Ébrunu 3:12 - Kazambale lé Sebe Sauunu 1979

¹² Bwenu, ’ka yuɛ pa kabozen va; bli nyané lé é ’ka vo we lɛ lo, té ’é kɛlɛ ka va mi do gi fɔɔ yé é diéra Bale yuɛmale zuo lo.

Ébrunu 3:12 ပူးပေါင်းရင်းမြစ်များ

Wepélisiananu 8:21

Gakelebale fɛ gin néné si, yé Gakelebale lé é bli gi léé: Dé munu bɔn‐in bɔrɔle naané pélisia wo kénéné la bléyi vaoo, maa ’ka dan bale pa lɛ tɛrɛ ma munu lé we ma é dɛrɛ lo. Fɛnu faa lé ke é yuɛma, maa ’ka dan wo bla lɛ é dɛrɛ, bélé maa kɛlɛ fɛan zo ’ko, a zo lo.

JOB (Job) 21:14

Dɔlé ’té wa fé Kazambale lɛ léé, ’i si ’wo ma, ’Wo ’ka ilé zinu dɔɔle va lo.

JOB (Job) 22:17

Wo lé Kazambale lɛ léé: ’I si ko ma; Plɛplɛfaazan éé mɛ fɛ kɛla ko lɛɛ?

Lɛrɛvɔ Sɛbɛ 18:21

Gakelebale anzé kɛlɛ anlé wedrɔle yɛrama, É zin kɛlɛ an lɛ an bɛ gibɔle yɛrama.

Wegɔnévɔlenu 1:32

naa, ’wuoplɛlɛzannu lé tɔné gi plɛplɛ éé wo gya, yé ’tugyɛmunu ta béli dɔle éé wo saan;

Ézai 59:13

Ko kɛlɛ wegyɛzannu valé yuɛgiblanzannu nya Gakelebale va; ko sɔn vɔ kolé Bale ma; ko kɛlɛ glakɛlɛzannu valé nwamimazannu nya; viéwe péli sia ko bli gi, ’té ko a bɔrɔan ko bɔn‐in.

Jérémi 11:8

Naa, wo ’ka ’wo tɔné dɔ lɛ an lɛ lo, yé wo ’ka an ban lɛ wo tɔné nya lo; wo faa do do vo tawona ’wo bligiwe naané yɛrama. Naa, dérenu faa lé maa a fe gipawe ’ko ma, maa a lɛ sɔɔ wo lɛ, ’té maa a fe léé, ’wo a tawe kɛlɛ, yé wo ’ka a tawe do kpen kɛlɛ lɛ lo bɛ, yee lé.

Jérémi 16:12

Yé ’kaa, kalé wenaané kɛlɛle mini ka tranu zé ta, yé ka faa do do, ka we kɛla ka bligiwe naané yɛrama, ’té ka ’ka ka tɔné dɔa an lɛ pelo.

Jérémi 17:5

Gakelebale we fe yé é léma: Mian éé paan blami ta, ’Té éé mi kɛla é tɛngizan nya, ’Té éé bli sié Gakelebale lɛ, ’wo bale pa ’bɛzan ma.

Jérémi 17:9

Mi bli ’ka zi yɛrama lo; é a é nyané; De ɛ bɔa mi bli lé we dɔɔle lɛɛ?

Jérémi 18:12

Naa, wo léé: We pla ’bɛ. Ko dan tawo lɛ kolé bɔn‐in bɔrɔlenu yɛrama; ko faa do do, ko dan we kɛlɛ lɛ ko bligiwe naanénu yɛrama.

Jérémi 2:13

Naa, anlé munu wenyané gɔnɔ fié kɛlɛ: Maa lé, an ke bélé ’yi’wuo lé éé mi voo é yuɛma, a zo, wo an vo Yé ’yigurunu lé ’yi ’ka voo wo gi lo, wa bo wozé nya.

Jérémi 3:17

’Be bléyi va, wo dan Jérusalɛm laa lɛ, Gakelebale lé webleblin; bɛngɔnɔ faa é dan zén lɛ ékeva Jérusalɛm Gakelebale tɔ nya yé wo ’ka dan tawo lɛ ’wolé blibɔmawe naané zuo é dɛrɛ lo.

Jérémi 7:24

Yé wo ’ka ’wo tɔné dɔ lɛ lo; wo ’ka an ban lɛ ’wo tɔné nya lo; wo ’wo bli nyané lé weplenu valé ’wolé blibɔmawenu ta tawo. Yé wo go wo zuozia, wo ’ka da lɛ wo ’lɛzia lo.

Ézékiɛl 14:5

yé Izraɛl munu faa lé wolé bli bɔle miyilinu ma wo si an ma baa bɛ, maa dan we lɛdɔ lɛ wo gi.

OZÉ (Osée) 1:2

We vininzan lé Gakelebale a fe Ozé lɛ, yee lo: Gakelebale lé a lɛ léma: ’I go, ’i bɔrɔdɛ le do si i na nya, ’té alé bɔrɔdɛ ta nénu a; naa, tɛrɛ ’ko sɔn vɔ Gakelebale ma, yé é vo bɔrɔdɛ le zo.

Matio 16:16

Simɔn Piɛri a zi pa léé: Bii a Krist lé é ke Bale yuɛmale Be nya, a nya.

Matio 24:4

Jézu a zi pa wo lɛ léé: ’Ka yuɛ pa kabozen va, té mi do kpen é ka saan lo ma.

Maak 13:23

’Ka yuɛ pa kabozen va. Maa a faa fe ka lɛ a bɔle ’lɛ.

Maak 13:33

Bléyian va lé ’bɛ ’yi ’ko é dan bɔ lɛ, ka ’ka a gi dɔɔa lo, amalé ’ka yuɛ pa kabozen va. ’Ka vo é yuɛma.

Maak 13:9

’Ka yuɛ pa kabozen va. Wo dan ka pa lɛ weblezannu lee, yé wo dan ka bla lɛ plén nya bazorokɔnnu gi, yé ka dan dɔ lɛ gbɔrɔnama valé minwiinmunu ’lɛ anlé we ma, kɛlɛle wenayezannu nya wo ’lɛ we gi.

WENÉNÉ LÉ LUK A GYE (Évangile selon Luc) 21:8

Yé Jézu léé: ’Ka yuɛ pa kabozen va, té wo ka saan lo we gi. Naa, mi kiɛre é dan da lɛ an tɔ gi ’té wa fé léé, ’wo ɛ ke Krist nya; a bléyi bɔ. Té ka go ’bɛnu zuo lo.

Rom munu 11:21

Naa, dé Kazambale ’ka yili bozen bɛnu vo lɛ lo, bii é ziin, é ’ka dan i vo lɛ lo.

1 Korent munu 10:12

Amalé, mian é dɔ a gi léé, ’é a plɛplɛ, ’é yuɛ pa ébozen va, dé é da saan.

Kolɔs munu 2:8

’Ka yuɛ pa kabozen va, té migi?-?vuruzan do é ka saan élé gikinidérenu lé woo sié gɔnɔlawe valé tɛrɛlawe va, ’té é ’ka sié Krist lé we paale va lo bɛ, wo nya lo.

1 Tɛsalɔnik munu 1:9

’Bɛna munu a ka tawe fena léé, ko go ka va yé ka ko si é zima yé ka nɔla Kazambale va yé ka sɔn vɔ miyilinu ma, Bale yuɛmale lé é ke Bale bozen nya, a bɔle we gi.

Ébrunu 10:31

Vɔle Bale yuɛmale lee a we tɔntɔn kaii nya.

Ébrunu 10:38

Yé anlé mi tegele é dan béli lɛ blipale ma, naa, dé é diéra, an gi ’ka dan nana lɛ alé we ma lo.

Ébrunu 12:15

’Ka yuɛ pa kabozen va, léé, té mi do é vuru Kazambale lé zin ma lo; mi sɛrɛwenu lé woo blan sié é kele bɛ, té wo wɔra ka méléna yé wo gi bɔrɔ pa mi ma yé mi kiɛre é sɛrɛ lo.

Ébrunu 12:22

Naa, ka a é biéle Siɔn gɔ sɔnɔ, Bale yuɛmale lé fla lé ke lagi Jérusalɛm nya koo, lanjenu kiɛre lé wo nɔnɔ ’léé ’ka lo, ’té wa fɛti kɛlɛna bɛ, woo koo,

Ébrunu 12:25

’Ka yuɛ pa kabozen va, mi lé ke we fena ka lɛ, té ka sɔn vɔ a dére ma lo. Munu lé wo sɔn vɔ Moizi lé é we fe wo lɛ tɛrɛ la ’ko, a dére ma, dé Bale we lɛdɔ wo gi ’naan, ’té kaa nii? Dé kaa sɔn vɔ mi lé é ke we fena lagi loru bɛ, ’bɛzan dére ma, Bale ’ka dan we lɛdɔ lɛ kaa gi loo?

Ébrunu 3:1

Bɛwemalé, ka lé ka ke an bwenu nya Kazambale va, ’té é ka laa la gi bɛ, ’ka bɔn‐in bɔrɔ Jézu ma do. Bale a pa zia léé, kaalé blipale mawe lé kaa fé, ’é kɛlɛ a gi nwunvɔzan valé Balebanmunu ’lɛzan nya.

Ébrunu 3:10

Yé é ziin, an bli gi kyɛ dɔ ’bɛ bléyi vamunu lé we ma, yé maa léé: Wo saanbli a wo gi yifaama; Wo ’ka anlé zinu dɔɔ lɛ lo.

Ébrunu 3:19

’Ko zo lé ko yé léé, wo bli ’ka é pale lo, amalé wo ’ka bɔ lɛ flinle ’ko yele lɛ lo.

Ébrunu 9:14

’té Krist nyɛ nii? ’Bɛzé ’ka minié loo? Léli lé é ’ka gaan lo, ’bɛ nya lé ébo nɔ Kazambale lɛ saraka lé gun ’ka a ma lo, a nya. Kaa kɛlɛwenu lé wo tɔnɔ ’ka lo, a nyɛ ’ka dan wo si lɛ kaalé wevasibli gi yé kaa kɛlɛ Bale yuɛmale bɔzannu nya loo?