Ébrunu 3:6 - Kazambale lé Sebe Sauunu 1979

⁶ naa, Krist kɛlɛ yarapawelazan nya bélé mi be lé ke é plale ébo lé kɔn nwiin, a zo. Yé kaa a alé kɔn nya, ’té dé kaa bli vo é pale gligli, yé kaa bli vo we lé éé kaa gi nanaan, a lɛ, fɔɔ yé kaa bɔ a ’wuoplana.

Ébrunu 3:6 ပူးပေါင်းရင်းမြစ်များ

Lɛrɛvɔ Sɛbɛ 2:12

’Ka a be tuu gyɛ ma, dé a bli é da nwa Yé ka zamagawo kalé zi ta, Naa, a bli éé flian é kele bélé kyɛblele zo. Munu faa lé woo paan a ta, wozé a néné.

Ézékiɛl 46:10

Dé wo wɔra ana bléyian va, minwiinzan é dan wɔra lɛ wo va, yé dé wa bɔrana bléyian va, é dan bɔra lɛ wo va.

Matio 10:22

An tɔ lé we ma lé munu faa é dan ka za pa lɛ. Naa, mian éé yara paan anlé we kɛlɛle ta fɔɔ yé ’é bɔ a ’wuoplana ’bɛzan é dan si lɛ we gi.

Matio 16:18

Yé maa lé i lɛ léé, bii a Piɛri nya, yé gɔlɛ ’ko ta lé maa dan anlé léglizi dɔ lɛ yé gamunu nyanana lé plɛplɛ ’ka dan gié lɛ a ta lo.

Matio 24:13

Naa, mian éé yara paan anlé we kɛlɛle ta fɔɔ yé é bɔ a ’wuo plana, ’bɛzan é dan si lɛ we gi.

Rom munu 11:22

Bɛwemalé Kazambale lé zin koo, a wɛwɛ koo, ’ka bɔn‐in bɔrɔ wo ma; munu lé wo diéra, a wɛwɛ a wo ma; yé alé zin a i ta, ’té dé i dɔ gligli zin ’ko gi; dé ’bɛ kaan lo, bii é ziin, é dan sɔn vɔ lɛ i ma.

Rom munu 12:12

Ka gi ’é nana bli kɛlɛle fɛ lɛ lé we ma ma. ’Ka kɛlɛ bli tiéézannu nya nyanéblele gi. ’Kabo nɔ bazorole lɛ.

Rom munu 15:13

Blivolɛ Bale ’é ka fan gi nanale nya yé ’é ka vo drɔɔ bɛ faa ma ka pale a ta we ma, fɔɔ yé ka bli é vo a lɛ tegelee, Léli Sauun lé plɛplɛ nya.

Rom munu 5:2

Kolé blipale ma lé Jézu ko wɔra Bale lé zin ’ko lé, ko ke é dɔle a gi gligli ’ko, a gi, yé ko gi a nanana léé, ko bli a Kazambale lé fuasan yele lɛ.

1 Korent munu 3:16

Ka ’ka a gi dɔɔa léé, ka a Kazambale kɔn nya loo? Yé Kazambale Léli éé nyanaan ka gi loo?

1 Korent munu 6:19

Ka ’ka a gi dɔɔa léé, Léli Sauun lé ke ka gi, ’té Bale a nɔ ka lɛ bɛ, ka kɔlɛ a alé kɔn nya loo? Yé ka ’ka a gi dɔɔa léé, ka ’ka kabozen zé nya lo loo?

2 Korɛnt Munu 6:16

Kazambale bangikɔn valé miyilinu, ’bɛnu éé nanaan? Naa, ko a Bale yuɛmale lé kɔn nya, bélé fɛan zo lé Kazambale a fe, a zo. É léé: Maa dan nyana lɛ wo va, yé maa dan tawo lɛ wo méléna; maa dan kɛlɛ lɛ wolé Bale nya, yé wo dan kɛlɛ lɛ anlé munu nya.

Galasi munu 6:10

Bɛwemalé, bléyian va lé a se a kaa lɛ, kaa wezin kɛlɛ mi faa lɛ ma, naa, bwenu lé wo ke Kazambale lé we gi, kaa wozé kɛlɛ kiɛre yé é mini mi bɛnu zé ta ma.

Galasi munu 6:9

Té kaa wɔlɛgi é nyaan kaa ma wezin kɛlɛle nya lo; naa, dé a bléyi bɔ, kaa dan a tɔnɔ ye lɛ, ’té dé kaa fuu ’ka si lɛ kaa ta lo.

Éfez munu 3:12

Jézu Krist lé we ma lé Kazambale zi nɔ kaa lɛ léé, kaa bié ’é sɔnɔ bli ta plɛplɛ nya, kaa bli vole a lɛ we ma.

Kolɔs munu 1:23

’té dé ka suni wɔra yé ka tin blɛɛn blipale gi, yé we lé ka bli ke a lɛ Wenéné lé ka a ’ma, alé we ma, ’té ka bli ’ka sié ’bɛ lɛ monomono lo. Wenéné ’ko, wa fe tɛrɛlamunu faa lɛ, yé maa Pɔl, maa kɛlɛ a gi nyanamapazan nya.

1 Tɛsalɔnik munu 5:16

Ka gi ’é nana yifaama ma.

2 Tɛsalɔnik munu 2:16

Kaazan Jézu Krist bozen valé kaa Ti Bale lé kaa sɔ a lɛ bɛ, ’té é zin kɛlɛ kaa lɛ kaa tɔrɔpaale nya yifaama, a glɛ ’ka lo, é valé bli kɛlɛle wezin lɛ nya bɛ,

Ébrunu 1:2

Naa, sin, bléyi voéla ’ko gi, é we fe kaa lɛ é Be Jézu lɔlu nya. É fɛnu faa nɔ é Be Jézu lɛ ’bɛzé nya yé Jézu nya lé é fɛnu faa kɛlɛ.

Ébrunu 10:19

Bɛwemalé bwenu, Jézu nyɛ lé we ma lé a zi a kaa lɛ léé, kaa wɔra fɛna sauun tinle na, ’té kana ’ka kaa gi lo.

Ébrunu 10:21

Naa, Balebanmunu ’lɛzan lé wa dɔ Kazambale lé kɔn nwiinzan nya, é a kaazé nya.

Ébrunu 10:23

Naa, mian é blivolɛdére ’ko fe, azan a yarapawelazan nya, bɛwemalé we lé kaa fe léé, kaa bli a a lɛ, kaa kun a ma kaa bɛ fié nya ma.

Ébrunu 10:35

Amalé sin, té ka bli si we lɛ lo. Kalé blivole we lɛ ma gooli a blɛn.

Ébrunu 11:1

Fɛnu lé mi bli ke wo lɛ, blipale ɛ wo yé; fɛnu lé mi ’ka wo yé lo, blipale ɛ ke wo nagɔɔnzan nya.

Ébrunu 3:14

Kaa bli a Kazambale lɛ é vinin fɛan zo, dé kaa bli vo a lɛ ’bɛ zo fɔɔ yé kaa bɔ a ’wuoplana, ’té kaa a Krist gizannu nya.

Ébrunu 4:11

Amalé kaabo tunu flinle ’ko yele we gi, léé, té mi do kpen é Juifinu lé Bale lɛgale a ma zuosona lo. Dé é a kɛlɛ, ’té éé saan.

Ébrunu 4:14

Kazambale be Jézu a kaalé Balebanmunu ’lɛzan lé é go lanu gi, a nya, amalé kaa vo gligli blipale lé kaa fe léé, é a kaazé nya bɛ, a gi.

Ébrunu 4:16

Bɛwemalé kaa bié zinblin sɔnɔ bɔn gi kinile nya ma, a nyanai zénle kaa ta we gi, yé dé we bɔ kaa ma bléyian va, yé é zin kɛlɛ kaa lɛ yé é bɔ kaa va.

Ébrunu 6:11

É sɔ ko lɛ léé, ka faa ’é vo a kɛlɛna ka sɔbɛla nya fɔɔ yé we lé ka bli ke a lɛ, yé ka a ye.

Ébrunu 6:18

Yé we fié ’ko lé wo ’ka nɔlaan monomono lo, ’té Kazambale ’ka bɔaléé, é viéwo wo gi lo, woo plɛplɛ no kaa lɛ. Kaa lé, kaa kaa yɔɔna ye, we fié ’ko, woo plɛplɛ no kaa lɛ, yé yee yɔɔna lé é ke blivolɛdére lé Bale a fe kaa lɛ, a nya.

1 Piɛri 1:8

Ka ’ka tan Jézu ye lɛ lo, yé é sɔ ka lɛ duowo; ka bli a a lɛ, dɔlé ’té ka ’ka tan a ye lɛ lo, yé ka gi a é nanale, gi nanale blɛn lé a gifedére ’ka lo, ’té é gié é glɛ la, a nya,

1 Piɛri 2:5

ka é ziin, ka a gɔlɛ yuɛmalenu nya yé dé ka bié a va ka dan kɛlɛ lɛ lélikɔn valé Balebanmunu gɔnɔ sauun nya Bale banle we gi, lélifɛ lé é sɔ Kazambale lɛ Jézu lé we ma, a nya.

1 Piɛri 4:17

Weblebléyi bɔ sin, yé a péli éé sian Kazambale lé kɔngimunu va. Yé dé a pélisia kaa va, munu lé wo ’ka Kazambale lé Wenéné lɛdɔama lo, wozé we ’wuo é dan pla lɛ kaa?

Wegɔɔnle 2:18

’I sɛbɛ pa Tiatii léglizi lé lanje lɛ zia. ’Bé fe a lɛ léé: Kazambale Be lé a yuɛ ke bélé kyɛnɛnɛ zo, ’té a ganenu ke bélé zéné lé kyɛ a tana, a zo, a dére lé é ke ’ko:

Wegɔɔnle 2:25

naa, yee lé é ke ka lee, ’ka kun a ma kli fɔɔ yé an da.

Wegɔɔnle 2:26

Mian we ’ko ’wuo vo a lɛ, ’té éé yara paan anlé we kɛlɛle ta fɔɔ yé é bɔ a ’wuoplana, maa dan a pla lɛ bɛnnu nwiin.

Wegɔɔnle 3:11

Bé ye, an dan da lɛ é kele. Fɛ lé é ke i lee, ’i kun a ma kli, té mi do kpen ilé tɔkoro si i lee lo.