Ébrunu 3:14 - Kazambale lé Sebe Sauunu 1979

¹⁴ Kaa bli a Kazambale lɛ é vinin fɛan zo, dé kaa bli vo a lɛ ’bɛ zo fɔɔ yé kaa bɔ a ’wuoplana, ’té kaa a Krist gizannu nya.

Ébrunu 3:14 ပူးပေါင်းရင်းမြစ်များ

Rom munu 11:17

Naa, dé wo yilibɛ kenu bɔi é ma, yé bii lé i ke bwi gi ɔliviyili nya, dé wo i dɔ wo pun ’léé, yé ɔliviyili ’yi lé éé sié a suni gi yé i kɛlɛ a ke yezan nya bɛ,

Rom munu 11:22

Bɛwemalé Kazambale lé zin koo, a wɛwɛ koo, ’ka bɔn‐in bɔrɔ wo ma; munu lé wo diéra, a wɛwɛ a wo ma; yé alé zin a i ta, ’té dé i dɔ gligli zin ’ko gi; dé ’bɛ kaan lo, bii é ziin, é dan sɔn vɔ lɛ i ma.

1 Korent munu 1:30

Naa, Kazambale lé we ma lé ka a Jézu Krist gi, yé Kazambale lé blibɔmawe yɛrama lé Krist kinin kolé wedɔɔle valé kolé we tegele koo, ko kɛlɛle sauun koo, ko tabozan koo, wo nya.

1 Korent munu 10:17

Buru a do kpen, yé kaa a kɔlɛ do kpen nya, dɔlé ’té kaa a kiɛre. Naa, buru do kpen lé kaa faa a blé.

1 Korent munu 9:23

Maa we ’konu faa kɛla Wenéné lé we ma, anzé kɛlɛle a va we ma.

Éfez munu 3:6

Yee we yɔɔle lé ke ’ko: Wenéné lé we ma bɛn bɛnu a tɔnɔblezannu nya ko Juifinu va, ko valé wo a kɔlɛ do nya, yé blivolɛdére lé Bale a fe Jézu Krist lé we ma, é a ko valé wo dɔlafɛ nya.

Bélidɔwesɛbɛ Fiézan 1:35

Tɛrɛ zin lé maa anbo ’nyɔɔn léé, maa dan a nɔ lɛ wo tranu lɛ, bléyi ’ko vamunu nyané ’ko, wo va mi do kpen ’ka dan ’bɛ tɛrɛ ye lɛ lo,

1 Timoté 6:2

Yé wo lé wozannu ke Krétiɛnnu nya, té wo yuɛ é kini ’wozannu nya, wo kɛlɛle wo bwenu nya we ma lo. Munu lé wo ke wolé nyanama pana bɛ, wa Krétiɛnnu nya; wa wo sɔlɛzannu nya; bɛwemalé é a lé ’wo wolé nyanama pa é zima.

Ébrunu 11:1

Fɛnu lé mi bli ke wo lɛ, blipale ɛ wo yé; fɛnu lé mi ’ka wo yé lo, blipale ɛ ke wo nagɔɔnzan nya.

Ébrunu 12:10

Kaa tinu éé we lɛdɔa kaa gi bléyi ke nya, wa ye é zima kaazé nya fɛan zo, a zo, naa, Kazambale éé we lɛdɔa kaa gi wezin kɛlɛle kaa lɛ we ma yé kaa kɛlɛ sauun ’é zo.

Ébrunu 3:1

Bɛwemalé, ka lé ka ke an bwenu nya Kazambale va, ’té é ka laa la gi bɛ, ’ka bɔn‐in bɔrɔ Jézu ma do. Bale a pa zia léé, kaalé blipale mawe lé kaa fé, ’é kɛlɛ a gi nwunvɔzan valé Balebanmunu ’lɛzan nya.

Ébrunu 3:6

naa, Krist kɛlɛ yarapawelazan nya bélé mi be lé ke é plale ébo lé kɔn nwiin, a zo. Yé kaa a alé kɔn nya, ’té dé kaa bli vo é pale gligli, yé kaa bli vo we lé éé kaa gi nanaan, a lɛ, fɔɔ yé kaa bɔ a ’wuoplana.

Ébrunu 6:11

É sɔ ko lɛ léé, ka faa ’é vo a kɛlɛna ka sɔbɛla nya fɔɔ yé we lé ka bli ke a lɛ, yé ka a ye.

Ébrunu 6:4

Munu lé, wo wo bɔn gi kini, ’té wo lagi blɛ ye, ’té wo ’wozé ye Léli Sauun va,

1 Piɛri 4:13

Naa, ka gi ’é nana léé, nyanénu lé Krist a ble, kazé a wo va, yé ka gi ’é nana fɔɔ yé é gié a glɛ la, Krist lé fua nagɔɔn yi nya.

1 Piɛri 5:1

Maa a we plana kalé mi segelenu lɛ. Maa é ziin, maa a wo va mi segele do nya, yé maa Krist lé nyanéblelenu ye, yé anzé a fua tɔbɔle lé é dan bɔra lɛ bɛ, a va. We lé maa a plana ’kaa mi segelenu lɛ, yee lé ke ’ko:

1 Jan 1:3

Yee lé ko a ye yé ko a ’ma, ko a yee ɛ fena ka lɛ, kaa kɛlɛle do we ma. Naa, ko a é kɛlɛle do kaa Ti valé é Be Jézu Kristnu nya.