Ébrunu 2:3 - Kazambale lé Sebe Sauunu 1979

³ Dé kaa yara si silewegi blɛn ’ko zo ta, we é dan si lɛ kaa nwiin kaa? Mizan bozen ɛ silewegi ’ko lé we fe é vinin, yé munu lé wo we ’ko ’ma a ta, wo yee duo fe kaa lɛ é ziin,

Ébrunu 2:3 ပူးပေါင်းရင်းမြစ်များ

Ézai 12:2

Bé ye, Bale a an siéwegizan nya; An pale a i ta blɛn, yé maa ’ka dan kana lɛ we do lee lo. Naa, Gakelebaleoo Gakelebale, i a anlé plɛplɛ nya, yé bii ɛ tɔ zin lé maa fé; Bii ɛ ke an Siéwegizan nya.

Ézai 20:6

Yé wɛyi bɛ do la munu é dan a fe lɛ yi ’ko la léé: Munu lé ko bli ke turu wo lɛ, ’té é dɔ ko gi léé, wo dan bɔ lɛ ko va yé wo ko si Asiri munu nwiinzan blɛn lee, yé we ’ko bɔ ’bɛnu ma, ko dan so lɛ Asirinu lee kaa?

Ézai 51:5

Anlé wetegele kɛlɛle bɔ é pu, anlé mi sile we gi é dan bɔra lɛ, An dan munu lé we ble lɛ an bɛ nya; Wɛyiworona tɛrɛ lamunu bli é dan kɛlɛ lɛ an lɛ, Dé wa an bɛ gi, wo gi é dan san lɛ wo ma.

Ézai 51:8

Flatoronu é dan wo ble lɛ bélé sɔ zo, yé wo sɛrɛ, azama; Yé boworo éé ’blakyɛɛsɔ blé fɛan zo yé é sɛrɛ, a zo lé wo dan sɛrɛ lɛ. Naa, anlé we tegele é dan vo lɛ ana lɛɛfaama, Yé anlé mi sile we gi é dan vo lɛ ana mi kulu é kulu faa zé nya.

Ézai 62:11

We lé Gakelebale a zana dɔɔ fɔɔ tɛrɛ glɛ sina, yee lo; É léé, ’Ka fe Siɔn munu lɛ léé, Ka yua, ka siwegizan lé é dan bɛ; Ka ye, ka gooli a a lee, Yé a ’lɛvlɛ lé ke mibanwole nya.

Ézékiɛl 17:15

Naa, gɔnézan ’ko nwa Babilɔn nwiinzan blɛn ma. Yé é mi nwunvɔ Éjipitinu va, léé, ’wo wisoonu valé mi ’léé kiɛre nɔ ’é lɛ. Mi lé éé ’bɛ zo wenu kɛla, alé we nyian é dan wo lɛ yé é so we lee? É gipawe sɛrɛ; é dan so lɛ we lee?

Ézékiɛl 17:18

É bale ’nyɔɔnle ye boawe nya, yé é gipawe sɛrɛ, dɔlé ’té é a nyi si é vinin, yé é we ’konu faa kɛlɛ. É ’ka dan so lɛ we ’ko lee lilo.

Matio 23:33

Ménénu, ménénwunnu bɛn, ka kɛla kaa yé ka ’ka dan kle ble lɛ jéɛna kyɛ va loo?

Matio 4:17

É sia bléyi ’ko va, Jézu kun Bale lé wefele ma, yé é léma: Kazambale plale mi nwiin bɔ é pu, amalé ’ka bli nɔla.

Maak 1:14

Dé wo Jan vɔ bokɔn gi faa, yé Jézu go Galilé, Kazambale lé Wenéné fele nya.

WENÉNÉ LÉ LUK A GYE (Évangile selon Luc) 1:2

Munu lé wo kɛlɛ anayemunu nya a pélisia bléyi va yé wo kinin Dérefezannu nya bɛ, wa fe ko lɛ.

WENÉNÉ LÉ LUK A GYE (Évangile selon Luc) 1:69

É ko siéwegizan plɛplɛ nwa é wuozan David gɔnɔ gi,

WENÉNÉ LÉ LUK A GYE (Évangile selon Luc) 24:19

Yé é lé wo lɛ léé: Mɛ we léé? Yé wo lé a lɛ léé: We lé é kɛlɛ Nazarɛtzan Jézu lɛ, yee lé. É a balelayezan lé é ke plɛplɛ we kɛlɛle valé dére fele gi Kazambale valé munu faa yuɛ va, a nya.

WENÉNÉ LE JAN A GYE (Évangile selon Jean) 15:27

é sia a pélisiana ka a an va, bɛwemalé ka é ziin, ka dan anlé we fe lɛ.

Kelewenu 1:22

é sia bléyian va lé Jan Jézu batizéwo fɔɔ yé é bɔ Jézu nwayi ma ko méléna, é a lé ko wo va mi do si yé é kɛlɛ ko va Jézu nwanayezan nya.

Kelewenu 2:22

’Kaa Izraɛl munu, ’ka dére ’konu ’ma ma. Kazambale Nazarɛtzan Jézu ma wenu fe ka yuɛ va, gyɛzorowenu koo, we blɛnblɛnnu koo, tɔmasenu koo, wo nya, ’té Bale a kɛlɛ Jézu nya ka méléna, ka a gi dɔɔ kaboan;

Kelewenu 4:12

Mi bɛ ’ka mi sié we gi lo; yé tɔ bɛ ’ka munu va la wuo ’ko, yé ko si we gi ’bɛ nya lo.

Rom munu 11:14

yé dé an bɔa lɛ, yé maa an bɛnnu lé maawole nwa, wo va mi kenu sile we gi we ma.

Rom munu 2:3

Bii lé i bɛzowe kɛlɛmunu ma we blé, ’té i yee we duo kɛla, é a i gi léé, Kazambale ’ka dan ilé we ble lɛ loo?

1 Korent munu 1:21

Kazambale lé wedɔɔle gi, é a kɛlɛ léé, té tɛrɛlamunu ’é dɔɔ ’wolé wedɔɔle nya lo; é sɔ Kazambale lɛ léé, munu lé wo bli vo ’é lɛ, ’é wo si we gi wenéné lé ke ’tugyɛwe nya, alé we fele nya.

1 Tɛsalɔnik munu 5:3

Dé munu a fena léé, ’wa drɔɔ, we do ’ka ’wo ma lo, kele tɔɔn yé mi?-?gyɛwe é bɔra wo ma fiaa, bélé fɛan zo lé nyanéblele tɔntɔn éé bɔraan bɔnzan ma fiaa a zo, yé wo ’ka bɔa sole lɛ a gi lo.

1 Timoté 1:15

Sɔbɛlawe lé é a lé mi faa a nyi si, yee lé ke ’ko: Jézu Krist da tɛrɛ la wenyanékɛlɛmunu sile we gi we ma, yé maa a wo va wenyanékɛlɛzan blɛɛn nya.

Tite 2:11

Naa, Kazambale lé zin lé ke munu faa sile we gi punsina nya bɛ, Bale a nagɔɔn munu lɛ.

Ébrunu 1:1

É kyɛn Kazambale we fe kaa tranu lɛ gɔnɔ kiɛre valé bɛ kiɛre ma, balelayemunu lɔlu nya.

Ébrunu 1:14

Lanjenu faa ’ka bélé funu zo Kazambale lé nyanama gi loo? Bale ’ka wo pa lɛ zia munu lé wo dan si lɛ we gi, bɔle wo va we gi loo?

Ébrunu 1:2

Naa, sin, bléyi voéla ’ko gi, é we fe kaa lɛ é Be Jézu lɔlu nya. É fɛnu faa nɔ é Be Jézu lɛ ’bɛzé nya yé Jézu nya lé é fɛnu faa kɛlɛ.

Ébrunu 12:25

’Ka yuɛ pa kabozen va, mi lé ke we fena ka lɛ, té ka sɔn vɔ a dére ma lo. Munu lé wo sɔn vɔ Moizi lé é we fe wo lɛ tɛrɛ la ’ko, a dére ma, dé Bale we lɛdɔ wo gi ’naan, ’té kaa nii? Dé kaa sɔn vɔ mi lé é ke we fena lagi loru bɛ, ’bɛzan dére ma, Bale ’ka dan we lɛdɔ lɛ kaa gi loo?

Ébrunu 4:1

Blivolɛdére lé Bale a fe léé, é dan élé flinle nɔ lɛ munu lɛ, ’bɛ dére ana é ziin tan, bɛwemalé ’ka kana, dé é da kle ka va mi kenu ma.

Ébrunu 4:11

Amalé kaabo tunu flinle ’ko yele we gi, léé, té mi do kpen é Juifinu lé Bale lɛgale a ma zuosona lo. Dé é a kɛlɛ, ’té éé saan.

Ébrunu 5:9

Gun si Bale Be ma aan wo, é kɛlɛ bélile lé a glɛ ’ka lo, a bɔrazan nya, munu lé wa lɛdɔama, wo lɛ.

Ébrunu 9:28

A zo lé Krist é ziin, é ébo nɔ gɔnɔ do kpen mi kiɛre lé wenyané nyaale we gi, yé é dan da lɛ a gɔnɔ fiézan nya; é ’ka dan da lɛ wenyané nyaale we ma lo, é dan da lɛ munu lé wo ke a lɛbɛnna, wo sile we gi we ma.

1 Jan 1:1

Yee lé é ke ana a pélisia bléyi va fɔɔ kyɔ, yé ko a ’ma, yé ko a ye ko yuɛ nya, yé ko a nagini, yé ko bɛ mane a ma, yee ɛ lé we lé ko ke a fena. Mibélidére lé;

SEBE LÉ JUD A GYE (Épitre de Jude) 1:17

An béé zinnu, wenu lé Kaazan Jézu Krist lé nwunvɔzannu a fale vɔ ka lɛ é kyɛn, wo sele ’é dɔ ka gi ma.

Wegɔɔnle 7:10

’Té woo siaan dére plɛplɛ nya léé: Bélile a kozé Bale lé é ke é nyanale webleblin ta, a lee, ’é valé ’Blané lee.