Ébrunu 3:5 - Kazambale lé Sebe Sauunu 1979

⁵ Naa, Moizi kɛlɛ yarapawelazan nya Kazambale lé kɔn faa gi bélé miwuozan zo, yé we lé Bale é dan a fe lɛ, é kɛlɛ a gi wenayezan nya;

Ébrunu 3:5 ပူးပေါင်းရင်းမြစ်များ

Néémi 9:14

Ilé yi nyané lé ke flinyi nya, bé gɔɔn wo lɛ, yé bélidɔwe sɔnnénu koo, weplalenu valé bélidɔwe koo, i wuozan Moizi a paa wo gi.

Lɛrɛvɔ Sɛbɛ 105:26

É ’é wuozan Moizi nwunvɔ, Yee valé Arɔn lé, é a si a va, a nya.

Fwile 14:31

Gakelebale bɛ plɛplɛ lé é we kɛlɛ Éjipiti munu lɛ a nya, Izraɛl a ye. Yé munu kanaan Gakelebale lee, yé wo bli vo Gakelebale valé é wuozan Moizi lɛ.

Fwile 40:16

We faa lé Gakelebale a fe Moizi lɛ, Moizi a kɛlɛ. É a kɛlɛ ’kyɛ.

Mi Nɔnɔle 12:7

An wuozan Moizi zé ’ka ’bɛ zo lo. É a yarapawelazan nya anlé we faa gi.

Matio 24:45

Mi leezan yarapawelazan gikinizan lé azan a pla élé kɔngimunu nwiin léé, ’é wolé fɛblele nɔ wo lɛ a nɔbléyi nya, de léé?

Matio 25:21

Azan lé a lɛ léé: An wuozan zima, yarapawelazan, ’bɛ a é zima. I kɛlɛ yarapawelazan nya we kiéné ’ko gi, amalé maa dan fɛ kiɛre bɛ pa lɛ i lee; ’i da, ’i nyana an va, yé ko gi ’é nana ékeva.

WENÉNÉ LÉ LUK A GYE (Évangile selon Luc) 12:42

Yé Mizan léé: Mi leezan yarapawelazan gi kinizan lé azan a plaan élé kɔngimunu nwiin léé, ’é wolé fɛblele nɔ wo lɛ a nɔbléyi nya, de léé?

WENÉNÉ LÉ LUK A GYE (Évangile selon Luc) 24:27

Yé é a pélisia Moizi valé balelayemunu lé sɛbɛnu faa gi yé ébo tawe gɔɔn wo lɛ sɛbɛnu faa gi.

WENÉNÉ LÉ LUK A GYE (Évangile selon Luc) 24:44

A zuo yé é lé wo lɛ léé: Bléyian va lé maa ke yi la ka va, maa a fe ka lɛ léé, we lé wa gyɛ an ma we nya Moizi lé bélidɔwe koo, balelayemunu lé sɛbɛnu koo, lɛrɛvɔ sɛbɛ koo, wo gi, é a lé wo faa lɛ é sɔɔ. Yeean é kɛlɛ ’ko loo?

WENÉNÉ LE JAN A GYE (Évangile selon Jean) 5:39

É a ka gi léé, vole é yuɛma lé a glɛ ’ka lo, a ’wuo a Kazambale lé sɛbɛ nya, amalé ka ke a gi kulina. Kazambale lé sɛbɛ ’ko, ’bɛ ɛ an gɔɔn‐an ka lɛ.

Kelewenu 28:23

Wo yi do dɔ yé mi kiɛre da a va a nyanakɔn gi. Pɔl Kazambale plale mi nwiin lé we fe wo lɛ. Yé é Jézu lé we gɔɔn wo lɛ Moizi lé bélidɔwe valé balelayemunu lé sɛbɛ gi, kwa kulile nya wo ma. Wa wefele pélisia bladi fɔɔ yé nyanadi pa.

Kelewenu 7:37

Moizi ’ko ɛ we fe Izraɛl benu lɛ léé: Kazambale é dan mi do nwa lɛ ka lɛ ka bwenu méléna balelayezan nya bélé ’yee zo.

Rom munu 3:21

Naa, Kazambale éé mi kɛla tegele fɛan zo, ko ye sin, yé ko ye léé, bélidɔwe gin ’ka a ma lo; Kazambale éé mi kɛla tegele fɛan zo, bélidɔwe valé balelayemunu ana we fe; yee lé ke léé, mi faa lé wo bli ke Jézu Krist lɛ, Kazambale éé wo kɛla tegele blipale ma. Glɛ ’ka munu gi lo, azama.

1 Korent munu 4:2

We lé é sɔ mi lɛ léé, é bɛgizan a kɛlɛ, yee lé ke léé, ’é yara pa we la.

Bélidɔwesɛbɛ Fiézan 3:24

Mizan, Gakelebale, ilé blɛn valé i bɛ plɛplɛ, bé péli sia yé bé gɔɔn maa, i wuozan lɛ; dé é a lagi nyaoo, dé é a tɛrɛ la nyaoo, bale kyɛn ɛ ke ana yé é bɔalɛ é i panyanama valé i kɛlɛwe blɛnblɛn zuosonaa?

Bélidɔwesɛbɛ Fiézan 34:5

Gakelebale wuozan Moizi ga ’bɛna, Moab tɛrɛ la, Gakelebale a fe fɛan zo, a yɛrama.

1 Timoté 1:12

Kaazan Jézu Krist lé é an dɔ plɛplɛ, maa a bɔ vɔa léé, é an ye yarapawelazan nya, yé maa lé an ke é vinin Bale sɔnɔzan koo, nyané pa mi tazan koo, ’wiiéwelazan koo, wo nya, é an kɛlɛ Bale va nyanama pazan nya. Naa, maa we ’konu kɛlɛ an tanyila, ’té an bli ’ka é pale lo, bɛwemalé é nyanai zén an ta.

Ébrunu 1:1

É kyɛn Kazambale we fe kaa tranu lɛ gɔnɔ kiɛre valé bɛ kiɛre ma, balelayemunu lɔlu nya.

Ébrunu 3:2

Jézu é yara pa mi lé ’bɛ a dɔ nwunvɔzan valé Balebanmunu ’lɛzan nya bɛ, ’bɛlé we ta, bélé fɛan zo lé Moizi é yara pa we la élé munu faa méléna, a zo.

Ébrunu 3:4

Dé é a kɔn‐o kɔn‐an nya, mi ɛ dɔ, naa, mian é fɛ faa kɛlɛ, yee lé é ke Kazambale nya.

Ébrunu 8:5

Naa, weboen lé, Balebanmunu ’ko lé balebannyanama a bélé fɛfoto zo, é a bélé we zuosonale zo. Yee fɛ boen a la gi. Ko ’bɛ gi dɔɔ we lé Kazambale a fe Moizi lɛ, ’té ’bɛ a gona sɔkɔn dɔna bɛ, a ma. É lé a lɛ léé: ’I yuɛ pa ibozen va. A dɔbɛ faa lé maa a gɔɔn i lɛ gɔ nwiin ’ko, bé faa kɛlɛ ’bɛ yɛrama ’kyɛ.

Ébrunu 9:24

Fɛna sauun lé mi a kɛlɛ fɛ boen zuosonafɛ nya, Krist ’ka wɔra lɛ ’bɛna lo. É wɔra la bozen gi yé ébo dɔ Kazambale yara sin kaalé we gi.

Jozué 1:15

fɔɔ, yé Gakelebale é flinle nɔ wo lɛ, bélé fɛan zo lé é flinle nɔ ka lɛ, a zo, yé wo nyana kli tɛrɛ lé Gakelebale, kazé Bale a nɔ wo lɛ, a ta. ’Bɛ zuo faa yé ka dan da lɛ é ziin tɛrɛ lé Gakelebale wuozan Moizi a nɔ ka lɛ Juudɛn ’lɛzia, yirinwanazia, a ta, yé ka nyana ana.

Jozué 1:2

An wuozan Moizi ga; sin, ’i nwa; bii valé munu ’konu faa, ’ka Juudɛn ’ko kini, gole we gi tɛrɛ lé maa a nɔ Izraɛl lé nénu lɛ, a ta.

Jozué 1:7

’Ibo dɔ gligli é wo, yé ’i bli ta dɔ plɛplɛ, yé ’i we kɛlɛ yarapalale nya bélidɔwe lé an wuozan Moizi a nɔ i lɛ, a yɛrama; té i nɔla, dé i bɛyilazia léé, dé i bɛbolazia léé, ana lo, we faa lé bé kɛlɛle pélisia, a ’wuo plale we gi.

Jozué 8:31

fɛan zo lé Gakelebale wuozan Moizi a fe Izraɛl lé nénu lɛ, yé wa gyɛ Moizi lé bélidɔsɛbɛ gi, a zo. É balebanna kɛlɛ gɔlɛnu lé wo ’ka wo ’wii lɛ foliɛwɔlɛ nya lo, a nya. Wo Gakelebale ban balebanna ’ko ta, wi lé wa kyɛ blé, a nya, yé wo bɔvɔ sarakanu bo é ziin.

Jozué 8:33

Izraɛl faa, wolé mi segelenu koo, wo nwiinzannu koo, wolé weblezannu koo, wo dɔ Gakelebale lé gipawe pagikɛsu bɛ fié la, Balebanmunu, Lévinu lé woo goo Gakelebale lé gipawe pagikɛsu nya, wo ’lɛ; munu lɛ do dɔ Garizim gɔ ma, yé a lɛ do dɔ Ébal gɔ ma, fɛan zo lé Gakelebale wuozan Moizi a fe wo lɛ léé, ’wo munu drɔɔ vo fɛan zo, a zo, ’té bɛn bɛ gi munu a wo va é ziin.

Wegɔɔnle 15:3

Yé wo Kazambale wuozan Moizi lé lɛrɛ vɔ, yé wo ’Blané lé lɛrɛ vɔ yé wo léé: Mizambale, Plɛplɛfaazan, i kɛlɛwenu a blɛn yé wo tɔ a é bɔle. Bɛnnu nwiinzan, ilé zinu a tegele yé wa webozen nya.