Ébrunu 4:14 - Kazambale lé Sebe Sauunu 1979

¹⁴ Kazambale be Jézu a kaalé Balebanmunu ’lɛzan lé é go lanu gi, a nya, amalé kaa vo gligli blipale lé kaa fe léé, é a kaazé nya bɛ, a gi.

Ébrunu 4:14 ပူးပေါင်းရင်းမြစ်များ

Ézékiɛl 46:10

Dé wo wɔra ana bléyian va, minwiinzan é dan wɔra lɛ wo va, yé dé wa bɔrana bléyian va, é dan bɔra lɛ wo va.

Matio 4:3

migidanzan bié a sɔnɔ yé é léé: Dé i a Kazambale Be nya, bé fe gɔlɛ ’konu lɛ léé, ’wo kinin buru nya.

Maak 1:1

Kazambale Be Jézu Krist lé Wenéné pélisiana lé ke ’ko.

Maak 16:19

Mizan we fe aan wo wo lɛ faa, yé Bale a sia yé é goan la gi, yé é nyana Kazambale bɛyila.

WENÉNÉ LÉ LUK A GYE (Évangile selon Luc) 24:51

Bléyian va lé é a wo drɔɔ vona é si wo va yé Bale goan la gi.

Kelewenu 1:11

yé wo léé: ’Kaa Galilé munu, mɛwemalé ka dɔ la gi gininaa? Jézu bozen lé, wa si ka worona yé wo goan la gi, fɛan zo lé ka a ye gona la gi, a zo lé é dan da lɛ é ziin.

Kelewenu 3:21

é dan vo lɛ la gi fɔɔ yé a bléyi é bɔ yé fɛnu faa é kɛlɛ ’wo dɔbɛ gi, fɛan zo lé Kazambale a fe é kyɛn élé balelayezannu sauun lɔlu nya, a zo.

Rom munu 8:34

De ɛ dan wo gyɛ lɛ we nyaa? Jézu Krist ga, ’bɛ ta loru yé é nwa é ziin; é a Kazambale bɛyila, ’té éé goo kaalé muun nya Kazambale va.

2 Korɛnt Munu 12:2

Maa Krist gi mi do dɔɔ; a lɛɛ vu ta ziɛn lo wa sia yé wo goan fɔɔ la yaazan gi. Dé é a é kɔlɛ gii? Dé é si é kɔlɛ gii? Maa ’ka ’bɛ gi dɔɔa lo, Kazambale ɛ ’bɛ dɔɔ.

2 Korɛnt Munu 9:13

Kalé blɛ ’ko kɛlɛle a nagɔɔn léé, ka a Krist lé Wenéné lɛdɔna a ma, ’té ka fé, bɛwemalé munu éé Kazambale tɔ bɔa, yé blɛnu lé ka kɛla wo lɛ, é valé mi faa lɛ, woo Kazambale tɔ bɔa wolé we ma é ziin.

Éfez munu 4:10

Mi lé é zun tɛrɛ wuo, yee duo ɛ go lanu faa ta loru, fɛnu faa fanle we gi.

Ébrunu 1:8

Naa, é lé é Be lɛ léé: Bale, wo ’ka dan ilé webleblin si lɛ i lee monomono lo. Ilé plaminwiin soowoli vwii a we tegele vwii nya;

Ébrunu 10:12

Naa, Balebanzan ’ko zé a é yɛrama. É wenyané ma saraka bo gɔnɔ do ’té, ’bɛ zuo, é nyana Kazambale bɛyila yé é a yifaama é nyanale ’bɛna,

Ébrunu 10:23

Naa, mian é blivolɛdére ’ko fe, azan a yarapawelazan nya, bɛwemalé we lé kaa fe léé, kaa bli a a lɛ, kaa kun a ma kaa bɛ fié nya ma.

Ébrunu 10:29

’té é dɔ ka gi kaa? Dé mian é Kazambale Be kɛlɛ naanaazan nya, yé gipawe dɔ plɛplɛ nyɛ lé ’bɛ a kɛlɛ sauun bɛ, é ’bɛ ye boawe nya, yé é zin Léli sɔnɔ, a yara ’ka lé Bale é we lɛdɔ ’bɛzan gi welɛdɔle mi gi tɔntɔn bozen nya loo?

Ébrunu 12:2

’té kaa yuɛ a Jézu lɛ téiin, yee ɛ ke kaalé blipale ti valé a lɛsɔɔzan nya. Ginanale lé ke a ’lɛ mi bɛ, a yele we ma lé é nyané ble yiliblan ta, yé é yaragyɛwe ye we pla nya, yé é nyana Kazambale lé fuablin bɛyilazia.

Ébrunu 2:1

Bɛwemalé, wenu lé kaa wo ’ma, é a lé kaa wo kɛlɛ kaa bli faa nya, dé wo da saan kaa gi.

Ébrunu 2:17

Bɛwemalé é a lé é kɛlɛ é zuanénu zo we faa gi, léé, ’é kɛlɛ Balebanmunu ’lɛzan lé a nyanai éé zén‐é ’té éé yara paan we la, a nya Kazambale lé nyanama gi, munu lé wenyanénu ’yibole we ma.

Ébrunu 3:1

Bɛwemalé, ka lé ka ke an bwenu nya Kazambale va, ’té é ka laa la gi bɛ, ’ka bɔn‐in bɔrɔ Jézu ma do. Bale a pa zia léé, kaalé blipale mawe lé kaa fé, ’é kɛlɛ a gi nwunvɔzan valé Balebanmunu ’lɛzan nya.

Ébrunu 3:14

Kaa bli a Kazambale lɛ é vinin fɛan zo, dé kaa bli vo a lɛ ’bɛ zo fɔɔ yé kaa bɔ a ’wuoplana, ’té kaa a Krist gizannu nya.

Ébrunu 6:20

Ana lé Jézu wɔra kaa ’lɛvlɛ nya, kaa ’lɛgana nya, yé é kɛlɛ Balebanmunu ’lɛzan nya, Mɛlkizédɛk dɔbɛ nya, yé wo ’ka a tavɔɔan é dɛrɛ lo.

Ébrunu 6:6

dé wo diéra, ’té wa Kazambale Be gyɛna é ziin yiliblan ta yé wa yaragyɛwe bɔna a ma, bɛwemalé mi ’ka bɔa dale lɛ wo nya wo pa gi yé wo ’wo bli nɔla é dɛrɛ lo.

Ébrunu 7:3

A ti ’ka lo, a bu ’ka lo, a kulu ’ka lo, a pélisiana ’ka lo, yé é ’ka gaan lo, naa, é a Kazambale Be zo, yé éé voo Balebanzan nya lɛɛfaama, a glɛ ’ka lo.

Ébrunu 8:1

Wenu lé ko wo fe lao, wo va we blɛn lé é ke ’ko: Balebanmunu ’lɛzan ’ko zo ɛ ke kaazé nya; é a é nyanale Kazambale nyanana fuablin bɛyila la gi.

Ébrunu 9:12

Krist go fɛna sauun tinle na gɔnɔ do bléyi faa zé nya; é ’ka go lɛ ana boligɔné valé diriné nyɛ nya lo; naa, é go ébo nyɛ nya é lee. É kaa tabo ’bɛ zo ’té. We bɛ ’ka ’bɛ zuo monomono lo.

Ébrunu 9:24

Fɛna sauun lé mi a kɛlɛ fɛ boen zuosonafɛ nya, Krist ’ka wɔra lɛ ’bɛna lo. É wɔra la bozen gi yé ébo dɔ Kazambale yara sin kaalé we gi.

1 Piɛri 3:22

Jézu go la gi yé é nyana Kazambale bɛyila, yé lanjenu koo, fɛnu lé woo wo lɛdɔama koo, plɛplɛnu koo, wo pla a wuo.