Ébrunu 3:16 - Kazambale lé Sebe Sauunu 1979

¹⁶ Wo lé wo nwa mi ma we ’male zuo, dé é ’ka munu faa lé wo si Éjipiti tɛrɛ la, ’té Moizi a wo ’lɛ, wo nya lo, ’té denu léé?

Ébrunu 3:16 ပူးပေါင်းရင်းမြစ်များ

Lɛrɛvɔ Sɛbɛ 78:17

Naa, wo vo wenyané kɛlɛna a ma, Wo bli vo nwana Loruzan ma, nyéné saa lé fɛna.

Lɛrɛvɔ Sɛbɛ 78:40

Dé wo nwa Bale ma nyéné saa lé fɛna gɔnɔ nɔɔ? Dé wo a ’léé gini bwi gi gɔnɔ nɔɔ?

Jérémi 32:29

Kaldé munu lé wo nwa fla ’ko ma, wo dan wɔra lɛ fla; wo dan a kyɛ vɔ lɛ, yé kyɛ é dan a ble lɛ, yee valé kɔnnu lé wo lasikɔrɔ kyɛ ble Baal lɛ wo nwiin, ’té woo baleban’yi zanaan ana bale bɛnu lɛ an bli flile we ma bɛ, wo nya.

Jérémi 44:3

Naa, wo wenyané kɛlɛ an bli flile we ma. Wo lasikɔrɔpo kyɛ ble bale bɛnu lé wo ’ka wo dɔɔa lo, yé ka ’ka wo dɔɔa lo, yé wo tranu ’ka wo dɔɔa lo, wo lɛ, yé wo wo bɔ, amalé an bli fli.

Jérémi 44:8

Mɛmalé ka an bli fli ka bɛ panyanama nyaa? Ka da nyana lɛ Éjipiti tɛrɛ la yé ka lasikɔrɔpo kyɛ ble ’bɛna bale bɛnu lɛ. Mɛmalé ka kabo bɔra kulu gale lɛ yé wo bale pa ka ma yé wo ka kɛlɛ serele bomazannu nya tɛrɛ la bɛnnu faa mélénaa?

Mi Nɔnɔle 14:11

Yé Gakelebale lé Moizi lɛ léé: Munu ’ko, wo dan daan lɛ wo yuɛ vɔle ma an zi mɛ bléyi vaa? Naa, maa we blɛnblɛn faa kɛlɛ wo méléna, mɛ bléyi va lé wo dan wo bli vo lɛ an lɛɛ?

Mi Nɔnɔle 14:2

Izraɛlnu faa kun weblele ma Moizi valé Arɔn va, yé zén‐ékevamunu faa lé Moizinu lɛ léé: Dé ko ga kɔɔn Éjipiti tɛrɛ la, ’té ’bɛ a é zima. Yé dé ko ga kɔɔn bwi ’ko la, ’té ’bɛ a é zima.

Mi Nɔnɔle 14:24

Naa, an wuozan Kalɛb gi bli a é yɛrama, yé é tawo anlé zi ta tegele, amalé tɛrɛ lé é go a ta, maa dan a nyana lɛ ’bɛna, yé é dan kɛlɛ lɛ a kulunu zé nya.

Mi Nɔnɔle 14:30

ka ’ka dan wɔra lɛ tɛrɛ lé ’ébo ’nyɔɔn léé, ka dan nyana lɛ a ta bɛ, a ta pelo; ’té dé é ’ka Jéfuné be Kalɛb valé Nɛn be Jozué nya lo.

Mi Nɔnɔle 14:38

Nɛn be Jozué valé Jéfuné be Kalɛb, wo fié ɛ vo é yuɛma, munu lé wo go tɛrɛ nagini lɛ, wo va munu nya.

Mi Nɔnɔle 14:4

Yé wo lé ’wo ke lɛ léé: Kaa kaa nwiinzan do dɔ, yé kaa go kaa pa gi Éjipiti tɛrɛ la.

Mi Nɔnɔle 26:65

Naa, Gakelebale a fe léé, wo faa é dan ga lɛ bwi gi; wo va mi do kpen ’ka dan vo lɛ lo, ’té dé é ’ka Jéfuné be Kalɛb valé Nɛn be Jozué nya lo, azama.

Bélidɔwesɛbɛ Fiézan 1:38

É léé, ’é wuozan, Nɛn be Jozué, é dan go lɛ ana; é a lé maa a dɔ gligli, naa, yee lé we ma lé Izraɛl munu é dan tɛrɛ ’ko ye lɛ ’wozé nya.

SEBE LÉ JUD A GYE (Épitre de Jude) 1:5

We lé é kɛlɛ Izraɛl munu lɛ, ka a gi dɔɔ é zima, naa, duowo, maa a a sele dɔna ka gi. Mizambale Izraɛl munu si Éjipiti tɛrɛ la, yé ’bɛ zuo wo vamunu lé wo bli ’ka é pale lo, é wo gyɛ. Yee kaan loo?