Ébrunu 4:2 - Kazambale lé Sebe Sauunu 1979

² Fɛan zo lé wo Wenéné ’ko fe kaa lɛ, a zo duo lé wa fe wo lɛ é ziin, naa, dére lé wa fe wo lɛ, é ’ka bɔ lɛ blipale ma munu lé wa ’ma, wo bli gi lo, bɛwemalé a tɔnɔ do kpen ’ka kɛlɛ lɛ wozé nya lo.

Ébrunu 4:2 ပူးပေါင်းရင်းမြစ်များ

Kelewenu 13:46

Pɔl valé Banabas we fe wo lɛ bli ta plɛplɛ nya yé wo léma: É a lé wo Kazambale lé we fe ka lɛ é vinin. Naa, sin, ka sɔn vɔ a ma yé kabo lé we ka gyɛ léé, a yara ’ka léé, ka wɔra vole é yuɛma lé a glɛ ’ka lo, a gi lo. Amalé ko dan go lɛ bɛn bɛnu va.

Kelewenu 3:26

Kazambale é wuozan Jézu nwa aan wo yé é a pa ka lɛ zia é vinin, ka drɔɔ vole we gi, yé ka faa do do ’é si kalé weple kɛlɛle zuo.

Rom munu 2:25

Dé i bélidɔwe tawe kɛla, ’té ganedɔle tɔnɔ a, naa, dé i bélidɔwe sɛra, ’té é a bélé fɛan zo lé i gane ’ka é dɔle lo, a zo.

Rom munu 3:3

Yé dé wo va mi kenu bli ’ka é pale lo, bɛwemalé Kazambale ’ka é dére tawe kɛla loo?

1 Korent munu 13:3

Yé dé maa anlé fɛ faa nɔ fɛblele lɔle nyanégyɛzannu lɛ we gioo, dé maa an kɔlɛ nɔ é kyɛblele we gioo, dé sɔlɛle ’ka an gi lo, ’bɛ tɔnɔ do kpen ’ka kɛla an lɛ lo.

Galasi munu 3:2

’Ka we ’ko zi pa an lɛ do: ka Kazambale Léli ye bélidɔwe kɛlɛle nya laa, taa, bli vole Wenéné lɛ nya lé ka a yee?

Galasi munu 3:8

É ziin, Kazambale lé sɛbɛ a fale vɔ é kyɛn léé, Kazambale é dan bɛn bɛnu kɛlɛ lɛ tegele blipale nya; yé é wenéné ’ko fe Abraam lɛ a bléyi ’lɛ yé é léé: Bɛnnu faa drɔɔ é dan vo lɛ i gi.

Galasi munu 4:13

Ka ’ka wenyané do kpen kɛlɛ lɛ an lɛ lo. Ka a gi dɔɔ léé, an kɔlɛ ma gyɛ lé we ma lé maa Wenéné fe ka lɛ é vinin.

Bélidɔwesɛbɛ Fiézan 1:32

Dé Gakelebale, kalé Bale ’bɛ faa kɛlɛoo, ka ’ka pa lɛ ’bɛ ta lo;

1 Tɛsalɔnik munu 1:5

Naa, kolé Wenéné lé ko a fe ka lɛ bɛ, ko ’ka a fe lɛ dére saa nya lo. Ko a fe ka lɛ plɛplɛ koo, Léli Sauun koo, bɔngikiniwe bozen koo, wo nya. Fɛan zo lé ko ke ka méléna, ka ’bɛ gi dɔɔ.

1 Tɛsalɔnik munu 2:13

Kazambale dére lé ko a fe ka lɛ bɛ, ka ’ka a ye lɛ munu dére nya lo; ka a ye Kazambale dére ɛ nya. Yee ɛ ke a nya webozen nya. Yé éé nyanama paan ka lé ka bli vo a lɛ, ka gi. Amalé ko a Kazambale bɔ vɔna yifaama.

1 Timoté 4:8

Kazambale lé zi ta tawole ’é i kun ma. Mi kɔlɛ lé we kɛlɛle yé é a kun, a tɔnɔ a sɛ, naa, Kazambale lé zi ta tawole ɛ tɔnɔ ke yifaama; a ma blivolɛdére lé ke léé, éé mi bélié tɛrɛ la ’ko, yé gale zuo éé mi bélié é ziin.

Ébrunu 11:6

naa, dé mi bli ’ka Kazambale lɛ lo, ’bɛzan ’ka bɔa sɔle lɛ Kazambale lɛ lo. Naa, mian éé biéan Kazambale sɔnɔ é a lé é pa a ta léé, Bale a, yé munuan wa naginina é a wo goolipazan nya.

Ébrunu 3:12

Bwenu, ’ka yuɛ pa kabozen va; bli nyané lé é ’ka vo we lɛ lo, té ’é kɛlɛ ka va mi do gi fɔɔ yé é diéra Bale yuɛmale zuo lo.

Ébrunu 4:6

Naa, duowo, mi kenu é dan flinle ’ko ye lɛ, yé munu lé wo Wenéné ’ko ’ma é vinin, wo ’ka bli vo lɛ a lɛ lo, amalé wo ’ka flinle ’ko ye lɛ lo.

SEBE LÉ JAK A GYE (Épitre de Jacques) 1:21

Bɛwemalé, ’ka daan we tiridɔle faa valé miblifliwe faa kɛlɛle ma, yé Kazambale dére lé wa vɔ ka bli gi, ’té éé bɔa ka sile lɛ we gi bɛ, ’ka ’bɛ si bli drɔɔ nya.

1 Piɛri 1:12

Yé Bale a gɔɔn wo lɛ léé, wo ’ka we ’konu fena wobozen lé we ma lo, naa, ka ɛ lé we ma lé wo ke wo fena. Yé sin, Bale Léli Sauun pa zia yé alé plɛplɛ nya lé munu we ’konu fe ka lɛ sin. Lanjenu bozen, wo bli a é bɔle a ma léé, ’wo we ’konu gi maan.