Ébrunu 3:7 - Kazambale lé Sebe Sauunu 1979

⁷ Bɛwemalé Léli Sauun a fe ’ko zo, léé: Kyɔ, dé ka a dére ma,

Ébrunu 3:7 ပူးပေါင်းရင်းမြစ်များ

2 Samuɛl 23:2

Gakelebale léli éé we fé an lɔlu nya, A dére a an nɛnɛ la.

Lɛrɛvɔ Sɛbɛ 81:11

Maa a Gakelebale nya, kalé Bale lé é ka si Éjipiti tɛrɛ la, a nya. ’Ka ’léé fuo, yé maa dan a fan lɛ.

Lɛrɛvɔ Sɛbɛ 81:13

Naa, wo bli a zi bɛ ta, amalé maa wo vo wobo lé blibɔmawe lee, Woo tawoo ’wobozen lé weplalenu yɛrama.

Wegɔnévɔlenu 27:1

Té ibo ze vɔ tɛlɛ we kɛlɛle ma lo, naa, we lé éé bɔa yi do do ma, i ’ka a gi dɔɔa lo.

Bale Lé We Gifezan 9:10

Nyanama faa lé i wo yé, ’i wo pa ilé plɛplɛ nya; naa, i a gona fɛana, migalenu nyanana bɛ, wekɛlɛle koo, ’wuo gi bɔrɔle koo, gikinile koo, wedɔɔle koo, wo ’ka ana lo.

Ézai 55:3

’Ka an ban ka tɔné nya, yé ’ka da an va, ’Ka tɔné dɔ yé kaboen é dan vo lɛ é yuɛma; Gipawe lé é ’ka nyaan lo, kaa dan a kɛlɛ lɛ, Yé zin lé maa fe léé, maa dan a kɛlɛ lɛ David lɛ, a yi ’ka dan ga lɛ lo.

Ézai 55:6

’Ka Gakelebale nagini, bléyian va lé ka bɔa a yele lɛ, a bléyi va; Bléyian va lé é ke ka sɔnɔ, ’ka a tɔ laa.

Matio 17:5

É ke aan wo we fena, yé la fu tata do tua wo nwiin. Tɔɔn, Bale we fe la fu gi, yé é léé: Mi ’ko a an be lé é sɔ an lɛ é baba, a nya; a va sɔlɛle a an gi blɛn. ’Ka tɔné dɔ a lɛ.

Matio 22:43

Jézu lé wo lɛ léé: É kɛlɛ kaa yé Kazambale Léli David nyunu yé é a laa ézaan? Naa, David léé:

Maak 12:36

David bozen a fe Léli Sauun nya léé: Mizambale lé anzan lɛ léé: ’I nyana an bɛyila Fɔɔ yé maa i nyanézannu pla i wuo.

WENÉNÉ LE JAN A GYE (Évangile selon Jean) 10:16

’Bla bɛnu a é ziin anzé nya, ’té wo ’ka gɔrɔ ’ko gi ’blanu nya lo. ’Bɛnu é ziin, é a lé an da wo nya; wo dan an dére ’ma lɛ yé wo dan kɛlɛ lɛ trubɛ do kpen nya yé ’blatabinzan é dan kɛlɛ lɛ do kpen.

WENÉNÉ LE JAN A GYE (Évangile selon Jean) 10:27

Anlé ’blanu an dére maan, yé maa wo dɔɔ yé woo dan an zuo.

WENÉNÉ LE JAN A GYE (Évangile selon Jean) 10:3

’Blagɔrɔtabinzan éé gɔrɔ lɛ soo a lɛ, yé ’blanu a dére maan. ’Blanu lé wo ke azé nya, éé wo laan ’wo tɔ nya, ’té éé goo wo nya béera.

WENÉNÉ LE JAN A GYE (Évangile selon Jean) 5:25

Maa fe ka lɛ kyɔ webozen nya, a bléyi é dan bɔ lɛ yé é bɔ sin, ’bɛ bléyi va gamunu é dan maa Kazambale Be dére ’ma lɛ, yé woan wo dan a ’ma lɛ bɛ, wo dan béli lɛ.

Kelewenu 1:16

An bwenu, we lé wa gyɛ Kazambale lé sɛbɛ gi, ’té Léli Sauun a fe é kyɛn David lɔlu nya Judas lé we ma, ’té é ke zi gɔɔnzan nya Jézu kunmunu lɛ bɛ, é a lé a lɛ é sɔɔ.

Kelewenu 28:25

Wo kini aan wo ékema ’té woo za vɔa, Pɔl we sɛné fe é ziin yé é lé wo lɛ léé: Wezen lé Léli Sauun a fe ka tranu lɛ balelayezan Ézai lɔlu nya; é léé:

Kelewenu 8:29

Yé Kazambale Léli lé Filip lɛ léé: ’I go yé ka kee goro ’ko nya.

Ébrunu 10:15

Léli Sauun a yee we duo nayezan nya yé é léé:

Ébrunu 3:13

Naa, ’ka we pla ka ke lɛ yi faa do do ma, tu valé é kinile ma, té ka yi lɛbɛn lo, léé, té wenyané é dabli kɛlɛ ka va mi do kpen lɛ yé a tɔné gi é kɛlɛ yuyu lo.

Ébrunu 3:15

Dé Kazambale lé sɛbɛ a fe léé: Kyɔ, dé ka a dére ’ma, Té ka tɔné gi kɛlɛ a ma é yuyu bélé nwa Bale ma bléyi vamunu zé zo lo.

Ébrunu 4:7

Bɛwemalé Kazambale yi bɛ dɔ, yee lé ke kyɔ nya. Lɛɛ kiɛre giéle zuo é we fe David lɔlu nya, dére lé maa a fe ka lɛ lao bɛ, a nya. É léé: Kyɔ, dé ka a dére ’ma, Té ’ka tɔné gi kɛlɛ é yuyu lo.

Ébrunu 9:8

We ’ko nya Léli Sauun a gɔɔn léé, bléyian va lé sɔkɔn vininzan ke é dɔle, ’té fɛna sauun tinle lé zi lɛ ’ka tan so lɛ lo.

2 Piɛri 1:21

Munu lé blibɔmawe ’ka da lɛ balelawefele do kpen nya monomono lo, naa, Léli Sauun ɛ Kazambale lé munu nyunu yé wa fe Kazambale tɔ gi.

Wegɔɔnle 3:20

Bé ye, maa a é dɔle kɔn ’léé, ’té maa duoli gya. Dé mian é an dére ’ma yé é kɔn lɛ so an lɛ, ’té maa a wɔrana a va, yé maa fɛ blé a va yé éé fɛ blé an va.