛnu koo, wo nya; ’ka lɛrɛ vɔ ka bli faa nya Kazambale lɛ zin nya ka bli gi.

Ébrunu 10:32

Bléyian va lé ka bɔn‐in kini, wenu lé ka kɛlɛ ’bɛ bléyi va, a sele saan ka gii? Ka kle blɛɛn ble yé ka dɔ gligli duowo.

Ébrunu 5:11

Wenu lé maa a a va léé, maa fe ka lɛ we ’ko ma, wa di, naa, ka tɔné gi kɛlɛ yuyu amalé wo gi fele ka lɛ a tɔntɔn.

Ébrunu 5:13

Miomian éé nyɔ minian, we tegele dére ’ka a kunwo lo, naa, é a né kiéné nya.

Ébrunu 6:1

Bɛwemalé Krist lé we vininzannu lé wa paa ka gi, té kaa vo ’bɛ saa ma lo. Sɔnvɔle mi kɛlɛwenu lé ke bélé fɛ gale zo, wo ma, ’bɛ koo, bli vole Kazambale lɛ koo, batizé lé we paale koo, bɛ plale mi ta koo, gamunu nwale koo, welɛdɔle mi gi lé a glɛ ’ka lo koo, ’bɛ faa a a pélisia la we nya, amalé té ka vo ’bɛ saa ma lo. ’Ka yara pa we lé éé gun sié mi ma, a kɛlɛle ta.

1 Piɛri 2:2

Ka a bélé liinénu zo, amalé ka bli ’é bɔ nyɔyi tegele lé ke Bale dére nya, a ma, fɛan zo lé liinénu bli éé bɔa nyɔyi ma, a zo. Dé ka a mini, ka dan tin lɛ a nya yé ka béli,

1 Piɛri 4:11

Dé mi do a we fena, ’é a fe Kazambale dére yɛrama; dé mi do a mi mawe kɛlɛna, ’é a kɛlɛ, plɛplɛ lé Kazambale a nɔ a lɛ, a nya. ’Ka we faa kɛlɛ Kazambale tɔ bɔle we gi Jézu Krist lé, fua valé plɛplɛ ke a lee lɛɛfaama bɛ, a nya. Amɛɛn.